Qoǵam • 01 Qarasha, 2019

О́tinishterdiń jaýaby ótimdi bolýy kerek

11 retkórsetildi

Nur-Sultan qalasyndaǵy «Qazaqstan» ortalyq konsert zalynda «Halyq únine qulaq asatyn memleket – turaqty memleket» atty semınar-keńes ótti.

Halyq pen bılik arasynda dıalog ornatý máseleleri talqylanǵan is-sharany Pre­zıdent Ákimshiliginiń О́tinish­terdi qaraýdy baqylaý bólimi jáne Eýrazııalyq ıntegrasııa ınstıtýty uıymdastyrdy. Jıynǵa Prezıdent kómekshisi – Prezıdent Ákimshiliginiń О́tinishterdi qaraýdy baqylaý bóliminiń meńgerýshisi Aıda Balaeva, Ulttyq qoǵamdyq senim keńesiniń músheleri Er­lan Saırov pen Murat Ábe­nov, sondaı-aq oblystar, Nur-Sultan, Almaty jáne Shym­kent qalalary ákimdikteri apparat basshylarynyń orynbasarlary, Bas prokýratýra ókilderi, belgili saıasattanýshylar men blogerler qatysty.

Basqosýda Prezıdent kó­mek­shisi Aıda Balaeva sóz alyp, Memleket basshysynyń Jol­daýda kórsetken memlekettik tu­raq­tylyqty saqtaý baǵytyn­daǵy atqarylyp jatqan ju­mystarǵa toqtaldy.

– Prezıdent Qasym-Jomart Toqaev bılik pen qo­ǵam arasynda turaqty dıalog qurýǵa basa mán berip otyr. Joldaýdaǵy «Halyq úni­ne qulaq asatyn memleket» tujy­rym­damasy halyqpen tyǵyz qarym-qatynas ornatýdy, azamattardyń talap-tile­gin nazarǵa alyp, sheshimin ta­býdy kózdeıdi. Prezıdent Ákimshiliginiń О́tinishterdi qaraýdy baqylaý bólimi osy maqsatta quryldy. Búginde bul bólim ótinishterdi sapaly qaraý jumysyn júıe­leý­di qolǵa aldy. Úsh aıda elimiz­diń úsh óńirine baryp, aımaq­tar­daǵy azamattardy qabyl­daý sharalaryndaǵy ilgerileý­shilikti baıqadym. Biraq osy baǵyttaǵy jumysty áli de jetildire túsý kerek. О́ıtkeni bizge túsken ótinishterdiń aýqym­dy bóligi – óńirlerge tıe­sil­i. Biraz máseleniń nazardan tys qalýy halyq pen ortalyq memlekettik jáne jergilikti at­qarýshy organdardyń arasynda tıisti deńgeıde baılanys joqtyǵyn ańǵartady. Qazir azamattar jergilikti oryndarda qaralatyn máselelerimen Prezıdentke júginip jatyr. Nur-Sultan qalasyna alys­taǵy aýyl-aımaqtardan óz jaq­­tarynda da qarastyrýǵa bola­­tyn aryz-shaǵymdaryn aıtyp, ábiger bolyp arnaıy kele­tinder de bar, – dedi A.Balaeva.

Osy rette Prezıdent kó­mek­shisi máselelerdi júıeli sheshý úshin azamattardyń únine ǵana qulaq aspaı, memlekettik organdar da bir-birin tyńdaı bilýi kerek ekenin aıtty. Sebebi memlekettik organdardyń bir-birine silteýimen halyqtyń talap-tilegine der kezinde mán berilmeı, máseleler qordalanyp qalady. Osyndaı olqylyqtardy retke keltirý úshin Prezıdent Ákimshiliginiń О́tinishterdi qaraýdy baqylaý bólimi arnaıy jobalyq keńse ashqan eken.

– Memlekettik organdardyń jumysynyń sapasyn arttyrý úshin biz ótinishterdiń 90 paıyzyn Prezıdent Ákim­shiliginiń baqylaýyna aldyq. Bul jumysty uıymdastyrý aıasynda bólim memlekettik organdardyń jaýaptary men ótinish berýshilerdiń pikirlerin taldaý men sapasyna erekshe nazar aýdarady. Tipti teris jaýaptyń ózi, meniń oıymsha, azamattyń kúmánin seıiltý úshin negizdi túrde jetkizilýi kerek. Bólimde qurylǵan jobalyq keńse aıasynda memlekettik organdar deńgeıindegi júıelik problemalardy anyqtaý maqsatynda ótinishterge taldaý júrgizilip jatyr. Biz negizsiz nemese orynsyz berilgen ja­ýaptardyń barlyǵyn ortalyq jáne jergilikti atqarýshy or­gan­dardyń ózderine qaıtaryp jatyrmyz. Osylaısha ártúr­li memlekettik organ qyzmet­kerleriniń biliktilik deńgeıi de anyqtalady. Eger bir suraq kelse, jaýap laıyqty bolýy kerek. Aldymen memlekettik or­gandar bir-birin tyńdaı bilýi tıis. Bir-birimizdi estigen boıda adamdardyń úni de qulaǵymyzǵa jetedi. О́tinishterdi qaraý ke­zinde artyq bıýrokratııalyq ke­dergiler men rásimderdi joıý, vedomstvoaralyq ynty­maq­tastyqtyń tikeleı arnalaryn qurý jáne atqarýshy tártiptiń sapasyn qamtamasyz etýdiń mańyzy zor. Qazir Úkimet, mınıstrlikter, bar­lyq memlekettik organdar, onyń ishinde aýyldyq, aýdan­dyq deńgeılerge deıin azamat­tardyń suraǵyna tikeleı jaýap beretin adamdar anyqtaldy. Biz ózara tyǵyz qarym-qatynasta bolýymyz kerek. Árbir úndeý tıimdi qaralýy tıis, – dedi Prezıdent kómekshisi.

Jıynda Ulttyq qoǵamdyq senim keńesiniń músheleri «Ha­lyq únine qulaq asatyn memleket» tujyrymdamasynyń aza­mattyq qoǵamdy qalyptas­ty­rýdaǵy róli týraly aıtyp berdi. Erlan Saırov bul tu­jyrymdamany jańa dáýirdiń bastaýynda turǵan basym baǵyt retinde atap, eldiń tu­raqtylyǵy saıası jáne eko­nomıkalyq damýmen ǵana emes, osyndaı azamattyq jaýapker­shilikti kúsheıtý faktorlarymen nyǵaıatynyn alǵa tartty.

Al Murat Ábenov sheneý­nik­ter shyn máninde jaldamaly menedjerler ekenin, ha­lyqqa qyzmet etetinin umyt­paýy kerek ekenin eske saldy. Ol ashyqtyq máselesine toq­talyp, azamattar qaı salaǵa qa­rajattyń qalaı jumsalyp jatqanyn aıqyn ári túsinikti túrde kóre alýy kerek ekenin aıtty.

Sonymen qatar otyrysta Bas prokýratýranyń Quqyqtyq sta­tıstıka jáne arnaıy esepke alý jónindegi komıtetiniń ókili Ashat Ibraev baıandama jasady. Onyń aıtýynsha, memlekettik organdarǵa 1,7 mln ótinish túsken. Onyń ishin­de 236,2 myń ótinish jer máselelerine qatysty bolǵan. Buǵan qosa, turǵyn úı-kom­mý­naldyq sharýashylyq másele­leri jóninde 120,5 myń ótinish, eńbek jáne áleýmettik qorǵaý bo­­ıynsha 129,7 myń talap-tilek
túsken.

 

Sońǵy jańalyqtar

Úmitińdi úzbe, úlesker...

Qoǵam • Búgin, 06:51

Ulylar murasy – urpaqqa ónege

Aımaqtar • Búgin, 06:42

«Atyńnan aınalaıyn, Áýlıe ata»

Rýhanııat • Búgin, 06:40

Paralımpıadalyq nysandy aralady

Úkimet • Búgin, 06:24

El ardaǵy – elý esim

Qoǵam • Búgin, 06:20

On aıdaǵy ornyqty damý

Ekonomıka • Búgin, 06:17

Strategııalyq yqpaldastyq artady

Parlament • Búgin, 06:09

Mıssııa basshysymen kezdesti

Úkimet • Búgin, 06:08

Kúlki kerýeni № 14

Rýhanııat • Keshe

176 keli qyzylbalyqpen ustaldy

Aımaqtar • Keshe

6 myń shaqyrym jol aqyly bolady

Ekonomıka • Keshe

Arnaıy ekonomıkalyq aımaq

Ekonomıka • Keshe

Qaharmanǵa qurmet

Rýhanııat • Keshe

Maqsaty bıik «Mámile»

Aımaqtar • Keshe

JITS-ke qarsy is-sharalar ótedi

Medısına • Keshe

Talanttar tálimgeri

Rýhanııat • Keshe

Aqyn jáne onyń mýzasy

Rýhanııat • Keshe

Aýadan qarmaǵan aıyppul

Aımaqtar • Keshe

Sholohovqa aq bota syılaǵan

Aımaqtar • Keshe

Uqsas jańalyqtar