Álem • 05 Qarasha, 2019

Alǵashqy jasandy ıntellekt ýnıversıteti ashylady

11 retkórsetildi

Birikken Arab Ámirlikteriniń astanasynda oqý baǵdarlamasy túgeldeı jasandy ıntellekti úıretýge negizdelgen alǵashqy ýnıversıtet ashylady. Ábý-Dabı ámirliginiń hanzadasy, BAÁ qarýly kúshteriniń bas qolbasshysynyń orynbasary Mohamed ben Zaıdtyń atyndaǵy jasandy ıntellekt ýnıversıteti (Mohamed Bin Zayed University of Artificial Intelligence, MBZUAI) jumysyn 2020 jyly bastaıdy.

Bilim ordasy jumysyn bas­tap úlgermese de, búginge deıin 3 myńnan astam talapker óz óti­nishterin berip úlger­gen. Interesting Engineering portaly­nyń habarlaýynsha, nıettiler­diń basym kópshiligi Saýd Ara­bııa­sy, BAÁ, Mysyr, Úndistan, Qytaı, Aljır azamattary. Joǵary oqý orny 6 magıstrlik, 3 doktor­lyq baǵdarlama usynady dep josparlanǵan. 2020 jyl­dyń qyrkúıeginde esik ashatyn bilim ordasy úsh negizgi baǵyt boıynsha bilim bermek. Olar: baǵdarlamamen qamtamasyz etý, jasandy ıntellektige qajetti baǵdarlamalar jazý jáne óńdeý. Álemniń túkpir-túkpirinen jınalatyn stýdentterdiń aı saıyn shákirtaqy alýǵa da múmkindigi bolady. Oǵan qosa zaman talabyna saı jabdyqtalǵan jataqhana, medısınalyq saqtandyrý, ǵyly­mı zertteýlermen aına­lysýǵa barlyq jaǵdaı jasalady.

Ýnıversıtet keńesine Oks­ford, Beıjińdegi Sınhýa, Mas­sa­chýsets, Mıchıgan ýnıver­sı­tet­teriniń aldyńǵy qatarly pro­fessorlary shaqyrtylǵan. Sarapshylar bul ýnıversıtettiń kóp uzamaı úlken suranysqa ıe bolaryn, sonymen qosa aldyńǵy qatarly oqý oryndarynyń tizimine enetinin boljap otyr. Bul oı da negizsiz emes. О́ıtkeni 2 jylda jasandy ıntellektiniń dúnıejúzilik naryqtaǵy kólemi 4 trln AQSh dollaryna jetse, 10 jyldan keıin álem ekonomıkasyna 16 trln AQSh dollary kóleminde paıda ákeleri buǵan deıin de aıtylyp kelgen. BAÁ memlekettik mınıstri ári ýnıversıtet keńesiniń tóraǵasy Sultan Ál-Jaber jańa ýnıversıtet jańa dáýirge jol ashatynyn aıtady. «Oqý baǵdarlamasy tolyqtaı jasandy ıntellektke negizdelgen. Bul saladaǵy alǵashqy mamandardy daıyndaıtyn bolǵandyqtan úlken jumystar júrgizildi, kóp zertteýler jasaldy. Jańa dáýir­ge bastaıtyn mamandary­myz­ǵa úlken mindet artylady, biz óz kezegimizde soǵan saı bilim men dańǵyl jol salýǵa daıynbyz», dedi keńes tóraǵasy. Sonymen qatar Ál-Jaber jasandy ıntellektiniń búgingi álemdi ózgertip jatqanyn da tilge tıek etti. «Adamnyń sheksiz oıyn jasandy ıntellektti úırenýge, túsinýge, tanýǵa baǵyttasaq, bu­dan da úlken nátıjege qol jet­kize alamyz. Bir kezderi elektr ja­ryǵy, temir jol men smartfondar ómirimizdi ózgertkendeı, jasandy ıntellekt te áleýmet pen ekonomıka salasyna eleýli ózgerister alyp keleri sózsiz», dedi.

Al biregeı ýnıversıtettiń prezıdenti laýazymy Oksford ýnıersıtetiniń professory Maıkl Bredıge buıyrdy. Onyń aıtýynsha, jasandy ıntellekti meńgerý keleshekte qaı salada bolsa da úlken múmkindikter men jetistikterge jol ashady. Jalpy, Birikken Arab Ámirlikteri – jasandy ıntellekttiń ekonomı­kadaǵy múmkindikterin baıqap, ony is júzinde qoldana bastaǵan alǵashqy memleketterdiń biri. 2017 jyly el úkimeti «BAÁ 2021» dep atalatyn jospar be­kitti. Josparda basqarý múm­kin­dikterin jaqsartý úshin jańa tehnologııa qoldanylatyn se­giz sala kórsetilgen. Olardyń qatarynda ǵarysh, jańǵyrmaly energııa, sý resýrstary men bilim berý bar.

Ýnıversıtetpen qosa BAÁ-de álemdegi alǵashqy jasandy ıntellekt máseleleri boıynsha mı­nıstr taǵaıyndaldy. Bul laýazym­ǵa Omar ál-Olama bekitildi. Oxford Insights aqpa­ratyna súıensek, jasandy ın­tellekti memleket­tik basqarýǵa qoldaný múmkin­digi boıynsha BAE álem elderi arasynda 19-orynǵa ıe. Bul ındekske 194 memleket kirgen. Reıtıng kóshin Sıngapýr bastap tur. Jasandy ıntellektiniń ota­ny sanalatyn Sılıkon alqa­by ornalasqan AQSh 4-orynda bolsa, Qytaı tizimde 20-oryndy alyp tur.

Joǵaryda aıtyp ótkenimiz­deı, ýnıversıtetke jasandy ıntellekt salasyna qyzyqqan kez kelgen jas oqýǵa túse alady. Elimizde jańa tehnologııalar men jasandy ıntellektke qyzyǵýshylyǵy bar jastardyń sany kún sanap artyp kele jat­qanyn eskersek, 2020 jyly bire­geı ýnıversıtet­tiń alǵashqy stý­dent­teriniń qata­rynda otandas­tary­myzdy da kórýimiz ǵajap emes.

Sońǵy jańalyqtar

Shymkenttiń úlgili otbasylary anyqtaldy

Aımaqtar • Búgin, 18:38

Almatyda páter balldyq júıemen beriledi

Aımaqtar • Búgin, 18:13

Jer máselesi jaıly otyrys ótti

Qazaqstan • Búgin, 16:33

Bakýde greplıngten qolaǵa qol jetkizdi

Qazaqstan • Búgin, 16:07

Nur-Sultanda kómir qory jetkilikti

Qazaqstan • Búgin, 15:13

21 jyl boıy qujatsyz júrgen

Aımaqtar • Búgin, 10:59

VII PR forýmy Almatyda ótti

Aımaqtar • Búgin, 10:45

Fermerdiń maýsymdyq tabysy qansha?

Aımaqtar • Búgin, 09:51

Jánibek aýdanynda et óndirý artty

Aımaqtar • Búgin, 09:26

MRT alýǵa jarty mıllıard jumsalǵan

Aımaqtar • Búgin, 09:21

Bas basylymnyń baıtaq belesi

Aımaqtar • Búgin, 09:08

Qaıta oralǵan qumarshyq

Aımaqtar • Búgin, 07:54

Termeshiler tereńnen terbedi

Ádebıet • Búgin, 07:52

Túrik kınolary tegin kórsetiledi

Qoǵam • Búgin, 07:47

«Arý» – kóz arbaǵan kórkemdik álemi

Rýhanııat • Búgin, 07:45

«Speshranda» saqtalǵan...

Rýhanııat • Búgin, 07:26

«Tákappar eken qulja alma»

Qoǵam • Búgin, 07:23

Zań kerek!

Ekologııa • Búgin, 07:20

El qurmeti erekshe

100 • Búgin, 07:14

It júgirtip, qus saldy

Aımaqtar • Búgin, 07:12

Senim hám serpin

Rýhanııat • Búgin, 07:09

Ekologııany qorǵaýǵa adaldyq kerek

Ekologııa • Búgin, 07:03

Uqsas jańalyqtar