Ekonomıkalyq áriptestikti nyǵaıtý jaıy talqylandy

Otyrysta taraptar saýda-ekonomıkalyq yntymaqtastyq, aýyl sharýashylyǵy men veterınarııa, ónerkásip, avıasııa men kólik logıstıkasy, áleýmettik, týrızm, IT-tehnologııa salalary boıynsha ekijaqty is-qımyldar máselelerin talqylady. Budan basqa, qazaqstandyq taýarlarǵa qatysty preferensııalyq re­jim­di saqtaý maqsatynda taraptar Shveısarııanyń tirkelgen REX-System Eýropalyq odaqtyń eks­porttaýshylar júıesin engiz­genin eskerip, odan ári ózara is-áreketterdi qozǵady. Sondaı-aq olar DSU, Bretton-Výd júıesi, Eýrazııalyq ekonomıkalyq odaq pen «Bir beldeý, bir jol» bas­tamasy sheńberinde kópjaqty máselelerdi sóz etti.

Yntymaqtastyq jyldary ishinde memleketter saýda men ınvestısııalyq áriptestik bo­ıynsha belgili bir nátıjeler­ge qol jetkizdi. 2018 jyldyń qory­tyndysy boıynsha el­deri­mizdiń arasyndaǵy taýar aına­lymy 3,1 mlrd, 2019 jylǵy 8 aı ishinde 1,5 mlrd AQSh dol­laryn qurady. Sonymen qatar Shveısarııa Qazaqstandy tike­leı ınvestısııalaýdyń jalpy kólemi boıynsha 3-orynǵa ıe bol­ǵanyn atap ótý kerek.

B.Sultanov kezdesýlerdiń qory­tyndysy boıynsha: «Biz ózara saýdanyń qazirgi jaǵda­ıyn qarap shyqtyq. Bizdiń Shveı­sarııaǵa eksportymyzdyń 80%-y energetıkalyq keshen taýarlary, atap aıtqanda, munaı ekenin eskersek, taýar aı­nalymynyń qundyq kólemi energııa tasymaldaǵyshtar­dyń álemdik qunyna óte tyǵyz baılanysty. Osyǵan oraı biz elderimizdiń arasynda ózara saýdany jandandyrý, nyǵaıtý jáne ártaraptandyrý qajettiligi men mańyzdylyǵyn rastadyq. Shveısarııa Qazaqstan úshin uzaq merzimdi perspektıvada eksporttyq qyzyǵýshylyq týdyrady ári elimiz Shveısarııa­ǵa óńdelgen ónimdi eksport­taý­dy arttyrýǵa daıyn. Biz tal­daý jasap, metallýrgııa, mashı­na jasaý, taǵam ónimi, munaı jáne hımııa ónerkásibi, toqyma jáne toqyma buıymdary sııaqty sa­lalarda 500 mln dollar kó­leminde 100-den astam taýar pozısııasyn jetkizý múmkindigin anyqtadyq», dedi.

Taraptar saýda-ekonomıka­lyq yntymaqtastyǵyn odan ári damytý maqsatynda memleketter arasynda ózara tıimdi eks­porttyq jetkizýlerdi tereń­detý men yntalandyrý jóninde sheshimder qabyldady.

Qazaqstannan Shveısarııaǵa energetıka kesheni taýarlaryn, baǵaly metaldar men asyl tas­tardy, óńdelmegen alıýmı­nıı men mıneraldyq resýrs­taryn qamtıtyn dástúrli eksport qurylymyn óńdelgen taýar­larǵa qaraı eleýli túrde ózgertýge múmkindik bar. Jo­ǵary eksporttyq jetkizýdi qol­daý úshin Saýda jáne ıntegra­sııa mınıstrligi shveısar­lyq árip­testerge sońǵy ýaqytta bol­ǵan, ásirese kórsetkishter­diń tó­men­deýin eskere otyryp, ózara saý­dadaǵy áleýetti paıda­lanýdy usynady. Shveısarııa­ dan Qazaqstanǵa ımporttalatyn negizgi dástúrli taýarlar far­masevtıka ónerkásibi taýar­lary, atap aıtqanda, dárilik zat­tary, ortopedııalyq quryl­ǵylar, azyq-túlik, vaksınalar, qol sa­ǵattar, elektr tran­sfor­­ma­tor­lar­y jáne basqa­lar. Osyǵan baı­lanysty, Qazaq­stan Saýda jáne ıntegrasııa mı­nıstri atap ótkendeı, «Shveı­sarııa qarjy qyz­meti, sıfrlandyrý, energetıka, hımııa jáne farma­sevtıka sııaq­ty sa­lalarǵa ınv­estor re­tin­de qy­zy­ǵý­shylyq týdyrady».

«Biz óz tarapymyzdan naqty jobalardy usynýǵa ázirmiz. Bir­qatar perspektıvaly jobalar bar, olardy Shveısarııa úki­metine qaraýǵa berdik. Logıs­tıka, qurylys, qurylys mate­rıaldarynyń óndirisi, daıyn metall ónimderi, mıneraldyq ónim, munaı-hımııalyq metallýrgııa ónerkásibi jáne basqa salalar týraly sóz qozǵap otyrmyz», deıdi B.Sultanov. Bul sala­­larda shveısarııalyq kompanııa­lar kóshbasshy bolyp tabylady, olardyń tájirıbesi, atqarylǵan jumystary óte tıimdi.

Aıta keteıik, bul otyrys Shveısarııanyń Federaldyq Prezıdenti Ýlı Maýrerdiń Qazaq­­­­stanǵa aldaǵy resmı sapa­ryn daıyndaýdyń mańyzdy saty­synyń biri.