Qoǵam • 04 Qarasha, 2019

«Jas shekarashy» mamandandyrylǵan synyby ashyldy

9 retkórsetildi

Elbasy Nursultan Nazarbaev jasóspirimderge patrıottyq tárbıe berip, Otanǵa degen súıispenshiligin arttyrý úshin elimizde «Jas sarbaz» áskerı-patrıottyq qozǵalysyn qurý kerektigin aıtqan bolatyn. Byltyr Qazaqstan halqyna arnaǵan Joldaýynda áskerı-patrıottyq tárbıeni jandandyrý árbir orta oqý oryndaryna osy jumysty qolǵa alýdy tapsyrǵan edi. 

Jýyrda UQK Shekara qyzmeti akademııasynyń ujymy men Almaty qalasyndaǵy «Jańa ǵasyr» №175 gımnazııasynyń ákimshiligi birlese otyryp, áskerı patrıottyq tárbıeniń rólin kúsheıtý úshin gımnazııada «Jas shekarashy» mamandandyrylǵan synybyn ashty.

Búginde atalǵan synypqa 5 synypta oqıtyn 25 bala qabyldandy. О́z erkimen qabyldanǵan oqýshylardy budan keıin shekarashy kýrsanttar qamqorlyǵyna alyp, alǵashqy áskerı daıyndyq sabaqtaryn kestege saı júrgizip otyratyn bolady. Shekara qyzmeti akademııasynyń ofıseri,
maıor Rústem Seısembekovtiń aıtýynsha, «Jas shekarashy» mamandandyrylǵan synybyna saıdyń tasyndaı iriktelgen, dene pishinderi nyq, tula boıy symbatty, sózderi naqty, áskerı kıimderi ózderine quıyp qoıǵandaı oqýshylar alyndy. Endi jas shekarashylarǵa akademııanyń 4-kýrs kýrsanttary aptasyna úsh ret alǵashqy áskerı daıyndyq sabaqtaryn júrgizedi.

Bul synypqa 4-synypty bitirgen oqýshy jaıdan-jaı qabyldana salmaıdy. Arnaıy medısınalyq tekserýden ótip, tıisti anyqtamalaryn tapsyrady. Bastaýysh synypta qalaı oqyǵany da eskeriledi. Belgilengen pánderden synaq tapsyra alǵandar ǵana oqıdy. Odan bólek irikteý komıssııasynyń sapaly jumysyn qamtamasyz etý úshin mamandandyrylǵan synypqa irikteý ótkizý jáne daıyndaý boıynsha jumys jospary bekitilgen. Shara barysynda mamandandyrylǵan synypqa qabyldanǵan oqýshylar barsha ustazdar men oqýshylar aldynda ant qabyldap, alǵashqy áskerı sabaqtaryna daıyndyqtaryn kórsetti. Gımnazııa ujymynyń aldynda ant berdi. Endi kishkentaı jas shekarashylar shekarashy aǵalarynyń úıretken áskerı sabaqtaryn jetik meńgerip, gımnazııa baǵdarlamasyn jaqsy oqyp, ózine júktelgen jaýapty mindetti der kezinde oryndaýǵa tyrysatyn bolady. Is-shara kezinde 4-kýrs kýrsanttary qoıan-qoltyq urys tásilderin kórsetip, qarýmen oryndalatyn áskerı defıleni kópshilik nazaryna usynsa, akademııanyń úrlemeli áskerı orkestriniń ujymy birneshe shyǵarmany naqyshyna keltire oryndady. Al gımnazııa ujymynyń atynan «Erke nur» bı ansambliniń ónerpazdary bı bılep, gımnazııa trıosy áýelete án shyrqady.  Gımnazııa dırektory Gaýhar Mánekeeva qatysýshylardy óskeleń urpaqty otanshyldyqqa tárbıeleıtin «Jas shekarashy» mamandandyrylǵan synybynyń qurylýymen quttyqtap, ulttyq rýhty qalyptastyryp, el tarıhyn tereń zertteýdiń mańyzyn atap ótti. Dırektordyń tárbıe isi jónindegi orynbasary Aınur Tursynova «Jas shekarashy» mamandandyrylǵan synybynyń bolashaǵy zor, gımnazııa oqýshylaryn tárbıeleýde mańyzdy qadam ekenin jetkizdi. Osy rette Elbasy tapsyrmasymen atalǵan synyp qaladaǵy eń úzdik dep tanylǵan gımnazııada der kezinde ashylyp otyrǵanyn tilge tıek etti.

 

Janat JABYRBEKOV,

UQK Shekara qyzmeti akademııasynyń baspasóz hatshysy

 

Sońǵy jańalyqtar

21 jyl boıy qujatsyz júrgen

Aımaqtar • Keshe

VII PR forýmy Almatyda ótti

Aımaqtar • Keshe

Bas basylymnyń baıtaq belesi

Aımaqtar • Keshe

Qaıta oralǵan qumarshyq

Aımaqtar • Keshe

Termeshiler tereńnen terbedi

Ádebıet • Keshe

Haziretter qazynasy

Rýhanııat • Keshe

«Speshranda» saqtalǵan...

Rýhanııat • Keshe

Zań kerek!

Ekologııa • Keshe

El qurmeti erekshe

100 • Keshe

It júgirtip, qus saldy

Aımaqtar • Keshe

Senim hám serpin

Rýhanııat • Keshe

Uqsas jańalyqtar