Petropavldyq tártip saqshylary «Turǵyndar belsendiligi – quqyqtyq tártipti saqtaýdaǵy mańyzdy faktor. Sondyqtan, polısııa halyqpen qarym-qatynas jasaýdyń barlyq túrlerin paıdalanýǵa tyrysady», dep sanaıdy.
Germanııada nege tártip qatty saqtalady desek, oǵan barlyq halyq aralasyp otyrady eken. Eger bir júrgizýshi jol tártibin buzsa, ony kórgen turǵyn dereý polısııaǵa habarlaıtyn kórinedi. Sondyqtan halyq jappaı tártip saqtaýǵa jumyldyrylǵan. Qyzyljarlyqtar da sol ádisti durys kórip otyr.
Soltústik Qazaqstan oblysynda qyrkúıektiń 15-nen beri «Ýchaske» jedel-profılaktıkalyq is-sharalary (JPSh) ótkizilip keledi. Onyń basty maqsaty osy - halyqpen baılanysty nyǵaıtý. «JPISh-nyń eki aptasynda bizdiń qyzmetkerlerimiz qaladaǵy 80 myńǵa jýyq páter men 14 astam jeke úılerdiń jartysyn derlik aralap shyqty», - deıdi Petropavl jergilikti polısııa qyzmeti bóliminiń bastyǵy Álibek Ǵabdýllın. «Bizdiń mindetimiz - ár úıde bolý. Qalamyzdyń kez kelgen turǵyny, ózin alańdatqan máselesimen júginýi úshin, óz ýchaskelik polısııa ınspektoryn, onyń baılanys telefonyn bilýi tıis. Podezderge ınspektorlardyń sýreti men baılanys telefondary kórsetilgen paraqshalar japsyrylýda. Sondaı-aq belgili áleýmettik jelilerdegi Polısııa departamentiniń akkaýnttaryna da ýchaskelik polısııa ınspektorlary jaıly aqparat salýdy josparlap otyrmyz». О́ziniń jeke vatsabyn da jarııalaý osy istiń bir parasy ekendigi de aıtyldy.
Aıta ketetin bolsaq, «Ýchaske» JPISh aıasynda qosymsha eseptegi tulǵalardy tekserý, reıdtik is-sharalar ótkizý júzege asyrylýda. Eki reıd barysynda 38 saıajaı qoǵamy tekserilip, turaqty mekenjaıy joq 302 kezbe ustalǵan. Shatyrlardy, jertólelerdi, qoqys oryndaryn, jylý qubyrlary boıyn tekserý barysynda osyndaı taǵy 136 jan ustalyp, qabyldaý-taratý ornyna jetkizilipti. Sondaı-aq 2 myńnan astam ákimshilik quqyq buzýshylyq anyqtalǵan. Onyń basym bóligi spırttik ishimdikten mas bolyp júrý nemese qoǵamdyq oryndarda masań kúıde bolý faktisine tıesili. Sondaı-aq alkogoldik ónimderdi satý erejesiniń birqatar buzýshylyqtary anyqtalyp, iri kólemde spırttik ónimder alyndy. Máselen, qaladaǵy bazarlardyń birinen zańsyz aınalymnan 192 lıtr alkogol, 1 myń lıtrdan astam syra alyndy.
«Ýchaske» JPISh operasııasy 10 jeltoqsanǵa deıin jalǵasady, dep habarlaıdy IID baspasóz qyzmeti.
Soltústik Qazaqstan oblysy
