Búgin Besqaraǵaı aýdanyna jańa ákim tanystyryldy. «Aımaq basshysynyń ókimimen bul laýazymǵa oblys ákiminiń orynbasary qyzmetin atqarǵan Shalqar Zamanbekuly Baıbekov taǵaıyndaldy. Ol 2017 jyldan beri aýyl sharýashylyǵy, tabıǵı resýrstar, jer qatynastary men veterınarııa salalaryna jetekshilik etti» delingen oblys ákiminiń baspasóz qyzmeti taratqan málimette.«Shalqar Zamanbekuly – óte tájirıbeli basqarýshy. Onyń kandıdatýrasyn máslıhat depýttary biraýyzdan qoldady. Ol óziniń tájirıbesin Besqaraǵaı aýdanyn damytý barysyndaǵy mańyzdy máselelerdi sheshýde qoldanatynyna senimdimin», – dedi Shyǵys Qazaqstan oblysynyń ákimi Danıal Ahmetov aýdan aktıvi aldynda sóılegen sózinde.
Shalqar Baıbekov 1967 jyly 6 aqpanda burynǵy Semeı oblysy, Abaı aýdanynda dúnıege kelgen. 1996 jyly Qazaq memlekettik basqarý akademııasyn «Ekonomıka» mamandyǵy, keıin Qazaq memlekettik zań akademııasyn «Zańger» mamandyǵy boıynsha támamdady. Qyzmet jolyn 1988 jyly Semeı oblysy Jańasemeı aýdandyq memlekettik saqtandyrý ınspeksııasynyń aǵa ınspektory bolyp bastady. 1990 jyldyń shilde aıynan bastap Semeı salyq ınspeksııasynda qyzmet etti. 1999 jyly Pavlodar qalasy, keıin Astana men Qaraǵandy qalalarynda Salyq komıtetiniń tóraǵasy bolyp jumys istedi.
2008 jyldan 2014 jylǵa deıin Astana qalasy Salyq departamentiniń Esil aýdany boıynsha salyq basqarmasyn basqardy. Keıin Prezıdent Ákimshiliginiń memlekettik baqylaý jáne uıymdyq-aýmaqtyq jumys bóliminiń memlekettik ınspektory boldy.
Shyǵys Qazaqstan oblysy
