Aımaqtar • 04 Qarasha, 2019

Atyraý oblysynda balyqshylar 6555 tonna balyq aýlady

61 retkórsetildi

Atyraý oblysyndaǵy ózenderde júrgizilgen túp tereńdetý jumystary oń nátıje kórsetti. Bul týraly Ortalyq kommýnıkasııalar qyzmetinde ótken brıfıngte Atyraý oblysynyń ákimi Nurlan Noǵaev málimdedi.

2017 jyly Jaıyq, Qıǵash ózenderindegi balyq ótetin arnalardyń túpterin tereńdetý jumystary bastaldy. Nurlan Noǵaevtyń aıtýynsha, atalǵan shara alǵashqy nátıjelerin kórsete bastaǵan.

- Sý kólemin jáne gıdrogeologııalyq rejımdi arttyrý jobalary balyqtardyń kedergisiz ótýine, balyq qoryn saqtaýǵa, mekendeýine jáne tabıǵı ósimine qolaıly jaǵdaı jasaýǵa baǵyttalǵan, - dedi Nurlan Noǵaev.

Jaıyq ózeniniń túbin tereńdetý jumystaryna respýblıkalyq bıýdjetten 2,151 mln teńge bólingen. Jalpy uzyndyǵy - 62 km. 16,9 km jańa arna qazý josparlanǵan.

Jaıyqpen birge Qıǵash ózeniniń de túbi tereńdetildi. Osy maqsatqa respýblıkalyq bıýdjetten 5,453 mln teńge bólingen. Júrgizilgen jumystardyń jalpy uzyndyǵy  - 154 km, 2020 jyly aıaqtalady dep josparlanǵan.

- Balyq aýlaıtyn óndiristik kooperatıvter jyl basynan beri belgilengen lımıt aıasynda  - 6 555 tonna balyq aýlady. О́tken jyldyń sáıkes kezeńinde bul kórsetkish 4038 tonna bolǵan edi. О́tken jylmen salystyrǵanda kásiptik balyq aýlaý kólemi  - 2517 tonnaǵa artty. Bul júrgizilgen túp tereńdetý jumystarynyń oń nátıje kórsetkenin ańǵartady, sonyń arqasynda balyqtardyń ózenge ýyldyryq shashýǵa ótýi jaqsardy, sý qoımasynda balyq qory saqtaldy. 2018 jyldyń aıaǵynda bolǵan jappaı balyq qyrylý deregine qaramastan, jaqsy nátıjeler bar, - dedi Nurlan Noǵaev.

Atqarylǵan sharalar ózenderdiń gıdrogeologııalyq rejımine de oń áser etedi. «Qazgıdromet»  RMM aı saıyn Jaıyq ózenindegi sý sapasyna, ıon, bıogen men organıkalyq zattarǵa, aýyr metalldarǵa monıtorıng júrgizip otyrady. Jaıyq ózegindegi sý sapasy normadaǵy kórsetkishterden aspaǵan. Sonymen qatar, ózendegi sý basseınine de zertteý júrgizilýde. Jobanyń basty mindeti - Jaıyq ózenine antropogendik faktorlardyń áserin azaıtý jóninde usynystar daıyndaý. Zertteý barysynda ózen túbindegi shógindilerden, balyqtan, sýdan synamalar alynady, zerthanalyq jaǵdaıda saralanady. Zertteý qorytyndysymen mamandar ózenniń sý basseınine adamdardyń yqpalyn tómendetýge múmkindik beretin tujyrym shyǵarady.

Sońǵy jańalyqtar

ASA reıtıngi jańartyldy

Sport • Búgin, 14:08

Úıden shyqpaı qazaqsha úıren

Qoǵam • Búgin, 13:08

Batys Qazaqstanda 90 adam baqylaýda

Aımaqtar • Búgin, 12:58

«...Taýyńda qyran qaldy ma?»

Aımaqtar • Búgin, 12:52

Dástúrdi buldaý ma bul?!

Qoǵam • Búgin, 12:23

Koronavırýs shash arqyly juǵady

Koronavırýs • Búgin, 12:19

Kórshimizdiń kóńil-kúıi jaqsy

Álem • Búgin, 11:55

Dollardyń bási artyp keledi

Qarjy • Búgin, 11:34

«Altyn Orda» kúıin shyǵardy

Rýhanııat • Búgin, 11:21

Karantınnen keletin zardap mol

Koronavırýs • Búgin, 11:09

1 sáýirge arnalǵan aýa raıy boljamy

Qazaqstan • Búgin, 09:27

Uqsas jańalyqtar