Aldaǵy sársenbide Májilis depýtattary ákimshilik-aýmaqtyq qurylysy, memlekettik basqarý júıesin jáne bıýdjetaralyq qatynastardy jetildirý máseleleri túzetýlerge qatysty zań jobasyn birinshi oqylymda qaraıtyn bolady. Ol zańnamalyq jańalyqtar jergilikti bıýdjet kiristerin arttyrýǵa baǵyttalady dep kútilýde.
Al tarıhı-mádenı mura obektilerin qorǵaý jáne paıdalaný men oǵan ilespe zań jobasy ekinshi oqylymda qaralmaq.
Osy kúni depýtattar talqysyna 1994 jylǵy 10 jeltoqsandaǵy Qazaqstan men Reseı «Baıqońyr» keshenin jalǵa berý shartyna ózgeris engizý týraly úkimetaralyq hattamany ratıfıkasııalaýǵa qatysty zań jobasy usynylady.
Aldaǵy sársenbide Májilis jumysqa alatyn zań jobalary qatarynda birqatar ratıfıkasııalyq qujattar bar. Olar: 2014 jylǵy 15 tamyzdaǵy Kólik quraly pasportynyń (kólik quralynyń shassıi pasportynyń) jáne ózdiginen júretin mashına jáne tehnıkanyń basqa da túrleri pasportynyń biryńǵaı nysandaryn engizý jáne elektrondy pasporttar júıelerin uıymdastyrý týraly kelisimge Armenııanyń qosylýy týraly, 2012 jylǵy 11 mamyrdaǵy Qazaqstan men Qyrǵyzstan arasyndaǵy Qazaqstan azamattarynyń Qyrǵyzstan aýmaǵynda jáne Qyrǵyzstan azamattarynyń Qazaqstan aýmaǵynda bolý tártibi týraly úkimetaralyq kelisimge ózgerister engizý týraly hattamalardy, sonymen qatar 2006 jylǵy 6 qarashadaǵy Qazaqstan Úkimeti men Armenııa Úkimeti arasyndaǵy Tabys pen múlikke salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konvensııa jáne oǵan Hattama sheńberinde Qazaqstan men Armenııa ýákiletti organdary bergen rezıdenttikti rastaıtyn resmı qujattardy taný tártibi týraly notalar almasý nysanyndaǵy kelisimdi ratıfıkasııalaý týraly zań jobalary.
Sondaı-aq jalpy otyrysta temir jol kóligi máselelerine qatysty túzetýlerge oraı qorytyndy ázirleý merzimi bekitiletin bolady.
