Prezıdent • 05 Qarasha, 2019

Túrkistanǵa kórshi elderdiń Memleket basshylary shaqyrylady

120 retkórsetildi

Elbasy Nursultan Nazarbaev Túrkistan oblysyna jumys saparynyń ekinshi kúni jýrnalısterge bergen suhbatynda qarqyndy júrgizilip jatqan qurylys nátıjesinde jańa jumys oryndary ashylyp jatqanyn atap ótti.

«Áleýmettik nysandar, zamanaýı áýejaı salynady. Sý máselesi, jol boıyndaǵy qalanyń ınfraqurylymy tolyq sheshimin tabady. Iаǵnı Qazaqstanda taǵy bir úlken qala boı kóteredi. Qurylystardy aralap kórip rıza boldym, kóp jumys atqarylǵan. Kelesi jyly kórshi, ıaǵnı О́zbekstan, Qyrǵyzstan, Tájikstan, Túrkimenstan elderiniń Memleket basshylaryn shaqyraıyn dep otyrmyz. Olar kelisimin berse, múmkin Túrkistanda sammıt ótkizemiz. Esterińizde bolsa, Q.A.Iаsaýı kesenesiniń aldynda О́zbekstanmen máńgilik dostyqqa qol qoıǵanbyz. Josparlap otyrǵan kezdesýde sondaı kelisim jasaıtyn shyǵarmyz», - dedi Nursultan Nazarbaev. Sonymen qatar Elbasy jýrnalıster suraǵyna oraı Túrkistanda týrızmdi damytý baǵytynda qolǵa alynǵan jumystarǵa toqtaldy. Qazba jumystary júrgizilip, mýzeıler salynyp, Samarqand – Tashkent – Shymkent – Túrkistan baǵytynda qatynas ornatylyp jatqanyn atap ótti.

Jumys sapary barysynda Qazaqstannyń Tuńǵysh Prezıdenti – Elbasy N.Nazarbaev qurylysy aıaqtalǵan birqatar nysandarda boldy. Túrkistandaǵy jańadan ashylǵan Neke saraıynda jastarmen beıresmı kezdesý ótkizgen Elbasy halyqqa qyzmet kórsetý ortalyǵynyń jumysymen tanysty. Tapsyrys berýshi Qostanaı oblysy bolyp tabylatyn Neke saraıynyń qurylysy shildede bastalǵan bolatyn. Qurylys jumystaryn «B-A Contractors SA» JShS-i júrgizip, qazanda aıaqtap otyr. Halyqqa qyzmet kórsetý ortalyǵyn salýdy Pavlodar oblysy mindetine alǵan-dy. Nysan qurylysy josparlanǵan merzimde aıaqtaldy. Al elimizdegi iri qurylys kompanııalarynyń biri «BI Group» holdıngi Túrkistanda birneshe nysannyń qurylysyn aıaqtap, ákimshilik-iskerlik ortalyq, «Nur-Sultan» alańy  jáne «Alataý» medıa ortalyǵyn paıdalanýǵa berdi. Jalpy qurylys kompanııasy Túrkistanda 7 mańyzdy nysandy salýda, onyń ishinde «Uly Dala» murajaıy, «Hampton by Hilton» qonaq úıi jáne 7000 oryndy fýtbol stadıony bar.

Sondaı-aq  Elbasy Túrkistan oblystyq ákimdiginiń jańa ǵımaratynda «Nur Otan» partııasy fılıalynyń halyq pen bılik arasyn jaqyndatý baǵytynda qolǵa alǵan jobamen tanysty.  Oblys ákimi, «Nur Otan» partııasynyń Túrkistan oblystyq fılıalynyń tóraǵasy О́mirzaq Shókeev turǵyndardyń ótinishi men quqyqtary árdaıym basty nazarda bolatynyn jetkizdi. Al jobanyń jumysymen Elbasyn «Nur Otan» partııasynyń Túrkistan oblystyq fılıaly tóraǵasynyń birinshi orynbasary Beısenbaı Tájibaev tanystyrdy. 

Sońǵy jańalyqtar

21 jyl boıy qujatsyz júrgen

Aımaqtar • Keshe

VII PR forýmy Almatyda ótti

Aımaqtar • Keshe

Bas basylymnyń baıtaq belesi

Aımaqtar • Keshe

Qaıta oralǵan qumarshyq

Aımaqtar • Keshe

Termeshiler tereńnen terbedi

Ádebıet • Keshe

Haziretter qazynasy

Rýhanııat • Keshe

«Speshranda» saqtalǵan...

Rýhanııat • Keshe

Zań kerek!

Ekologııa • Keshe

El qurmeti erekshe

100 • Keshe

It júgirtip, qus saldy

Aımaqtar • Keshe

Senim hám serpin

Rýhanııat • Keshe

Uqsas jańalyqtar