Ekonomıka • 06 Qarasha, 2019

Bas qalada gaz qymbatyraq bolady

20 retkórsetildi

Bul týraly Nur-Sultan qalasy ákiminiń orynbasary Ermek Qızatov Ortalyq kommýnıkasııalar qyzmetinde ótken baspasóz máslıhatynda aıtty. Qazir elordada ortalyqtandyrylǵan gaz júıesiniń qurylysy qarqyn aldy. Keler jylý maýsymynda bas qalanyń halqy kógildir otynmen qamtylady dep sendirdi shahar bıligi.

Gaz baǵasynyń dástúrli otyn­nan qymbat bolýynyń se­bebi onyń tasymaldanýy men ken ornyndaǵy shıkizatty óndi­rý­degi erekshelikterinde jatyr deıdi qala ákiminiń orynbasary. Dese de onyń quny aıtarlyqtaı joǵary bolmaıdy dep jetkizdi.

– Kómir kórshi Qaraǵandy jáne Pavlodar oblystarynan jet­kiziledi. Al gaz myń sha­qy­rym­nan asatyn aımaqtan ta­sy­maldanady. Sol sekildi kómir men gazdy óndirýdegi aıyr­ma­shylyqtardy eskerý kerek. Alaıda gazdandyrýdyń basym­dyqtary kóp. Kómirden birden bas tartpaımyz. Jylý elektr ortalyqtary aldaǵy bes jyl ishinde qaıta jaraqtalady. Sony­men birge 3-JEO qury­lysy qatar júredi. Onda sýdy jylytý qazandyqtary gazben jumys istemek. Sol sebepti tur­ǵyn úılerde jylýdyń baǵa­sy kóteriledi. Biraq aı­tar­lyqtaı emes. Jeke sektor ıeleri kómir­di nemese gazdy paıdalanady, tańdaý óz erikterinde, – dedi E.Qızatov.

Ortalyqtandyrylǵan gazben jabdyqtaý kezeń-kezeńmen iske asyrylady. Astanany kó­gil­dir otynmen qamtý Tuńǵysh Pre­zıdenttiń «Bes áleýmettik bastamasy» aıasynda oryndalyp otyr. Bul jumystar negizgi eki baǵytta júzege asyrylmaq. Atap aıtsaq, alǵashqy kezeńde turǵyn úı alaptary men óndiris oshaqtaryna gaz jelileri júr­giziletin bolady. Budan keıin 1-shi jáne 2-shi JEO gazǵa qosy­lady. Qurylys jumystary 3 ke­zeńnen turady.

– 2019-2020 jyldary «Kók­tal-1», «Kóktal-2», «Je­­­lez­­­no­­dor­ojnyı», «Oń­tús­­tik-Shyǵys» tur­ǵyn alap­tary­na jáne Pro­mysh­len­nyı kentine gaz tartylady. Bul ju­mys keler jyly aıaqta­lady de­gen senimdemiz. Qury­lys­tyń ekin­shi kezeńi aıasyn­da In­ter­­na­sıonalnyı, Kúı­gen­jar, Tel­man turǵyn aýdan­dary, son­daı-aq Prıgo­rod­nyı, Garden Village, Family Village qala­shyqtary kógil­dir otynǵa qosy­lady. Úshinshi kezeń­de Ilınka, Shubar, О́n­diris aýdandaryna gaz qubyry tartylmaq, –  deıdi qala ákiminiń orynbasary.

Elordany kógildir otynmen qamtý «Saryarqa» jobasy ne­gizinde iske asýda. Quny 250 mlrd teńgeden asatyn magıs­t­ral­­di gaz qubyrynyń uzyn­dy­ǵy 1061 shaqyrym. Orta­lyq­tan­­dy­­­ryl­ǵan gaz júıesimen 170-ten as­­tam eldi meken qamtylady dep jos­parlanǵan.

Sońǵy jańalyqtar

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Jańǵyrǵan Jambyl óńiri

Aımaqtar • Keshe

Baǵa QR kodtar arqyly beriledi

Medısına • Keshe

Rýhanı ráýishtegi tartý

Aımaqtar • Keshe

Turar taǵdyrynyń taǵylymy mol

Rýhanııat • Keshe

Orynbor jáne qazaq zııalylary

Rýhanııat • Keshe

El erteńi – jalyndy jastar

Prezıdent • Keshe

Uqsas jańalyqtar