Kásipqoı boks • 04 Qarasha, 2019

Meıirim jeńip, Isa jeńildi

15 retkórsetildi

Keshe AQSh-tyń Las-Vegas qalasyndaǵy áıgili MGM Grand arenasynda WBO nusqasy boıynsha jartylaı aýyr salmaq dárejesiniń chempıondyq belbeýi úshin reseılik Sergeı Kovalev pen meksıkalyq Saýl Alvares arasyndaǵy jekpe-jek ótti.

Tórtkúl dúnıe jankúıerleri kóz tikken jekpe-jekte «Kanelo» laqap esimin ıelengen 29 jastaǵy Meksıkanyń saıypqyrany Saýl Alvares nokaýtpen jeńiske jetti. 12 raýndqa josparlanǵan aı­qas­tyń 11 raýndynda Alvares alǵash sol, keıin oń qolymen aýyr soqqy jumsap, reseılik boks­shyny nokaýtqa jiberdi. Jekpe-jek basynda Sergeı Kovalev joǵary deńgeıde judyryqtasyp, qarsylasyn biraz qorǵanýǵa máj­búr etken bolatyn. Biraq raýnd ótken saıyn basymdyqty óz qo­lyna alǵan meksıkalyq jekpe-jek sońynda óz degenine jetti.

WBO nusqasy boıynsha álem chempıony atanǵan Saýl Alvares tórt salmaq dárejesinde jeńiske jetken sanaýly boksshylardyń qataryna endi. 56-shy kezdesýin jeńispen aıaqtaǵan «Kanelo» bul jekpe-jekte 35 mıllıon AQSh dollary kóleminde gonorar aldy. Al Sergeı Kovalev jeńilse de 12 mıllıon dollar paıda tapty.

Sondaı-aq atalǵan boks ke­shinde orta salmaqtaǵy Qazaq­stannyń óreni Meıirim Nursul­tanov ta sharshy alańǵa shyǵyp, meksıkalyq qarsylasy Krıstıan Olıvastan upaı sany boıynsha basym tústi. Olıvas qazaqstandyq boks jankúıerlerine jaqsy tanys. Osy jyldyń 13 sáýirinde ol orta salmaqtaǵy taǵy bir otandasymyz Jánibek Álimhanulymen WBC Continental Americas tıtýly jáne ekinshi dárejeli WBO Global belbeýi úshin judyryqtasyp, qandasymyzǵa upaı sanymen ese jibergen bolatyn.

27 jastaǵy Olıvas bul joly Meıirim Nursultanovpen WBC tujyrymy boıynsha AQSh-tyń chempıondyq belbeýi úshin aıqas ótkizdi. Ár raýndty óz paıdasyna jazǵan qazaqstandyq boksshy 10 raýndqa josparlanǵan jekpe-jekte tóreshilerdiń biraýyzdy sheshimimen jeńiske jetti. WBC (USNBC) nusqasynyń belbeýin ıelengen qandasymyz 12,5 myń AQSh dollaryn ıemdendi. Onyń qarsylasy jerlesimizden 500 dollardaı kem aldy.

Sonymen qatar ótken senbi kúni Reseıdiń Ekaterınbýrg qala­synda kásipqoı boks keshi ótti. Birinshi aýyr salmaqtaǵy qazaqstandyq Isa Aqberbaev reseılik Evgenıı Tıshenkomen aýyr salmaqtaǵy WBO Inter-Continental belbeýi úshin jekpe-jek ótkizdi.

Reseılik boksshy Rıo Olım­pıa­dasynyń fınalynda otandasymyz Vasılıı Levıtten basym túsken bolatyn. Kezdesýdiń aqyr sońy daý-damaıǵa ulasyp, tóreshiler ádiletsiz sheshim shy­ǵarǵany jaıyndaǵy áńgime áli kúnge deıin órbýde. Aqberbaev pen Tıshenko judyryqtasady degende Levıt jibergen eseni Isa qaıtarady dep úmittengen bolatynbyz. Biraq 2 jyldyq úzilisten soń rıngke qaıta oralǵan otandasymyz jankúıerlerdiń úmitin aqtaı almady. 10 raýndqa josparlanǵan aıqastyń altynshy raýndynan keıin qazaqstandyq boksshynyń bapkeri jekpe-jekti jalǵastyrýdan bas tartty. Son­daı-aq 5 raýndta Aqberbaev bir ret nokdaýnǵa túsken bolatyn.

Kásipqoı bokstaǵy jetinshi jeńisine qol jetkizgen Evgenıı Tıshenko kezekti ret WBO Inter-Continental belbeýin sátti qorǵady.

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar