Aımaqtar • 04 Qarasha, 2019

«El úmiti» jobasy daryndy jastarǵa qoldaý kórsetedi

79 retkórsetildi

Premer-Mınıstrdiń orynbasary Berdibek Saparbaev bastaǵan Úkimettiń jumys toby Memleket basshysynyń tapsyrmasy aıasynda Aqtóbe oblysyna at basyn tiredi.

 

Quramynda Bilim jáne ǵylym mınıstri Ashat Aımaǵambetov, Eńbek jáne áleýmettik qorǵaý mınıstri Birjan Nurymbetov, Densaýlyq saqtaý mınıstrligi­niń jaýapty hatshysy Botagóz Jaqsylyqova, Mádenıet jáne sport mınıstriniń orynbasary Eldos Ramazanov, Aqparat jáne qoǵamdyq damý mınıstriniń orynbasary Danııar Esın engen jumys toby óńir turǵyndarymen kezdesýde bilim salasyna erekshe toqtalyp, «El úmiti» jobasy týraly túsindirdi.

B.Saparbaevtyń aıtýynsha, Memleket basshysynyń tapsyrmasyna sáıkes qala men aýyl mektepteriniń bilim sapasyn teńestirý maqsatynda alda aýqymdy jumys atqarylmaq. Bul úshin aýyldaǵy mektepterdiń materıaldyq bazasyn nyǵaıtý qajet. Jalpy, qazir el aýmaǵyn­da 32 apattyq jaǵdaıdaǵy, 111 úsh aýysymdy mektep bar. Aldaǵy úsh jylda bul bilim oshaqtary tolyǵymen joıylýy tıis. Sonymen qatar aýyl mektepterindegi muǵalimderdiń de sapasyn arttyrǵan jón. Ustazdardyń jaýapkershili­gin arttyrý qajet. Premer-Mınıstrdiń orynbasary Berdibek Saparbaev dırektorlarǵa mektep muǵalimderine osy talapty jetkizýdi tapsyrdy.

«Memlekettiń jasap jatqan kómegine, qoldaýyna qaıtarym bolýy tıis. Bilim sapasyn arttyramyz. Balalardyń bilimi zaman talabyna saı bolýy kerek. Halyqaralyq deńgeıge jetip, mektep bitirgen oqýshy álemniń myqty ýnıversıtetterinde bilim alýy tıis. «Bolashaq» baǵdar­lamasymen de bilim alyp jatyr. Ustaz oqý baǵdarlamasymen ǵana shektelse, odan tárbıe alǵan bala alysqa barmaıdy. Qazirgi balalardyń deńgeıi, órisi basqa. Keshirim suraımyn, keıbir balalar muǵalimnen artyq biledi. Bala telefonnan, úıindegi ınternetten mol málimet alady», dedi Úkimet basshysynyń orynbasary Aqtóbedegi pedagogıkalyq qaýymmen kezdesýinde.

Oblys, qala men aýdandaǵy bilim basqarmasy men bólim­deriniń basshylary, mektep dırektorlary bilim salasyndaǵy ózgeristerdi durys túsindirmegen soń elimizde petısııa da jazylyp jatyr degen Úkimet basshysynyń orynbasary osy máselege erekshe toqtaldy. «Keıingi kezde jaman ádet shyqty. Birden Pre­zıdentke hat jazady, kóshe­ge shyǵady. Bul bolmaıdy. Mem­leketimizdiń eń saýatty azamaty – sizder. Sizderge bári baılanysty. Jalpy, qoǵam aldynda jaýapkershilik, janashyrlyq bolýy tıis», dedi B.Saparbaev.

Sondaı-aq «El úmiti» jobasyna toqtalǵan vıse-premer: «Daryndy balalardy qoldaý mektepteri bar. Tuńǵysh Prezıdent qorymen birge «El úmiti» jobasy daıyndalyp jatyr. Kem degende 1 myń daryndy balany tańdap alyp, jaǵdaı jasaımyz. Iаǵnı, memlekettik grantpen oqyp, jumysqa ornalasýyna múmkindik týady. Bul joba respýblıka boıynsha birinshi Aqtóbede bastaý alady», dedi.

Rasynda, daryndy jas­tardy ulyqtaıtyn Aqtóbedegi mara­fonǵa bes oblystyń úzdik­teri jınalǵan eken. Marafonǵa qatysýshylar retinde bıznes, máde­nıet, sport nemese medısına salasynda belgili bir jetistik­terge jetken jas býyn ókilderi tar­tylady. Olar ózderiniń maman­dyq tańdaýy, ómir joly, qalyp­tasýy men damýy týraly áńgimeledi.

«Árbir memlekettiń bola­shaǵy, damýy onyń bilimdi, oıshyl jastaryna baılanys­ty. Qazaqstannyń Tuńǵysh Prezıdenti – Elbasy Nursultan Ábishuly «Biz damyǵan 50 eldiń qataryna kirdik, maqsatymyz 30 eldiń qataryna kirý» dep aıtqan bolatyn. Ol úshin jasampaz, oıshyl jastar bolýy kerek. О́ıtkeni osy zamanda básekelestik tek ekonomıkada emes, adamdar arasynda da bolýy tıis. Qaı memlekette alǵyr jastar bolsa sol el básekelestikke tótep beredi. Qazaqstanda jastar úshin barlyq jaǵdaı jasalyp jatyr. Ár óńirde Nazarbaev zııatkerlik mektebi bar. Nazarbaev ýnıversıteti de daryndy balalarǵa arnalǵan. Qazirgi tańda Qazaqstanda 30 myńǵa jýyq daryndy bala bar, 100-ge jýyq daryndy balalarǵa arnalǵan mektepter jumys isteıdi. Bıyl Qazaqstannyń myńǵa jýyq jasy kóptegen halyqaralyq olımpıadada, konkýrstarda jeńimpaz atandy. Onyń ishinde 300-ge jýyǵy altyn medal aldy. Matematıka, hımııa, bıologııa, fızıka salasy basym», dedi atalǵan sharaǵa arnaıy qatysqan Premer-Mınıstrdiń orynbasary Berdibek Saparbaev.

Elimizde alǵash ret О́ńirlik daryn ortalyǵyn Aqtóbe qala­syn­da ashý josparlanyp otyr. Orta­lyq keler jyly iske qosylady.

«Búgingi marafon jas ınnovatorlardy, matematık, fızık, hımık jáne bıznes, sport, mádenıet salasyndaǵy jas mamandardy qoldaýǵa baǵyttal­ǵan. Aldaǵy ýaqytta elimizde jańa jobalar qolǵa alynady. Aýyl balalaryna, daryndy oqý­shy­larǵa, stýdentterge jaǵ­daı ja­salady. Máselen, aýyl oqý­­shy­lary úshin jyl saıyn ar­­naıy ıntellektýaldyq kon­kýrs ótkizip, 1 myń bala irik­te­ledi. Búgin birinshi qadam. Negiz­gi jumys áli alda», dedi «Qazaq­stan Respýblıkasynyń Tuń­ǵysh Prezıdenti – Elbasy» qory­nyń atqarýshy dırektory Áset Isekeshov.

Aıta ketelik, «El úmiti» – daryndy jastar men jas kósh­basshylardy qoldaýǵa, son­daı-aq óskeleń urpaqtyń aza­mattyq belsendiligin art­ty­rýǵa baǵyttalǵan respýblıkalyq marafon. Jobanyń maqsaty – jas talanttardy, novatorlar­dy, bilikti mamandar men kásip­ker­lerdi nasıhattaý.

Marafonǵa Aqtóbe, Atyraý, Mańǵystaý, Batys Qazaqstan já­ne Qyzylorda oblystary­nyń mý­zykalyq-shyǵarmashylyq ujym­dary, sondaı-aq «KTA» jáne «Nazar Aýdar» ázil-syqaq ko­mandalar qatysýda.

 

Aqtóbe oblysy

 

Sońǵy jańalyqtar

Shymkenttiń úlgili otbasylary anyqtaldy

Aımaqtar • Búgin, 18:38

Almatyda páter balldyq júıemen beriledi

Aımaqtar • Búgin, 18:13

Jer máselesi jaıly otyrys ótti

Qazaqstan • Búgin, 16:33

Bakýde greplıngten qolaǵa qol jetkizdi

Qazaqstan • Búgin, 16:07

Nur-Sultanda kómir qory jetkilikti

Qazaqstan • Búgin, 15:13

21 jyl boıy qujatsyz júrgen

Aımaqtar • Búgin, 10:59

VII PR forýmy Almatyda ótti

Aımaqtar • Búgin, 10:45

Fermerdiń maýsymdyq tabysy qansha?

Aımaqtar • Búgin, 09:51

Jánibek aýdanynda et óndirý artty

Aımaqtar • Búgin, 09:26

MRT alýǵa jarty mıllıard jumsalǵan

Aımaqtar • Búgin, 09:21

Bas basylymnyń baıtaq belesi

Aımaqtar • Búgin, 09:08

Qaıta oralǵan qumarshyq

Aımaqtar • Búgin, 07:54

Termeshiler tereńnen terbedi

Ádebıet • Búgin, 07:52

Túrik kınolary tegin kórsetiledi

Qoǵam • Búgin, 07:47

«Arý» – kóz arbaǵan kórkemdik álemi

Rýhanııat • Búgin, 07:45

«Speshranda» saqtalǵan...

Rýhanııat • Búgin, 07:26

«Tákappar eken qulja alma»

Qoǵam • Búgin, 07:23

Zań kerek!

Ekologııa • Búgin, 07:20

El qurmeti erekshe

100 • Búgin, 07:14

It júgirtip, qus saldy

Aımaqtar • Búgin, 07:12

Senim hám serpin

Rýhanııat • Búgin, 07:09

Ekologııany qorǵaýǵa adaldyq kerek

Ekologııa • Búgin, 07:03

Uqsas jańalyqtar