Aımaqtar • 02 Qarasha, 2019

BQO-da balalar arasynda baıqaý ótti

223 retkórsetildi

Oral qalasynda balalar men jasóspirimder arasynda ótetin «Eýrazııa perishtesi 2019» - «Angel of Eurasia 2019» aımaqtyq fotomodelder baıqaýy ekinshi márte uıymdastyryldy.

Balalardyń shyǵarmashylyq áleýetin damytý, múmkindigi shekteýli talantty balalardy qoldaý, balalardy otansúıgishtikke tárbıeleý, qazaqtyń ulttyq kıim úlgilerine, halyqtyń tarıhy men mádenıetine qyzyǵýshylyqty oıatý maqsatynda uıymdastyrylǵan bul baıqaýdy «Perishte» qoǵamdyq qory byltyr, 2018 jyly tuńǵysh ret ótkizgen edi. Kámeletke tolmaǵandar, ásirese múmkindigi shekteýli sábıler arasynda erekshe tanymal bolǵan baıqaý bıyl Batys Qazaqstan oblystyq mádenıet basqarmasy, «Ǵylymı zertteýlerdi qoldaý qory» jáne Batys Qazaqstan oblystyq ishki saıasat basqarmasy qoldaýymen bıik dárejede uıymdastyryldy.

Alǵashqy baıqaýǵa 23 bala qatyssa, bıyl olardyń sany 41-ge jetti. Sonyń ishinde 26 qatysýshy fınalǵa ótti. Olardyń arasynda «Balalar aýylynda» tárbıelenýshi jetim balalar, kórý jáne estý qabileti buzylǵandar, qaterli isik aýrýyna shaldyqqan balalar óz qurbylastarymen qatar baıqaýǵa qatysty. Baıqaýdyń irikteý synaqtary ótken 1,5 aı ishinde olar Qadyr Myrza Áli atyndaǵy mádenıet jáne óner ortalyǵynda, oblystyq fılarmonııa men oblystyq ólketaný murajaıynda fotosessııadan ótti.

Bir qyzyǵy, osy baıqaý aıasynda eń úzdik ulttyq tarıhı kıim úlgisine arnalǵan dızaınerler baıqaýy da ekinshi márte ótti. Baıqaýdyń ıdeıasy – qazaqtyń XVII-XVIII ǵasyrlardaǵy ulttyq kıim úlgilerin jańǵyrtý bolatyn. Bul saıysqa tarıhı kostıým úlgileri qatysty.

Sonymen, qazylar alqasy 13-15 jas aralyǵyndaǵy joǵarǵy top arasynan Gran-prı syılyǵyn Sultanbek Shambýlov pen Gúlzada, Bekzada Nurseıilderge, 1 oryndy – Aıqyn men Darıaǵa tapsyrdy. 10-12 jas aralyǵyndaǵy orta top arasynan Baqytjan Bópejan men Altynjan Shambýlova – bas júldege, Baqdáýlet pen Amangúl 1 orynǵa ıe boldy. 7-9 jastar arasyndaǵy I jáne 4-6 jastaǵy II kishi toptar arasynda Ertóre Bolat, Sábına Ertaeva, Ádil Isa jáne Anelııa – Gran-prıge bolsa, Arystanbek, Nurasyl jáne Angelına esimdi baldyrǵandar júldeli birinshi orynnyń syılyǵyn ıemdendi. «Úzdik fotomodel» atalymy ózin ádemi kórsetip, kúızeliske qarsy qaısarlyq tanytqan Ádilet Ǵabbasovqa buıyrdy. 12 jasar Anel Asanova men 7 jasar Alekseı – «Eń ádemi model» atandy.

Baıqaýdyń barlyq qatysýshysy arnaıy sertıfıkatqa, lenta men syılyqqa ıe boldy.

- Bizdiń úzdik fotomodelderimizdiń sýreti túrli-tústi jýrnaldarǵa jarııalanatyn bolady. Gran-prı jáne «Úzdik fotomodel» ataýynyń ıeleri jýrnalǵa suqbat beredi. Sondaı-aq osy baǵytta qyzyǵýshylyǵyn damytqysy keletin balalar Edelweissart stýdııasynda etıket jáne modelıng sabaqtarynan dáris ala alady, - deıdi baıqaýdyń uıymdastyrýshysy, «Perishte» qoǵamdyq qorynyń jetekshisi Janar Dáýletova.

Aıta keteıik, ulttyq kıimderdi sarapqa salǵan jıýrı quramynda mádenıet qaıratkerleri, sýretshiler, tarıhshylar bolǵan edi. Sarapshylar dızaınerler arasynda ótken «Naǵyz ulttyq kıim» baıqaýynyń Gran-prı júldesine Málıka Kýbaevany laıyq dep tapty.

Kesh sońynda Flıýra Mılıkeeva jetekshilik etetin «Tatar mádenı ortalyǵy» qoǵamdyq birlestigi baıqaý qatysýshylaryna fýrshet uıymdastyrsa, jeke kásipker Aızada Shaıhıeva balalarǵa táttiler men shampýn syılady. Jalpy, bul baıqaýǵa qatysqan ár bala bul kúni oıynshyq pen syılyqtan kende bolmady.

 

Batys Qazaqstan

Sońǵy jańalyqtar

Úmitińdi úzbe, úlesker...

Qoǵam • Búgin, 06:51

Ulylar murasy – urpaqqa ónege

Aımaqtar • Búgin, 06:42

«Atyńnan aınalaıyn, Áýlıe ata»

Rýhanııat • Búgin, 06:40

Paralımpıadalyq nysandy aralady

Úkimet • Búgin, 06:24

El ardaǵy – elý esim

Qoǵam • Búgin, 06:20

On aıdaǵy ornyqty damý

Ekonomıka • Búgin, 06:17

Strategııalyq yqpaldastyq artady

Parlament • Búgin, 06:09

Mıssııa basshysymen kezdesti

Úkimet • Búgin, 06:08

Kúlki kerýeni № 14

Rýhanııat • Keshe

176 keli qyzylbalyqpen ustaldy

Aımaqtar • Keshe

6 myń shaqyrym jol aqyly bolady

Ekonomıka • Keshe

Arnaıy ekonomıkalyq aımaq

Ekonomıka • Keshe

Qaharmanǵa qurmet

Rýhanııat • Keshe

Maqsaty bıik «Mámile»

Aımaqtar • Keshe

JITS-ke qarsy is-sharalar ótedi

Medısına • Keshe

Talanttar tálimgeri

Rýhanııat • Keshe

Aqyn jáne onyń mýzasy

Rýhanııat • Keshe

Aýadan qarmaǵan aıyppul

Aımaqtar • Keshe

Sholohovqa aq bota syılaǵan

Aımaqtar • Keshe

Uqsas jańalyqtar