Qoǵam • 05 Qarasha, 2019

Serjanttardyń biregeı mektebi

245 retkórsetildi

О́tken jumada Qorǵanys mınıstrligi BAQ ókilderine Shýchınsk qalasyndaǵy Shoqan Ýálıhanov atyndaǵy Kadet korpýsyna baspasóz týryn uıymdastyrǵan bolatyn. TMD elderindegi serjanttar daıyndaıtyn jalǵyz oqý orny sanalatyn korpýs jumysymen tanystyrý maqsatyndaǵy sapar aıasynda serjanttardyń turmysyn kórip qaıttyq.

Sýretti túsirgen Dýman Qurmanǵalıev

 

Kún shyqpastan erte qamdanyp, Nur-Sultannan Shýchınskige baǵyt alǵan biz – jýrnalıster Shoqan Ýálıhanov atyndaǵy Kadet korpýsynyń bazasyna taban tiredik. Bul bólimniń mıssııasy – elimizdiń Qarýly Kúshteriniń qataryna maman daıarlaý.

Maqsaty aıqyn oqý bazasy Shýchınsk qalasynyń shetinde ornalasqan. Oqý orny bastyǵynyń tárbıe jáne ıdeologııalyq jumystary jónindegi orynbasary-bólim bastyǵy, polkovnık Qaırat Asanovtyń aıtýynsha, Kadet korpýsy – TMD elderinde de úlgisi joq biregeı mektep. Qarýly Kúshter qataryna serjant daıarlaıtyn korpýs 1996 jyly Tuńǵysh Prezıdenttiń Jarlyǵymen negizin qalaǵan. 20 jyldan astam ýaqytta Qarýly Kúshter qataryna 3 myńnan astam órenin qosqan. Búginde Kadet korpýsynda tárbıelenip jatqan 500-ge jýyq bolashaq serjantty memleket tolyqtaı qarjylandyryp otyr.

Kadet korpýsy tárbıelenýshileriniń qatarynan tabylamyn degenderge qoıy­la­tyn talaptar qıyn emes. Talapkerdiń arna­ıy psıhologııalyq, medısınalyq tek­se­­risten ótýi shart. Odan keıin oqýǵa tap­syrýshynyń fızıkalyq da­ıyn­­­dyǵy tek­seriledi. Kadet korpýsynda oqý baǵ­dar­lamasy 1 jyl 10 aıǵa jospar­lan­ǵan. Jaz jáne qys mezgil­de­rinde demalysqa shyǵady. Bul synaq­tar­dan sátti ótkender, áskerı ant qabyldap, Kadet korpýsynyń stýdenti atanady. Eki jylǵa jýyq ýaqyt ishinde olar teorııalyq, praktıkalyq bilim alady. Ár stýdentke 3600 teńge kóleminde shákirtaqy taǵaıyndalǵan. Tamaǵy, jatyn orny da memleket tarapynan óteledi.

«Oqýǵa 17-21 jas aralyǵyndaǵy orta mektepti aıaqtaǵan azamattardy qabyl­daı­myz. Al áskerı boryshyn ótegen azamattar 24 jasqa deıin oqýǵa túse alady. Kadet korpýsyn aıaqtaǵannan keıin olardy res­pýb­lıkamyzdaǵy áskerı bólimderge ju­mysqa ornalastyramyz. Elimizdiń qaı aı­maǵyna barsa da áskerılerdiń úımen qamtamasyz etiletini barlyǵyna belgili ǵoı. Bul jaqsy múmkindik dep oılaımyn», dedi Kadet korpýsy bastyǵynyń oqý jumystary jónindegi orynbasary-bólim bastyǵy, podpolkovnık Roman Holod. Sonymen qatar oqý ornyn támam­da­ǵan serjanttarǵa dıplomdarymen qosa, júrgizýshi kýáligi beriledi.

Kadet korpýsynyń ǵımaratyn arala­ǵanymyzda oqý-jattyǵý úshin qajet­tiniń barlyǵy baryna kózimiz jetti. Kalashnıkov avtomatynan bastap jaıaý áskerdiń urys mashınasy syndy jaýyn­ger­lik arsenaldyń túr-túri tabylady. Sonymen birge qarýdan atý úshin arnaıy jasaqtalǵan kabınetter, eki jattyǵý zaly bar. Korpýs ashanasynyń máziri de ár alýan. Podpolkovnık Roman Holodtyń aıtýynsha, jaýyngerlerdiń oqýy men jattyǵýynan bólek, densaýlyǵy myqty  bolýy kerek.

«Jaqsy maman teorııalyq jáne prak­tı­­kalyq biliminen bólek, deni saý bolýy kerek. Korpýsymyzǵa 17 jastaǵy bala­lar qabyldanady. Sondyqtan jas aǵzaǵa saı as máziri bolǵanyn qadaǵalap otyra­myz», deıdi R.Holod. Mázirden negizgi tamaq­tardan bólek jemis-jıdekter, tipti táttilerdi de kóre aldyq. Bolashaq serjant­tar úsh mezgil tamaqtanady. Al jataq­hanadaǵy ár bólme 3-4 adamǵa arnalǵan. Korpýs jataqhanasy áskerı kazar­madan ózgeshe. Ár stýdentke jeke kereýet, garderob qarastyrylǵan. Bos ýaqyttarynda sport zaldarynda jattyǵýǵa, kitaphanada kitap oqýǵa múmkindik bar. Kitap sórelerinde álem ádebıetinen bastap qazaq ádebıetiniń jaýharlary tur.

Kadet korpýsynyń 2-kýrs stýdenti Baýyrjan Asaýbaev bul oqý ornyn ózi tańdaǵanyn aıtady.

«Mektepte oqyp júrip osynda oqýǵa túsýdi qala­dym. Semeı qalasynan osynda kelip, synaqtardan sátti ótip, kadetter qata­ry­na qabyldandym. Bul – sońǵy oqý jyly. Ke­lesi jyly Qarýly Kúshter qataryn to­lyqtyramyn degen josparym bar. Bul oqý ornynda eń bastysy – tártip pen zeıin. Tek jattyǵý emes, teorııalyq ta bi­lim alǵan soń muqııat, zeıinmen oqyǵan abzal», deıdi bolashaq serjant. Oqý ornyn­da baǵalaý júıesi de JOO-larǵa saı, ıaǵnı ball júıesinde.

Kadetter qatarynda sport sheberleri, túrli sporttyq jarystyń jeńimpazdary bar. Áskerı bilim ordasynyń taǵy bir maqta­nyshy – sheber-serjant Temirbek Halyqov. Qarýly Kúshterdiń Bas serjanty – Shoqan Ýálıhanov atyndaǵy Kadet korpýsynyń túlegi. Atalǵan oqý ornyn aıaqtaǵan soń Amerıka Qurama Shtattarynda bilimin jetildirgen. 2008 jyldan beri Qarýly Kúshter Bas shtaby serjanttar quramymen jumys jónindegi basqarmasynyń bastyǵy qyzmetinde. Elimizdiń Bas serjantymen birge basqa da serjanttar keler urpaqqa hat jazyp, ony korpýs qabyrǵasynda qalaǵan. «Tek 2036 jyly ashylatyn hatta bul mekteptiń úzdik túlekteriniń keler ur­paq­qa joldaýy bar», deıdi Kadet korpýsy kitap­hanasynyń meńgerýshisi.

Kadet korpýsy bastyǵynyń oqý ju­­mys­­tary jónindegi orynbasary-bó­lim bas­tyǵy, podpolkovnık Roman Ho­lod oqý ornynda búginde 40-qa jýyq oqy­tý­shynyń jumys isteıtinin jetkizdi. «Bul jerge orta mektep túlekteri keledi, son­dyq­tan jalpy pánder oqytylmaıdy. Alaıda qazaq tili, aǵylshyn tili, tarıh syndy qajetti pánder baǵdarlamaǵa engen. Al qalǵan oqytýshylarymyz osy salada kóp jyl qyzmet etken áskerıler. Búginde 9 jalpy pánderden sabaq beretin, 31 arnaıy pánderdi oqytatyn mu­ǵa­lim­de­ri­miz bar», dedi podpolkovnık.

Kadet korpýsy bastyǵynyń tárbıe jáne ıdeologııalyq jumystary jónin­de­gi orynbasary – bólim bastyǵy, polkovnık Qaırat Asanov bul oqý orny týraly shalǵaıdaǵy halyqtyń bile bermeıtinin aıtady.

«Biz oqý ornymyzben maqtanamyz. О́ıtkeni bul tek elimizde emes, TMD elderinde de serjanttardy daıyndaıtyn jalǵyz mektep. Alys-jaqyn shetelderden bizden úırenýge kelip jatady. Degenmen, elimizdiń túkpir-túkpirindegi aýyl-aımaqtardaǵy halyqtyń habary joq. Menińshe, bul – jastarǵa jaqsy múmkindik. Bizdiń korpýstyń túlekteri búginde jaqsy qyzmetterde», deıdi Qaırat Asanov.

Tuńǵysh Prezıdenttiń ıdeıasymen negizin qalaǵan mekteptiń tek oqý baǵ­dar­lamasy emes, oqytý júıesi de erekshe. Soltústik aımaqta qonys tepken oqý ornynyń ǵımaraty aımaqtyń klımatyna saı salynǵan. Sońǵy úlgidegi áskerı tehnıka, sport quraldary, jattyǵý zaldary bolashaq serjanttardy áskerı ómirge saqa­daı-saı daıarlaýǵa múmkindik beredi. Qarýly Kúshter qataryna jyl saıyn 200-den astam serjant qosatyn oqý ordasy res­pýblıkamyzdyń túkpir-túkpirinen kele­tin talapkerlerdi asyǵa kútedi.

 

Aqmola oblysy

 

Sońǵy jańalyqtar

Qaraǵandyda resýrstyq ortalyq ashyldy

Aımaqtar • Búgin, 09:45

Túrkistanda isker áıelder forýmy ótti

Aımaqtar • Búgin, 09:20

Ǵylym men bıznesti ushtastyrǵan jıyn

Ekonomıka • Búgin, 09:05

Qonaev týrnıri máresine jetti

Kúres • Búgin, 07:49

Aqynǵa arnalǵan kún

Rýhanııat • Búgin, 07:46

Qalany damytý qujaty daıyn

Aımaqtar • Búgin, 07:43

Innovasııa men shyǵarmashylyq úılesimi

Rýhanııat • Búgin, 07:31

Baspanamen qamtıtyn basty qujat

Baǵdarlamalar • Búgin, 07:23

Bolmysy bútin Baǵaev

100 • Búgin, 07:19

Bıznes jáne áleýmettik jaýapkershilik

Ekonomıka • Búgin, 07:13

Er Edige jáne eldik múdde

Rýhanııat • Búgin, 07:11

Temekiniń taýqymeti

Medısına • Búgin, 07:05

Aqtóbe ınvestısııa tartýdan alda tur

Ekonomıka • Búgin, 07:04

Arzan jolaqy Almatyǵa aýyr tıip tur

Ekonomıka • Búgin, 07:01

Jetimniń basynan sıpa, júregiń jumsarady

Rýhanııat • Búgin, 06:58

Taýar aınalymyna tosqaýyl bolmaýy tıis

Ekonomıka • Búgin, 06:54

Eń qysqa áńgime. Oljas Sándibek

Eń qysqa áńgime • Keshe

Eń qysqa áńgime. Talǵat Eshenuly

Eń qysqa áńgime • Keshe

Eń qysqa áńgime. Nurdáýlet Qabasov

Eń qysqa áńgime • Keshe

Eń qysqa áńgime. Ǵanıbet Ǵalymbekuly

Eń qysqa áńgime • Keshe

Eń qysqa áńgime. Ermek Begzada

Eń qysqa áńgime • Keshe

Eń qysqa áńgime. Nurnazar Túrikben

Eń qysqa áńgime • Keshe

Uqsas jańalyqtar