Úkimet • 05 Qarasha, 2019

Á. Smaıylov Shanhaıda II Qytaı halyqaralyq ımport kórmesiniń ashylýyna qatysty

29 retkórsetildi

Qazaqstan Respýblıkasy Premer-Mınıstriniń Birinshi orynbasary - Qazaqstan Respýblıkasynyń Qarjy mınıstri Álıhan Smaıylov Qytaıǵa sapary barysynda Shanhaıda ótken II Qytaı halyqaralyq ımport kórmesiniń ashylý saltanatyna qatysty. Bul týraly Premer-Mınıstrdiń baspasóz qyzmeti habarlady.

Á. Smaıylov Qazaqstannyń ekonomıkalyq jáne ınvestısııalyq áleýetin kórsetý maqsatynda QHR Saýda mınıstrligi usynǵan Shanhaı kórmesindegi Qazaqstan Respýblıkasynyń ulttyq jáne saýda pavılondaryn aralady. 

2019 jylǵy 13 maýsymda Bishkekte ótken ShYU-ǵa múshe memleketter basshylarynyń HIH otyrysyna qatysý aıasynda bolǵan Qazaqstan Respýblıkasynyń Prezıdenti Q. Toqaev pen QHR Tóraǵasy Sı Szınpın arasyndaǵy kelissózder barysynda Qytaı tarapy Qazaqstandy qarasha aıynda ótetin II Qytaı halyqaralyq ımport kórmesine qurmetti qonaq retinde qatysýǵa shaqyrdy.

Shanhaı kórmesinde Qazaqstan Respýblıkasy ulttyq stendti eldiń ekonomıkalyq jáne ınvestısııalyq áleýetin pash etti. 

Qazaqstan Respýblıkasynyń Ulttyq pavılonynda ınvestısııalyq, saýda, bıznes jáne týrızm salasyndaǵy eldiń múmkindikterin tanystyrý úshin segiz iri kompanııa, onyń ishinde «Kazakh Invest» UK AQ, «Samuryq-Qazyna», «Báıterek», AIFC, «Astana Expo - 2017», «Kazakh  Export», SSDO «Qaztrade», «KazakhTourism» jáne «Qorǵas» ShYHO kórsetilgen.

Qazaqstandyq ónimderdi 180 sharshy metr aýmaqty alatyn Shanhaı ımport kórmesindegi elimizdiń pavılonynda Qazaqstan Respýblıkasynyń tamaq jáne aýyl sharýashylyǵy salalarynyń 30 kompanııasy usynyldy. Kórme barysynda birqatar eksporttyq kelisimsharttarǵa qol qoıyldy.

О́tken jyly Shanhaıda ótken I Qytaı halyqaralyq ımport kórmesine 130-dan astam elden  3 myńnan asa kompanııa qatysty. Onyń 200-i álemdegi 500 iri kásiporyndardyń tiziminde.

270 myń sharshy metrdi quraıtyn kórmeniń jalpy alańynda 5 myńǵa jýyq túrli buıymdar men tehnologııalar usynyldy. Is-sharaǵa 18 memleket pen úkimet basshylary jáne 160 myńǵa jýyq satyp alýshy qatysty.

Sońǵy jańalyqtar

21 jyl boıy qujatsyz júrgen

Aımaqtar • Keshe

VII PR forýmy Almatyda ótti

Aımaqtar • Keshe

Bas basylymnyń baıtaq belesi

Aımaqtar • Keshe

Qaıta oralǵan qumarshyq

Aımaqtar • Keshe

Termeshiler tereńnen terbedi

Ádebıet • Keshe

Haziretter qazynasy

Rýhanııat • Keshe

«Speshranda» saqtalǵan...

Rýhanııat • Keshe

Zań kerek!

Ekologııa • Keshe

El qurmeti erekshe

100 • Keshe

It júgirtip, qus saldy

Aımaqtar • Keshe

Senim hám serpin

Rýhanııat • Keshe

Uqsas jańalyqtar