Aımaqtar • 04 Qarasha, 2019

«Ulttyq basylym – ulttyq til»

62 retkórsetildi

Elimizdegi tarıhy tereńnen tamyr tartatyn irgeli basylymdardyń biregeıi, qazaq baspasóziniń qara shańyraǵy – «Egemen Qazaqstan» gazetiniń 100 jyldyq mereıtoıy keń kólemde atalyp ótip jatqany belgili. Esterińizge sala keteıik, gazetimizdiń ǵasyrlyq toıy jyl basynda, naqtyraq aıtsaq, aqpan aıynda qasıetti Abaı elinen, alashtyń rýhanı astanasy Semeı shaharynan, ulylar týǵan topyraqqa, ult qaıratkerleriniń izi qalǵan qasterli ólkege taǵzym etýden bastalǵan edi. Eki kúnge sozylǵan shara aıasynda Alash Ordanyń astanasy bolǵan Semeı qalasyndaǵy Shákárim atyndaǵy memlekettik ýnıversıtetiniń ákimshilik ǵımaratynda basylymnyń 100 jyldyǵyna oraı «WORLD OF EGEMEN KAZAKHSTAN» aqparattyq-ıntellektýaldyq onlaın buryshy ashylyp, oqý ornyndaǵy «AKME» halyqaralyq klýbynyń otyrysy «Egemen Qazaqstan» gazetiniń 100 jyldyq mereıtoıyna arnalǵan-dy.

 

Jaqynda О́skemen qalasyndaǵy drama teatr ǵımaratynda bas basylymnyń 100 jyldyǵyna oraı «Ulttyq basylym – ulttyq til» atty oblystyq baıqaý ótti. Oblystyq Tilderdi damytý jónindegi basqarmanyń uıymdastyrýymen ótken saıysqa óńirimizdegi bes oqý ornynyń stýdentteri qatysyp, «Tanystyrý», «Taǵylymdy tarıh», «Egemen Qazaqstan bolashaqta», «Ulttyq basylym – ulttyq til» kezeńderi boıynsha baqtaryn synady. Erekshe atap óterligi, Semeı medısına ýnıversıteti men О́skemendegi Dáýlet Serikbaev atyndaǵy Shyǵys Qazaqstan memlekettik ýnıversıtetiniń stýdentteri biriniń mamandyǵy dáriger, ekinshisi ınjenerler bolsa da, ózderiniń shyǵarmashylyqqa beıim, rýhanııattan habary mol ekendigin kórsetip, gazetke qatysty san alýan suraqtarǵa múdirmeı jaýap berdi. Bes komanda arasynda ótken saıysta elimizdiń 100 jyldyq jylnamasy – «Egemen Qazaqstan» gazetiniń arǵy-bergi tarıhy keńinen qamtylyp, basylymda ár kezeńde basshylyq jasaǵan, qyzmet etken Muhtar Áýezov, Júsipbek Aımaýytov, Smaǵul Sadýaqasov, Beıimbet Maılın, Sáken Seıfýllın, Turar Rysqulov, Ǵabıt Músirepov, Ábish Kekilbaev, Sherhan Murtaza syndy tulǵalar týraly da tushymdy maǵlumattar berildi. Saıystyń «Taǵylymdy tarıh» dep atalatyn ekinshi kezeńinde komanda kóshbasshylaryna qoıylǵan «Gazettiń alǵashqy ataýy qandaı?», «Basylym 1920 jyly qandaı ataýmen shyqty?», «Gazet kimniń usynysymen qazirgi ataýyna ıe boldy?», «Redaksııa qaı jyly elordaǵa qonys aýdardy?», «Gazettiń qazirgi basshysy kim?», «Gazet qaı jyldan bastap jańa dızaınmen shyǵaryla bastady?» degen saýaldar stýdentterdi ǵana emes, zalǵa jınalǵan kórermenderdi de qyzyqtyryp, tanymdaryn, oı-óristeriniń kókjıegin keńeıte túskeni ras. Baıqaýdyń «Egemen Qazaqstan bolashaqta», «Ulttyq basylym – ulttyq til» kezeńderinde stýdentter basylymnyń bolashaǵy jaıynda oı tolǵady, izgi tilekterin jetkizdi.

Sonymen, saıys qorytyndysynda:

«Qazaǵym bulaı degen: «Aqyl jastan»,

Qymbat maǵan seniń baǵań asyl tastan.

Aldyńda baǵyndyrar asýlar kóp,

О́rkendeı ber, «Egemen Qazaqstan» dep jyr joldarymen gazetke lebizin arnaǵan О́skemendegi D.Serikbaev atyndaǵy Shyǵys Qazaqstan memlekettik ýnıversıtetiniń «Kók túrik» komandasy Alǵys hatpen marapattaldy. Semeı medısına ýnıversıtetiniń «Dostar» komandasy 3 oryndy ıelendi. Júldeli 2 oryn Semeıdegi M.Áýezov atyndaǵy pedagıkalyq kolledjdiń «Rýhanııat» komandasyna buıyrsa, 1 oryndy Qazaqstan-Amerıka Erkin ýnıversıtetiniń «Ushqyn» komandasy qanjyǵasyna baılady. Al bas júldeni barlyq kezeńde bilgirlik tanytyp qana qoımaı, zamanǵa saı kreatıvtiligin kórsetip:

«Egemen Qazaqstan» – el gazeti,

Jazylatyn qoǵamnyń eń qajeti, – dep basylymnyń maqsat-murat, baǵyt-baǵdaryn óleńge arqaý etken О́skemendegi Sársen Amanjolov atyndaǵy Shyǵys Qazaqstan memlekettik ýnıversıtetiniń jýrnalıstıka bóliminiń «Altaı aqparat» komandasy jeńip aldy. Jeńimpazdar men júldegerlerdiń barlyǵyna basqarma atynan baǵaly syılyqtar tapsyryldy. «Baıqaýdyń aty aıtyp turǵandaı, ulttyq basylym men ulttyq til egiz uǵymdar. «Egemen Qazaqstan» gazeti men ana tilimiz de egiz uǵym desek artyq aıtpaspyz. Basylym til tazalyǵyna árdaıym mán beredi. Kóp gazetter osy basylymǵa qarap boı túzeıdi. Gazettiń ǵasyrlyq tarıhy – úlken, maǵynaly, mándi tarıh. Oblystaǵy memlekettik til saıasatyn júzege asyryp otyrǵan basqarma bolǵandyqtan mereıli datany eskerýsiz qaldyrýdy jón kórmedik. Sharany Jastar jyly aıasynda stýdent jastardyń arasynda uıymdastyrýdy uıǵardyq», dedi saıystyń jabylý saltanatynda sóz alǵan basqarmanyń bólim basshysy Sáýle Qalıǵazına.

 

О́SKEMEN

 

Sońǵy jańalyqtar

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Jańǵyrǵan Jambyl óńiri

Aımaqtar • Keshe

Baǵa QR kodtar arqyly beriledi

Medısına • Keshe

Rýhanı ráýishtegi tartý

Aımaqtar • Keshe

Turar taǵdyrynyń taǵylymy mol

Rýhanııat • Keshe

Orynbor jáne qazaq zııalylary

Rýhanııat • Keshe

El erteńi – jalyndy jastar

Prezıdent • Keshe

Uqsas jańalyqtar