Prezıdent • 06 Qarasha, 2019

Túrkistan túgel Túrkiniń tórine aınalady

226 retkórsetildi

«Qazaqstan úshin mańyzdy qala – Túrkistan qazaqtyń qalyń ornalasqan jeri, dástúrimiz, tarıhymyz, mádenıetimiz saqtalǵan óńir. Sondyqtan da bul jerde úlken qala salý burynnan oıymyzda bolǵan. Astananyń qurylysy bastalyp ketti de, Túrkistanǵa kóńil bólinbedi. О́tken jyly meniń Jarlyǵymmen Túrkistan oblysy qurylyp, qurylysqa kiristik. Bir jyldyń ishinde josparlanǵan nysandardyń 102-si iske qosylady. Jalpy quny 500 mlrd teńge turatyn ǵımarattar salynady».

Elbasy Nursultan Nazar­baev Túrkistan oblysyna ju­mys saparynyń ekinshi kúni jýr­nalısterge bergen suhba­tynda osylaı dedi. Sondaı-aq El­basy qarqyndy júrgi­zilip jatqan qurylys nátıje­sinde jańa jumys oryndary ashylyp jatqanyn atap ótti. Ásirese halqy kóp óńir jas­tarynyń jumyspen qamty­lýyna múmkindik jasalýda. «Áleýmettik nysandar, zamanaýı áýejaı salynady. Sý máse­lesi, jol boıyndaǵy qala­nyń ınfraqurylymy tolyq sheshimin tabady. Iаǵnı, Qazaqstanda taǵy bir úlken qala boı kóteredi. Qurylystardy aralap kórip rıza boldym, kóp jumys atqarylǵan.

Kelesi jyly kórshi О́zbekstan, Qyrǵyzstan, Tájikstan, Túrik­men­stan elderiniń basshylaryn sha­qy­raıyn dep otyrmyz. Olar ke­lisimin berse, múmkin Túrkistanda sammıt ótkizemiz. Esterińizde bolsa, Q.A.Iаsaýı kesenesiniń aldynda О́zbekstanmen máńgilik dostyqqa qol qoıǵanbyz. Josparlap otyr­ǵan kezdesýde sondaı kelisim jasaıtyn shyǵarmyz», – dedi Nursultan Nazarbaev. Sonymen qatar Elbasy jýrnalıster sura­ǵyna oraı Túrkistanda týrızmdi damytý baǵytynda qolǵa alynǵan jumystarǵa toqtaldy. Qazba jumystary júrgizilip, mýzeıler salynyp, Samarqand – Tashkent – Shymkent – Túrkistan baǵytynda qa­tynas ornatylyp jatqanyn atap ótti.

Jumys sapary barysynda Qazaqstannyń Tuńǵysh Prezıdenti – Elbasy N.Nazarbaev qurylysy aıaqtalǵan birqatar nysandarda boldy. Túrkistandaǵy jańadan ashyl­ǵan Neke saraıynyń ju­my­­sy­men tanysyp, shańyraq kóte­rip jat­qan jas otaý ıelerin qut­tyqtap, baqyt pen bereke tiledi. Tap­­syrys berýshi Qostanaı oblysy bo­lyp tabylatyn Neke sara­ıy­nyń qurylysy shildede bas­tal­ǵan bolatyn. Qurylys ju­mys­­taryn «B-A Contractors SA» JShS júrgizip, qazanda aıaqtap otyr.

Elbasy jumysymen tanysqan Halyqqa qyzmet kórsetý orta­ly­ǵyn salýdy Pavlodar oblysy min­detine alǵan-dy. Nysan qu­ry­lysy josparlanǵan merzimde aıaq­taldy. Al elimizdegi iri qurylys kompanııalarynyń biri «BI Group» holdıngi Túrkistanda birneshe nysannyń qurylysyn aıaqtap, ákimshilik-iskerlik ortalyq, «Nur-Sultan» alańy jáne «Alataý» medıa ortalyǵyn paıdalanýǵa berdi. Qaladaǵy eń basty joba sanalatyn ákimshilik-iskerlik ortalyqtyń bir ereksheligi – aıryqsha sáýletinde. Oblystyq ákimdik, basqarmalar men departamentter ornalasatyn ǵımarat qos qasbetten turady: birinshisi – HPL-panelder, ekinshisi – ulttyq oıý-órnek túrindegi fıbrobeton. Mamandardyń sózine qaraǵanda, qos qasbet negizinen ystyq aı­maq­tarda jıi qoldanylady, óıtkeni ol qarańǵylyq áserin berip, ǵımaratty kúnniń ystyq sáýlesinen qorǵaıdy. Dızaınynda kórkem parket, sándik panelder, erekshe faktorly mármár qoldanylǵan. «BI Group» holdıngi dırektorlar keńesiniń tóraǵasy Aıdyn Rahymbaevtyń aıtýynsha, ákimshilik-iskerlik ortalyǵynda seısmıkalyq normalar eskeril­gen. Ǵımarattardaǵy jylytý, jel­detý jáne salqyndatý júıe­leri avtomattandyrylǵan.

Syrtqy jeliler boıynsha jobany ázirleýde elektr men jylý óndirýge arnalǵan qondyrǵylar ornatylypty. Jumys barysynda artyq shyǵyndar bolmaýy úshin únemdi óndiris tehnologııasy qoldanylǵan. Qurylysshylar eki aýysymda jumys istep, jobany merziminen bir aı buryn tapsyrǵan. Kompanııa qurylysyn júrgizgen taǵy bir nysan – «Nur-Sultan» alańynyń jalpy aýdany – 54 000 sharshy metr. Onyń 30 000 sharshy metri kógaldandyrylyp, aǵashtar otyrǵyzylǵan, aspanǵa atylǵan sý aǵyny myń qubylyp, tuman, geızerlerdiń beınesin ja­­saı­tyn sýburqaq ornatylǵan. Kompanııa mundaı sýburqaqty búkil óńir boıynsha qoldanýǵa nıetti. Sonymen qatar «BI Group» holdıngi qalada jergilikti BAQ qyzmeti úshin salynǵan, zaman­aýı qurylǵylarmen jabdyqtalǵan ekinshi aýqymdy joba – «Alataý» medıa ortalyǵyn saldy. Elbasy óńirlik BAQ ókilderine arnalǵan jumys bólmelerin aralap kórdi. Jýrnalısterge arnalǵan 4 qa­batty ǵımaratta 200-den astam adam jumys isteı alady. Medıa ortalyqta konferens-zal, telestýdııa, grımer, aýdıo jáne vıdeomontaj oryndary, redaksııa­lar men ákimshiliktiń keńse­leri, brıfıng-ortalyq, fýd-kort qaras­tyrylǵan. Al ǵımarat­tyń qas­beti kún jylýyn 70%-ǵa deıin ótkiz­beıtin energııa únem­deıtin shyny­dan jasalǵan, ıaǵ­nı qys mezgi­linde ǵımarat ishinde jylýdy saqtap, al jazda jaıly qońyr salqyn aýa qa­lyptastyrady. Jal­py qurylys ko­m­panııasy Túrkis­tanda 7 mańyz­dy nysandy salýda, onyń ishinde «Uly dala» mura­jaıy, «Hampton by Hilton» qonaqúıi jáne 7000 oryndy fýtbol stadıony bar.

Sondaı-aq jumys sapary ba­ry­synda Elbasy Túrkistan ob­lys­tyq ákimdiginiń jańa ǵımara­tynda Nur Otan partııasy fılıalynyń halyq pen bılik arasyn jaqyndatý baǵytynda qolǵa alǵan jobasymen tanys­ty. Oblys ákimi, Nur Otan partııasy Túrkistan oblystyq fılıa­lynyń tóraǵasy О́mirzaq Shókeev turǵyndardyń ótinishi men quqyqtary árdaıym basty nazar­da bolatynyn jetkizdi. Al jobanyń jumysymen Elbasyn partııanyń oblystyq fılıaly tóraǵasynyń birinshi orynbasary Beısenbaı Tájibaev tanys­tyrdy. Munda partııa halyqty ashyq formatta qabyldaıdy. Ar­naıy qoǵamdyq qabyldaý bólme­lerinde turǵyndardyń talap-tilegi tyńdalyp, aryz-shaǵym, ótinish­ter boıynsha tıisti jumystar júr­­giziledi. Sonymen birge qu­qyq qor­ǵaý organdary men tur­ǵyndar jıi suraq qoıatyn áleý­mettik salanyń ókilderi de turǵyn­darǵa kómektesedi. Árbir azamat­tyń shaǵymy post-termı­nal ar­qyly qabyldanady. Bar­lyq óti­nishter partııa tarapynan tu­raqty qadaǵalanýǵa alynady. Bul jańa bastama ashyq ákim­dik jobasyn jandandyrý maqsatynda qolǵa alynyp otyr. B.Tá­jibaevtyń aıtýynsha, búginde Nur Otan partııasynyń Tóraǵasy Nursultan Nazarbaevtyń «Senim. Dıalog. Bolashaqqa nyq qadam» – Nur Otan partııasynyń 7 serpini» baǵdarlamasy aıasyndaǵy tapsyrmasyna sáıkes óńirde júıeli jumys atqarylýda. «Open space» formatynda ashylǵan Qoǵamdyq qabyldaý keńsesi jańa ǵımaratqa kóshirilgen. Laýazymdy tulǵalar turǵyndardy turaqty túrde qabyldap, máseleler sheshimin tabýda. Mysaly, bıyl qańtar-qazan aılary aralyǵynda partııa fılıalynyń barlyq Qoǵamdyq qabyldaý bólmelerine túsken 6047 aryz-shaǵymnyń 2358-i (39%) ońtaıly sheshilse, 3611 ótinishke zań aıasynda keńester berilgen. Sondaı-aq kásipkerlerge zań júzinde keńes berip, aryz-shaǵymyn tyńdaıtyn qoǵamdyq bıznes-qabyldaýy da iske qosylǵan.

Aıta ketelik, búginde Túrkistan oblysynda Nur Otan partııasynyń 90 myńǵa jýyq múshesi bar. О́ńirde 255 bastaýysh partııa uıymyna taldaý júrgizilip, 2,5 myńnan asa adam partııa qatarynan shyǵarylǵan. Jańadan bes bastaýysh partııa uıymy ashylyp, kásiporyn men sharýashylyq uıymdarynyń ókilderi partııa qataryna tartyldy. Osy jyldyń sońyna deıin ashylatyn bastaýysh partııa uıymdarynyń sanyn onǵa jetkizý josparlanyp otyr.

Qazaqstannyń Tuńǵysh Prezıdenti Túrkistanǵa jumys sapary kezinde qaladaǵy jańa nysandardyń qurylys qarqyny joǵary ekenin aıtty, bul oraıda oblys ákimdiginiń eńbegi de eleýsiz qalmady.

 

Túrkistan oblysy

 

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar