Rýhanııat • 04 Qarasha, 2019

Aqtóbede «El úmiti» jastar marafony ótti

73 retkórsetildi

Aqtóbede talantty, eńbekqor balalar men jastardy qoldaýǵa jónindegi Tuńǵysh Prezıdent ‒ Elbasy Nursultan Nazarbaevtyń bastamasy aıasynda «El úmiti» marafony ótti. Sharaǵa Premer-Mınıstrdiń orynbasary Berdibek Saparbaev, Tuńǵysh Prezıdent – Elbasy Qorynyń atqarýshy dırektory Áset Isekeshev, Aqtóbe oblysynyń ákimi Ońdasyn Orazalın arnaıy qatysty. Bul týraly Premer-Mınıstrdiń baspasóz qyzmeti habarlady.

Jas talanttar men kóshbasshylardy qoldaýǵa arnalǵan joba sharasyna Qyzylorda, Aqtóbe, Batys Qazaqstan, Mańǵystaý jáne Atyraý oblystarynyń 3000-ǵa jýyq belsendi jastary qatysty. Bul – jeke tulǵa retinde jan-jaqty damyp, óz isiniń bilikti mamany bolǵan, el damýyna óz úlesin qosyp júrgen jastar.

Berdibek Saparbaev belsendi jastarǵa alǵysyn bildirdi.

«Táýelsizdiktiń alǵashqy kúninen bastap Tuńǵysh Prezıdent - Elbasy Nursultan Nazarbaev jastardy qoldaý men damytýǵa úlken kóńil bóldi. Memleket Basshysy Qasym-Jomart Toqaev jastardy qoldap, 2020 jyldy eriktiler jyly dep jarııalady. Búginde elimizde 30 myńǵa jýyq daryndy bala bar, 100-den astam mamandandyrylǵan mektepter men bilim berý ortalyqtary jumys jasaıdy. 11 oblysta respýblıkalyq "Daryn"ortalyǵy jumys isteıdi. Bıyl myńnan astam bala halyqaralyq konkýrstar men olımpıadalardyń jeńimpazdary men júldegerleri atandy. Elbasynyń «El úmiti» bastamasy aıasynda 1000-nan astam daryndy balalar irikteletin bolady. Olarǵa memleket tarapynan qoldaý kórsetiledi. El Úkimeti jas urpaqty qoldaý úshin barlyq kúsh-jigerdi jumsady. Bilimdi, talantty jáne deni saý jastar ‒ ultymyzdyń bolashaǵy», — dedi Berdibek Saparbaev.

Marafonǵa jeke óz jolyn bastap jatqan jalyndy jastarmen qatar, bilim men ǵylym, bıznes jáne medısına, mádenıet pen sport, ekonomıka jáne qoǵamdyq ómirde bıik belesterge jetken, óz tájirıbesimen bólise alatyn jas mamandar da qatysty. Aqtóbedegi marafon – Elbasynyń «El úmiti» bastamasynyń aıasynda ótkizilgen alǵashqy sharalardyń biri. Bastama talantty balalar men jastardy keshendi qoldaýdy kózdeıdi. Bul úshin birqatar jobalardy júzege asyrý josparlanyp otyr.QR Tuńǵysh Prezıdenti – Elbasy Qorynyń atqarýshy dırektory Áset Isekeshev marafonnyń ashylý saltanatynda «El úmiti» jastarǵa áleýmettik lıft bolatynyn jetkizdi.

«Biz álemnen artta qalmaýǵa tıispiz. Bul rette memleket kóp nárse jasap jatyr. «Jas Kásipker», «Jas Maman», «Bolashaq», «Daryn» jáne basqa da baǵdarlamalar bar. «El Úmiti» bastamasy aıasynda jastardy qoldaýǵa arnalǵan birqatar jobany qolǵa alamyz. Ár balanyń ózindik talanty bar. Ony tek ashý kerek. Sondyqtan, eń aldymen, qazir ár aımaqta «Daryn» ortalyqtary kúsheıtiletin bolady. Ár balanyń áleýetin ashý úshin, qaıda oqı alady, nege kóbirek beıim ekenin anyqtaý úshin dıagnostıka jasalady. Odan bólek taǵy da basqa jobalar bolady. Mysaly, shetelde ‒ Kremnıı alqabyna, Sıngapýrǵa saparlar, Kembrıdjge oqytý týrlary. Qazir bul máselelerdi pysyqtap jatyrmyz», — dedi Áset Isekeshov.

Qazir Qor kóshbasshylyq baǵdarlamasy, balalardyń áleýetin anyqtaý júıesi, yntalandyrý quraldary (onyń ishinde álemniń jetekshi JOO-da tájirıbe jınaý), olımpıada jeńimpazdary men daryndy jastarǵa granttyq qoldaý kórsetý júıesi syndy jobalardy qarastyryp jatyr.

«El úmiti» marafonyna Aqtóbe oblysynan qatysqan jas kásipkerdiń biri Janna Altynbaeva. Ol Aqtóbe qalasynan 2016 jyly týrısterge arnap «Nice hostel» halyqaralyq standarttarǵa saı keletin qonaq úı ashqan. 30 jastaǵy aqtóbelik bıznesmen AQSh-ta tájirıbe almasý maqsatynda kóptegen jerlerde jumys jasady.

Al, Atyraý óńirinen kelgen qatysýshy Nurlan Azamatov «Family» oqý ortalyǵynyń basshysy. 2012 jyldan beri ashylǵan ortalyq azamattarǵa sóıleý mánerin,oıyn durys jetkizý, oratorlyq ónerdi úıterý trenıngimen aınalysady. Jas izdenimpaz 2014 jyly Máskeý qalasyndaǵy Rıtorıka jáne sheshendik óner ýnıversıtetinde bilim alǵan.

Shara barysynda qatysýshylar óz tájirıbelerimen bólisti. Olardy eńbek etip, izdenýge shaqyrdy. Memleket tarapynan kórsetilip jatqan túrli baǵdarlamalar men qoldaýlar úshin alǵystaryn jetkizdi.

Elbasy Nursultan Nazarbaevtyń «El úmiti» bastamasyn Qor úkimet, oblys ákimdikteri men bıznes-qaýymdastyq jáne Úkimettik emes uıymdarmen birlesip júzege asyrady.

«Qonys» sport saraıynda ótken kesh qazaq estradasy juldyzdarynyń óner kórsetýimen aıaqtaldy.

Sońǵy jańalyqtar

Atyraýlyqtar taǵy da úzdikter qatarynda

Aımaqtar • Búgin, 19:19

Táýelsizdik – tuǵyrym

Aımaqtar • Búgin, 17:01

Arhıv ǵımaratyna eskertkish taqta ornatyldy

Rýhanııat • Búgin, 16:43

Jas otbasylar baspanaly boldy

Aımaqtar • Búgin, 16:16

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Uqsas jańalyqtar