Qoǵam • 04 Qarasha, 2019

Dáýren Abaev jastardyń memlekettik qoldaý is-sharalaryn atady

79 retkórsetildi

Qazaqstanda jastar saıasatyn qarjylandyrý kólemi alǵash ret JIО́-niń 0,5 paıyzyna jetti. Bul týraly búgin Májilistegi Úkimet saǵatynda Aqparat jáne qoǵamdyq damý mınıstri Dáýren Abaev aıtty dep habarlady QazAqparat.

Onyń atap ótýinshe, jastarǵa memlekettik qoldaý sharalaryn shartty túrde ekige bólýge bolady. Olar – dástúrli baǵyttar boıynsha iske asyrylatyn jalpy sharalar jáne Jastar jylyna oraılastyrylǵan jańa bastamalardy qamtıtyn arnaıy sharalar.

«Jalpy sharalarmen 2 mıllıonnan astam oqıtyn jáne jumys isteıtin jastar qamtylǵan. Oǵan joǵary bilim alý úshin granttar, stıpendııalar, tegin jataqhanalar kiredi. Arnaıy sharalarmen 722 myń adam nemese eldegi árbir besinshi jas qamtylǵan. О́tken jylmen salystyrǵanda jastar saıasatyn qarjylandyrý kólemi 40 esege ósti. Bul kórsetkish alǵash ret ishki jalpy ónimniń 0,5 paıyzyna derlik jetti» dedi ol.

D.Abaevtyń aıtýynsha, Jastar jyly aıasynda memlekettik qoldaýdyń barlyq sharalaryn júıelendirý úshin Úkimet Jol kartasyn qabyldady. Qujatta 89 tarmaq bar. Olardyń árqaısysy jastar úshin ómirlik mańyzy bar turǵyn úımen qamtamasyz etý, jumysqa ornalastyrý, bilim berý, jas otbasyn qoldaý jáne áleýmettik belsendilikti damytý syndy máselelerdi qozǵaıdy.

«Búgingi kúni 13 pýnkt tolyǵymen aıaqtaldy. Bular naqty is-sharalardy ótkizýdi kózdeıdi. Mysaly, «Zeren» jastar jazǵy lageri. Ol jastar kóshbasshylaryna arnalǵan trenıngter, sheberlik sabaqtar men semınarlar ótkizýge baǵyttalǵan. Qalǵan 76 pýnkt iske asyrylýda. Mysaly, «Jas kásipker» jobasy 3 jylǵa eseptelgen jáne tek 2021 jyly aıaqtalady» dedi mınıstr.

Bul rette ol birneshe jobanyń oryndalmaý qaýpi bar ekendigin de jasyrmady.

«Onyń basty sebepteri – ortalyqtaǵy jáne jergilikti jerlerdegi memlekettik organdardyń kelisilmegen is-áreketteri, jekelegen mınıstrlikterdi qaıta uıymdastyrý nemese jetkizýshilerdiń jekelegen konkýrstarǵa qatysýǵa qyzyǵýshylyǵynyń bolmaýy. Mysaly, 16-tarmaq boıynsha Eńbek mınıstrliginiń jas qazaqstandyqtardy kásiptik baǵdar berýge baǵyttalǵan «О́zińdi tap» jobasyn iske asyrýy kózdelgen. Birinshi konkýrs ótpedi dep tanyldy. Konkýrstyq rásimder qaıta ótkiziledi. Endi bir pýnkt – «Mádenıet mınıstrliginiń Qazaqstan jas jazýshylarynyń shyǵarmashylyǵyn qoldaý úshin Ádebıet akademııasyn ashý». Alaıda, qazirgi ýaqytta biryńǵaı ustanym, kózqaras, biryńǵaı tásilder ázirlenýde. Jalpy, biz mundaı jobalar boıynsha ońtaıly sheshimder izdeýdemiz»  dedi Dáýren Abaev.

 

Sońǵy jańalyqtar

Túlkibasta «Ana men bala» monýmenti ashyldy

Rýhanııat • Búgin, 16:41

Termınge saýattylyq kerek

Qoǵam • Búgin, 15:33

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Uqsas jańalyqtar