Qoǵam • 05 Qarasha, 2019

10 mıllıon teńgeni qaıyrymdylyqqa jumsaıdy

185 retkórsetildi

«Alty ul tapqan anany hanym dese bolady» degendeı, bıyl birinshi ret elimizde kóp balaly áıelder arasynda «Qazaq hanymy» halyqaralyq baıqaýy ótti. Tuńǵysh ret Almatydaǵy Respýblıka saraıynyń tórine shyqqan altyn qursaqty kelinshekterdiń ishinen taldyqorǵandyq Marjan Altybaeva top jaryp, 10 mıllıon teńgege ıe boldy. «Qazaq hanymy» baıqaýynyń tájin kıgen 31 jastaǵy Marjan – úsh balanyń anasy.

Alǵashqy baıqaýdy halyqaralyq deńgeıge kótergen onyń aýqymyn ulǵaıtýǵa degen umtylys edi. Baıqaýǵa irikteý sharalary júrip jatqan kezde Qyrǵyzstan, Túrkııa, Reseı, Mońǵolııa elderindegi qazaq dıasporalarynyń ókilderi baılanysqa shyǵyp, qatysýǵa ótinimder bergen. О́ńir-óńirlerde ótken irikteý baıqaýlaryn qosa alǵanda, «Qazaq hanymy» jarysyna 4036 kelinshek qatysqan. Olardyń arasynda on balaly analar da bar. Alaıda, aqtyq baı­qaýǵa joldama alǵandardyń arasynan Qyrǵyzstannan Jazgúl Estebaevanyń ǵana Qazaqstanǵa joly túsipti.

Osylaısha, jeksenbiniń keshinde Almaty­daǵy Respýblıka saraıynyń tórinde elimizdiń túkpir-túkpirinen kelgen 25 kelinshek óner­lerin ortaǵa saldy. О́mirdiń kórki, shańyraqtyń shattyǵy, otbasynyń berekesimin dep kelgen analardyń barlyǵy da ózderiniń talanttaryn kórsetti. Tún ortasyna ulasqan baıqaýda aldymen óner jarysqa tústi. Bul – ulttyq dástúr men darynǵa saltanat qurǵyzyp, bútin otbasyn, qazaq áıeliniń boıyna jasyrynǵan sulýlyqty jarnamalaǵan jarys edi.

Saltanatty oqıǵany qazylar alqasy­nyń múshesi, Parlament Májilisi­niń depýtaty, Qazaqstan Prezıdenti janyndaǵy Áıelder isteri jáne otbasylyq-demo­grafııalyq saıasat jónindegi ulttyq komıs­sııanyń múshesi Baqytbek Smaǵul myna bir óleń joldarymen ashyp berdi:

Aq almastaı jarqyldaǵan janary,

Árbir istiń altyn kiltin tabady.

Búgin mine, arýlary qazaqtyń,

Táýelsizdik kóshin bastap barady.

Ańyzdar kóp arý qyzdar haqynda,

Ulylyq bar Ana degen atyńda.

Sendersińder Uly Dala urpaǵyn

Terbetetin mynaý altyn ǵasyrda.

Máńgilik el etem deseń qazaqty,

О́zgege emes, ózińe qoı talapty.

Áıel – qazyq, Erkek – azyq, ár úıde,

Otbasyna er-azamat jaýapty.

 

Shýaq shashyp, meıirim tunǵan izgi aryń,

Jyrlaǵanmen jetkize almas júz daryn.

Qurmet tutyp, quttyqtaımyn men búgin,

Azat eldiń aı dıdarly qyzdaryn!

Sonymen áýletiniń abyroıyn asyryp, myna álemdi sábıdiń byldyrymen bazarǵa bólegen zamana kelinshekteri án salyp, bı bılep, mýzykalyq aspaptardyń qulaǵynda oınady. Túrli teatraldyq qoıylymdar arqyly jankúıer qaýymnyń júregine jol izdedi.

Joǵaryda atap ótkendeı, úsh týrdan turatyn jarysta Jetisýdiń sulýy Marjan Altybaeva «Qazaq hanymy» atandy.

– Men áli de ózimniń jeńiske jet­kenime senbeı turmyn. Kádimgi tús sııaq­ty. Shynymdy aıtsam, jeńemin dep oıla­ǵan joqpyn, biraq baıqaýǵa barym­dy salyp daıyndaldym. Baıqaýdy uıym­­das­tyrǵandarǵa da, maǵan qoldaý kór­setken qalyń kópshilikke de alǵysym sheksiz. Baıqaý óte jaqsy ótti. Bul meniń ǵana jeńisim emes, otbasymyzdyń jeńisi. Bul  jeńis maǵan úlken jaýapkershilik júk­teıdi. «Qazaq hanymy» ataǵyn abyroı­men alyp júrýge tıistimin. Al maǵan buıyr­ǵan qarjylaı júldegen keletin bolsaq, barlyq somany qaıyrymdylyqqa, kóp balaly otbasylarǵa kómek retinde taratamyn, – deıdi Marjan Altybaeva.

Sondaı-aq birinshi oryn almatylyq Baıan Musaevaǵa buıyrsa, ekinshi orynǵa Atyraýdan kelgen 7 balanyń anasy Janar Qadyrova, úshin­shi orynǵa Aqtaý ha­ny­my Gúlnar Jaıyq la­ıyq­ty dep tabyl­dy. Júldeli oryndardan kóringen hanym­­dardyń barlyǵy da qomaq­ty qara­jat pen baǵaly syılyqtardan qur qal­ǵan joq. Al ınternet-daýys berýdiń arqa­syn­­da arnaýly júldeni Janar Qadyrova aldy.

Qazylar alqasyna Qazaqstan Prezı­denti­niń «Altyn sapa» syılyǵynyń ıegeri Yrza Tursynzada jetekshilik etken alǵashqy «Qazaq hanymy» baıqaýyna baǵa berýge jazýshy Zeınep Ahmetova, Par­lament Májilisiniń depýtaty Baqyt­bek Smaǵul, Tolqyn Zabırova, Alma Aman­jolova, Klara Qabylǵazına, Seken Turysbekov, Marlen Kólbaev, Darı­ǵa Turan­qulova, «Qazaq hanymy» halyq­aralyq baı­qaýy jobasynyń dırektory Erjan Aıt­qalı syndy óner adamdary men qoǵam qaıratkerleri qosyldy.

Bir sózben aıtqanda, «Qazaq hanymy» – óte qajetti de tárbıesi tereń joba. О́zi­niń ká­­si­bimen qosa, analyq mindetin de at­qar­yp, otbasynyń tatý­ly­ǵyn saqtaǵan, zamanǵa saı bilimi men para­sat-paıymy bar, kórkin saqtaǵan kóp bala­ly analardyń orny tórde bolý kerek, deıdi al­ǵash­qy baıqaýdy márege jetkizgen uıymdastyrýshylar.

 

Almaty

 

Sońǵy jańalyqtar

Kásipqoı boks: WBC reıtıngi jarııalandy

Kásipqoı boks • Búgin, 12:18

Kúlki kerýeni № 14

Rýhanııat • Búgin, 11:47

Jańaózende «Ashyq esik kúni» ótti

Aımaqtar • Búgin, 11:37

176 keli qyzylbalyqpen ustaldy

Aımaqtar • Búgin, 09:50

О́ńiraralyq forýmda tanystyryldy

Ekonomıka • Búgin, 08:23

6 myń shaqyrym jol aqyly bolady

Ekonomıka • Búgin, 08:21

Arnaıy ekonomıkalyq aımaq

Ekonomıka • Búgin, 08:13

Úzdik nátıje – 12-oryn

Sport • Búgin, 08:04

Qaharmanǵa qurmet

Rýhanııat • Búgin, 08:02

Balýandardyń Syrdaǵy básekesi

Aımaqtar • Búgin, 08:01

Maqsaty bıik «Mámile»

Aımaqtar • Búgin, 07:59

Kelisimshart qural bolmasa...

Qoǵam • Búgin, 07:56

Nur-Sultanda «adaldyq saǵaty» ótti

Qoǵam • Búgin, 07:52

Internet qoldanýshylar eskeretin jaıt

Tehnologııa • Búgin, 07:50

JITS-ke qarsy is-sharalar ótedi

Medısına • Búgin, 07:43

Talanttar tálimgeri

Rýhanııat • Búgin, 07:41

Aqyn jáne onyń mýzasy

Rýhanııat • Búgin, 07:40

Kúı qudireti arab álemin moıyndatty

Aımaqtar • Búgin, 07:38

Aýadan qarmaǵan aıyppul

Aımaqtar • Búgin, 07:34

Sholohovqa aq bota syılaǵan

Aımaqtar • Búgin, 07:30

Úrkimbaev úılesimi

Aımaqtar • Búgin, 07:27

Joshyǵa aparar jol

Qoǵam • Búgin, 07:23

Túrlenip, túlegen Túrkistan

Aımaqtar • Búgin, 07:21

Kásibı kadrlar jumys isteýi tıis

Ekonomıka • Búgin, 07:12

Basshylyq quram attestattaldy

Qoǵam • Búgin, 07:08

Ońaltý ortalyqtary salynady

Aımaqtar • Búgin, 07:03

Baýyrlastyq baılanystar bekı túsedi

Saıasat • Búgin, 07:00

Baǵdarlamalarǵa belsendi qatysady

Saıasat • Búgin, 06:52

Telefon arqyly sóılesti

Prezıdent • Búgin, 06:50

Elorda nege jaryqsyz qaldy?

Qoǵam • Búgin, 06:42

Jahandyq únqatysý is-sharalaryn talqylady

Prezıdent • Búgin, 06:33

Uqsas jańalyqtar