Qazaqstan • 31 Qazan, 2019

Erikti bolý úshin aqy almasa da, jobasyn iske asyrǵan Aıjan Mamesh

299 retkórsetildi

Erikti (volonter) – latynnyń voluntaries  sózinen shyqqan. О́z erkimen, óziniń esebinen qoǵamdyq jumystarǵa belsene aralasýshy degen maǵynany bildiredi. Al qoǵamda eriktilerdiń róli erekshe. О́ıtkeni eriktiler istegen jaqsylyǵy úshin belgili bir jalaqyny talap etpeıdi. Olar kómektesýdi paryz dep esepteıdi.

Qazaqstanda eriktiliktiń qarqyndy damyp jatqanyna qaramastan, «Jastar» ǵylymı-zertteý ortalyǵynyń 2018 jylǵy zertteýlerine sáıkes, jas azamattardyń 82,6 % eriktilikpen aınalyspaǵandyǵy anyqtalǵan. Ár besinshi jas volonterlik týraly eshqashan estimegen eken. Áıtse de, jastar eriktiliktiń tulǵalyq qalyptasýdaǵy rolin túsine bastaǵany aıqyn. Buǵan dálel – 2017 jyly ótkizilgen Halyqaralyq EHRO 2017 kórmesi men Qysqy Ýnıversıada oıyndarynda qyzmet kórsetken 8000-nan astam jastardyń qamtylýy. Sonymen qatar, elimizdiń ár qalasynda qarttar, jetimder, áleýmettik osal top otbasylary, apat qurbandary jáne ózge de járdem qajet etetin qoǵam múshelerine kómek kórsetetin jastar uıymdarynyń sany jyl saıyn artyp keledi. Eriktiler naqty nemen aınalysady? Nege olar tegin jumys isteýge ázir? Bul suraqtarǵa Almaty eriktiler lıgasynyń múshesi Aıjan Mamesh jaýap berdi. Ol «Eriktiler lıgasyna» jan qalaýymen kirip, qazir istep jatqan jaqsylyqtardy qoǵamnyń ár múshesi atqarýy kerek dep esepteıdi.

- Aıjan, eriktiler lıgasyna qosylýdyń belgili bir sebebi bar ma?

- Erikti bolý degenimiz – qoǵamǵa qajet ekenińdi sezinip, adamdarǵa paıdańdy tıgizý. Sol arqyly bilimiń men ıkemdiligińdi únemi jetildirip otyrý. Eriktiler dep kez kelgen isti óz erkimen, eshkimniń májbúrleýinsiz, shyn kóńilmen atqaratyn jandardy aıtady. Almatynyń «Eriktiler Lıgasy» 2014 jyly qurylǵan. Quramynda resmı túrde 10 myńǵa jýyq erikti tirkelgen. Onyń 80%-in jastar qaýymy quraıdy. Lıga bes baǵyt boıynsha qyzmet atqarady. Atap aıtqanda, áleýmettik, densaýlyq, bilim, ekologııalyq baǵyt jáne óz-ózin damytý salalary boıynsha jumys isteıdi. Lıgada jas erekshe­lik­terine de shekteý qoıylmaıdy eken. Quramynda mektep oqýshysynan bastap úlken azamattarǵa deıin tirkelgen.  Sonymen qatar, bul uıym qaladaǵy 14 joǵary oqý oryndarymen qarym-qatynas ornatqan.  Eriktilerdiń arqasynda el qyzyǵatyn, kópke úlgi bolatyn, halyqqa tıgizetin paıdasy zor ıgilikti ister órken jaıyp kele jatqany kóńilge qýanysh uıalatady. Sondaı isterdiń biri – Almatyda ótken búkilálemdik Qysqy Ýnı­versıada. Stýdentter arasyndaǵy dúnıejúzilik sporttyq saıystyń Almaty qala­synda ótýi, Táýelsiz memleketimizdiń tarıhyndaǵy eleýli oqıǵa edi. Bul rette elimizde ótken dúnıejúzilik jarysta «Eriktiler Lıgasynyń» eriktileri óz jumysyna asa úlken jaýapker­shilikpen qarap, onyń álemdik deńgeıde ótýine óz úlesterin qosqan eken. EHRO 2017 kórmesiniń eriktiler komandasyna qosylýyna jasymnyń sáıkes kelmeýine baılanysty qatysa almadym. Sodan eriktiler lıgasyna kirýge sheshim qabyldadym.

 - Eriktiniń basty mindeti qandaı?

- Ár eriktiniń basty mindeti – shyn nıetpen kómektesý. О́zgege jaqsylyq isteý. – adam tabıǵatyna tán nárse. Onyń ústine halqymyz kashanda kaıyrymdylyqtan kende bolmaǵan, jetimin jylatpaǵan, jesirin qańǵytpaǵan. Bul qasıet onyń bolmysynyń ajyraǵysyz quramdas bóligi bolsa kerek. Mysaly, buryn aýyl-aımaqta kórshi-qolań jınalyp, muqtaj janǵa qoldarynan kelgenshe kómek kórsetip, asar istegen. Sondyqtan qazir erikti bolý tańǵalarlyq is emes. Kómek kórsetý – bizdiń qanymyzda bar. Bas koordınatorlardan kelgen tapsyrmalardy eriktiler oryndaıdy. Men komandada bolǵandyqtan ár sharaǵa mindetti túrde qatysýǵa tyrysamyn. Naýryz aıynan bastap Almatyda aýqymdy jobalar uıymdastyryldy. Sonyń ishinde men úshin eń qyzyq joba jyl saıyn uıymdastyrylatyn – Almaty marafon. Ár joba formatyna qaraı qyzyq. Men bul álemdi jaqsylyq isteýge shaqyrǵym keledi. Úıde jatqansha qoǵamǵa paıdaly bolý – basty maqsat. Iá, eriktiler tegin jumys isteıdi, aqy suramaıdy. Olardyń istep jatqan isteri kózge kórinbeýi de múmkin. Biraq eriktiler qoǵamǵa kerek. Árkimdi bir jamandap, kómek kútkenshe ony ózin isteýge tyrysý da úlken erlik. Biz kóbine balalar men qarttar úıine jıi-jıi baryp, qolymyzdan kelgenshe kómek kórsetemiz.

- Memleket tarapynan eriktilerge qoldaý bar ma?

Prezıdentimiz Qasym-Jomart Toqaev kelesi jyldy – eriktiler jyly dep jarııalady. Lıgada ishki ereje bar. Erikti túnge qalsa tegin jetkizip tastaý, 4 saǵattan asa jumys bolsa taǵamyn berý bar. Biraq bizdiń basty maqsatymyz - adamdardyń bir-birine barynsha janashyr, meıirimdi bolýyna túrtki bolsaq deımiz. Stýdentter endi eriktiler sany artatynyna senimdi. Prezıdent olardy áleýmettik baǵyttarǵa tartý úshin aqy tóleýdi tapsyrdy. Mınıstrlik bir saǵattyq jumys 1000 teńge qylyp belgiledi. Bul eriktiler úshin úlken kómek. Jaqsylyq isteýge úlken motıvasııa bolady. Ár jobadan keıin 80% jańa dostar tabasyn. Komandada ár eriktiniń ereksheligi bolady. Biraq bárimizdi jaqsylyq isteý baılanystyrady. Erikti bolǵanǵa deıin saýsaqpen sanarlyq dostarym ǵana bolǵan. Qazir olar óte kóp ári ár kez kómektesýge daıyn turady. Eriktiler lıgasy – kishkentaı januıa. Bastysy eshqashan jaqsylyq isteýden jalyqpaıtyn, álemdi meıirimdi bolýǵa úndeıtin orta. Al adam ortasyna qaraı ózgeredi.

- Erikti bolý - qandaı múmkindikterge jol ashty?

Eń alǵash erikti bolyp kelgenimde birinshi jasaǵan qadamym - Arbatta balalarǵa táttiler taratýym. Bul da bir qyzyq oqıǵa boldy. Sol kezde ózime «Bolashaqta balalardy qýantý» degen bir maqsat qoıdym. Jaqynda maqsatymnyń alǵashqy qadamyn da istedim. "Stan starshım drýgom" atty óz jobamdy bastadym. Bul jobanyń bas mindeti - «Balalar úıindegi balalardy baqytty etý». Shilde aıynda №1 balalar úıindegi tárbıelenýshilerdi mýzeıge apardym. Boıymda qorqynyshtyń bolǵany ras. Sebebi bul jobamnyń bolaryna deıin qanshama mekemege júgigirp, mektep oqýshysy bolǵandyqtan bundaı jaýapkershilikti senim artyp bere almaǵan sátter de boldy. Artqa sheginip, bastaǵan isimdi aıaqtaǵym kelmeı, jylaǵan kezder de basymnan ótti. Biraq tabandylyq pen eńbektiń arqasynda jobam iske asyrylyp jatyr. Kúni boıy balalar úıiniń tárbıelenýshilerimen ýaqytymdy ótkizý arqyly men bar sharshaǵanymdy umytyp kettim. Balalardyń qýanyshty júzderin kórgende, maqsatym aıqyn bolǵanyn túsindim. Bul tek bastamasy, alda talaı qadamdar bolady. Eriktiler lıgasynyń komandasynda bolý arqyly men bolashaǵyma mańyzdy qadamdar isteı bastadym.

- Eriktilerge qoǵamda kózqaras qandaı?

Qoǵam eriktilerdiń arqasynda aýqymdy jobalardy iske asyryp jatyr. Al adamdar ony túsine bermeýi múmkin. Shetelde erikti bolý tańǵalarlyq is emes. Ekiniń biri jaqsylyq isteýge daıyn turady. Konsertter, marafondar uıymdastyrý barysynda bizdi balaǵattap, koordınatorlarymyzben ursysyp, biraz túsinispeýshilik bolsa da bolashaqta erikti bolýǵa ár adam umtylady. Men buǵan senemin. О́ıtkeni jaqsylyq isteý qıyn emes. Qoǵamdy jamandaı bergenshe, sol qoǵamnyń bólshegi adamdar jaqsylyqqa umtylýy kerek.

- Suhbatyńyzǵa rahmet!

Sońǵy jańalyqtar

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Jańǵyrǵan Jambyl óńiri

Aımaqtar • Keshe

Baǵa QR kodtar arqyly beriledi

Medısına • Keshe

Rýhanı ráýishtegi tartý

Aımaqtar • Keshe

Turar taǵdyrynyń taǵylymy mol

Rýhanııat • Keshe

Orynbor jáne qazaq zııalylary

Rýhanııat • Keshe

El erteńi – jalyndy jastar

Prezıdent • Keshe

Uqsas jańalyqtar