Qazaqstanda aqbókenniń derıvattary men bekire tuqymdas balyqtardy zańsyz satqan adamdar 12 jylǵa deıin bas bostandyǵynan aıyrylady. Buryn bul qylmysty jasaǵandar 5 jylǵa deıin jazalanatyn. Bul týraly Qazaqstannyń ekologııa, geologııa jáne tabıǵı resýrstar vıse-mınıstri Erlan Nysanbaev málimdedi.
«Aqbóken derıvattary men bekire tuqymdas balyqtardyń zańsyz aınalymyn qalyptastyrǵan brakonerler týraly 339-baptyń negizgi erejesi túpkilikti ózgerdi», - dedi E. Nysanbaev Ortalyq komýnıkasııalar qyzmetinde ótken baspasóz konferensııasynda.
Eger brakonerlikti belgili bir top ózderi nemese ózge toppen kelisim boıynsha iske asyrsa, bul qylmys erekshe qorǵalatyn tabıǵı aýmaqtarda jasalsa jáne óziniń qyzmettik jaǵdaıyn paıdalanyp tabıǵatqa iri kólemde zııan keltirse, jaýapkershilik kúsheıetin jańa talaptar belgilendi.
«Joǵaryda aıtqanymdaı, sanksııalar kúsheıtildi. Aıyppuldardy ósirip, abaqtyǵa qamaý merzimin ulǵaıtý kózdelip otyr. Buryn eń uzaq merzim 5 jyl edi, qazir bul merzim 12 jylǵa deıin ulǵaıtyldy », - dedi vıse-mınıstr.
