Glýbokoe aýdanynyń Predgornoe aýylynda jaqynda regbı úıirmesi jumysyn bastapty. Aýdanǵa aýyl balalaryn jattyqtyrý úshin О́skemennen jas maman kelipti. «Buǵan deıin bul aýdanda regbı sporty bolmaǵan eken. Jumysqa kiriskenime bir apta ǵana boldy. 12 qyz ben 24 uldy iriktep, úsh komanda jasaqtadym. Bes kún boıy toqtaýsyz jattyǵamyz, endi senbi kúni daıyndalý úshin zal surap otyrmyz» deıdi ózin Alıona dep tanystyrǵan jas jattyqtyrýshy.
Negizi ózi Tarazdyń týmasy eken. Halyqaralyq deńgeıdegi sport sheberi degen ataǵy baryn jetkizgen ol О́skemendegi S.Amanjolov atyndaǵy ShQMÝ-dy bitirgenin aıtty.
Krasnoıarsk aýyldyq okrýginiń ákimi Oleg Egorovtyń aıtýynsha, jas mamanǵa О́skemendegi balalarǵa arnalǵan oblystyq sporttyq mektep arnaıy shtat bólipti. «Balalar jattyǵyp jatqan sporttyq alań bıyl oblys ákimi Danıal Ahmetovtiń bastamasymen bólingen qarajatqa salyndy. Mundaı qarajat tórtinshi bıýdjet deńgeıine ótken aýyldardyń barlyǵyna bólindi. Aýyldaǵy ózin ózi basqarý qaýymdastyǵymen aqyldasa kele osyndaı alań salýdy jón dep sheshtik. Bul jerde jazda regbı, qysta hokkeı oınaýǵa bolady. Meniń oıymsha, mundaı hokkeı qorapshasy oblysta az. Aýmaǵy 320 sharshy metrdi quraıtyn alań kanadalyq standartpen salynǵan» deıdi ol.
Shyǵys Qazaqstan oblysy,
Glýbokoe aýdany,
Predgornoe aýyly
