Aımaqtar • 02 Qarasha, 2019

A.Esimov pen B.Saǵyntaev yntymaqtastyq memorandýmyna qol qoıdy

218 retkórsetildi

Almatyda «Samuryq-Qazyna» UÁQ» AQ Basqarma tóraǵasy Ahmetjan Esimov pen ońtústik astananyń ákimi Baqytjan Saǵyntaev qalanyń damytý máseleleri boıynsha kezdesti.

 

«Samuryq-Qazyna» UÁQ AQ men ońtústik astana Ákimdigi energetıkalyq, aqparattyq-kommýnıkasııalyq, áleýmettik salalardaǵy jobalardy iske asyrý jónindegi yntymaqtastyq týraly Memorandýmǵa qol qoıdy.

Memorandým energetıka keshenin, elektrondyq saýda men poshta jelisin, aqparattyq-kommýnıkasııalyq ınfraqurylymdy, ımport almastyrýdy jáne jergilikti qamtýdy damytý, sondaı-aq Almaty kásipkerlerine Qor tobynyń satyp alýlaryna qatysý sııaqty baǵyttardy qamtıdy.

Qor basshysy ımport almastyrýdy jáne jergilikti qamtýdy damytý maqsatynda Qor Almaty qalasynda jańa óndirister qurý boıynsha jobalardy irikteýdi júzgizetinin atap ótti.

«Biz Qazaqstanda óndirilmeıtin taýarlarǵa zertteý júrgizemiz jáne eger ınvestor óndiristi iske qossa, biz satyp alýdy qamtamasyz etemiz. Qor osyndaı jobalardy qoldaýdy offteık kelisim-sharttarǵa qol qoıý arqyly júzege asyrdy, ıaǵnı bul aldyn ala tólem jasaý jáne uzaq merzimdi tapsyrystar mehanızmi arqyly júrgiziledi»,- dedi Qordyń Basqarma tóraǵasy Ahmetjan Esimov.

Almatyda uıaly baılanys qyzmetiniń sapasyn jaqsartý sheńberinde Qor 2019-2020 jyldary 2G/3G standartynyń 37 bazalyq stansııasyn, 4G standartynyń 26 bazalyq stansııasyn jáne 2021 jylǵa qaraı 5G standartynyń pılotyn iske qosýdy qamtamasyz etýge nıetti.

Almatydaǵy qoǵamdyq kólikterdegi qolma-qol aqshasyz tólem úlesi 98% .

 Qala ishindegi júıelerdi avtomattandyrý jedel járdem kólikteriniń kelý ýaqytyn ortasha 11-12 mınýtqa jáne órt sóndirý mashınalarynyń kelýin 8 mınýtqa deıin qysqartýǵa múmkindik bergen. Qazir qala tótenshe jaǵdaılar týraly habarlandyrý júıesimen 100% qamtylǵan. Sonymen qatar turǵyndarǵa tıisti habarlamalar birneshe mınýt ishinde keledi.

Almaty  ómir súrý jaılylyǵy men jumys tıimdiligin arttyrýǵa múmkindik beretin júıelermen jabdyqtalýda. «Aqyldy qala» komponentterin tıimdi iske asyrý, azamattarmen júrgizilip jatqan dıalogtar qalalyq ınfraqurylym men ekojúıeniń odan ári damýyna yqpal etedi.

Búginde megapolıste 185 myń ShOB sýbektisi bar. Halyqtyń úshten biri kásipkerlikpen aınalysady.  Qala bıýdjetiniń 60 paıyzy ShOB-ten túsetin túsimder esebinen qalyptasady. Iаǵnı qalanyń áleýmettik qoldaýynyń ekonomıkalyq bazasyn ShOB quraıdy. Demek, shaǵyn jáne orta bıznes kóp bolǵan saıyn qala bıýdjetine túsetin túsimder de soǵurlym kóp bolmaq. Bul rette atalǵan salanyń mańyzdylyǵyn eskergen qala ákimdigi ShOB-ty barynsha aýqymdy damytýdyń birqatar sharalaryn júzege asyrýda. Sonyń ishinde  «Almaty – 2020» baǵdarlamasynyń negizgi basymdyqtarynyń biri bolyp «Bıznes pen jeke kapıtalǵa arnalǵan qala» sanalady. 

«Memorandým qalanyń bıznes-qoǵamdastyǵynyń qor kompanııalarymen yntymaqtastyǵyn nyǵaıtý boıynsha naqty sharalardy qamtıdy. Bizdiń kásipkerler «Samuryq-Qazyna» UÁQ qajettilikteri úshin joǵary sapaly ónim jetkizýge daıyn. Árıne, baılanystardyń nyǵaıýy Almaty ekonomıkasynyń damýyna jáne almatylyqtardyń ómir súrý sapasyn arttyrýǵa úlken qoldaý kórsetedi», - dep atap ótti Almaty qalasynyń ákimi Baqytjan Saǵyntaev.

Qujat sondaı-aq jylýmen jáne elektrmen qamtamasyz etý júıelerin perspektıvaly damytýdyń biryńǵaı tehnıkalyq saıasatyn anyqtaýdy, ShOB-ty damytýǵa jáne daryndy jastardy jumyspen qamtýǵa jáne qoldaýǵa járdemdesýdi, utqyr baılanys qyzmetteriniń sapasyn jaqsartýdy jáne ınternet jelisine sapasy joǵary jyldamdyqqa qoljetimdilikti qamtamasyz etýdi kózdeıdi.

Sonymen qatar, taraptar tabıǵı gazdy motorly otyn retinde paıdalanýdy keńeıtýde, áleýmettik sala máselelerin sheshýde, Almaty qalasyn «Aqyldy qala» retinde damytý jónindegi sharalardy qoldanýda, sondaı-aq  TKSh avtomattandyrýda jáne qala qaýipsizdiginiń monıtorıngin qamtamasyz etýde yntymaqtasatyn bolady.

Memorandýmǵa sáıkes áleýmettik sala máselelerin sheshýde áleýmettik jetimdiktiń aldyn alý, aýtızmdi dári-dármeksiz túzetý, balalardy otbasyna ornalastyrýǵa zańdy túrde qoldaý kórsetý, sport pen salaýatty ómir saltyn nasıhattaý, túzetý mektepteri men balabaqshalaryn, pallıatıvtik kómek aýrýhanalaryn, týberkýlezge qarsy dıspanserlerdi materıaldyq-tehnıkalyq jaraqtandyrý baǵyttary boıynsha máseleleri sheshiletin bolady.



ALMATY

Sońǵy jańalyqtar

Eńbekaqy kólemin ulǵaıtty

Aımaqtar • Búgin, 07:26

Babyr baba shapany

Tanym • Búgin, 07:23

Olar eshkimnen kem emes

Rýhanııat • Búgin, 07:18

Jalǵyz qolmen jıhaz jasaıdy

Aımaqtar • Búgin, 07:17

Zamanaýı káriz júıeleri kerek

Aımaqtar • Búgin, 07:13

Alaıaqtarǵa senbeýge shaqyrady

Qoǵam • Búgin, 07:10

Sergeldeńge salǵan sertıfıkat

Aımaqtar • Búgin, 07:02

Sazgerdiń «Máńgi kóktemi»

Tanym • Búgin, 06:58

Er qazaq edi Eraǵa

Tanym • Búgin, 06:56

Elimizdegi eń alyp kitap

Aımaqtar • Búgin, 06:55

Umyt qalǵandar kimnen qorqady?

Tanym • Búgin, 06:53

Taǵaıyndaý

Prezıdent • Búgin, 06:50

Abaıdyń ǵylymı dúnıetanymy

Abaı • Búgin, 06:29

О́zara yntymaqtastyqtyń jańa belesi

Saıasat • Búgin, 06:26

Jurt tilegi nazarǵa alyndy

Aımaqtar • Búgin, 06:24

Sot isin júrgizý sıfrlandyrylady

Parlament • Búgin, 06:13

Basty aqparat (26.02.2020)

Vıdeo • Keshe

Uqsas jańalyqtar