Qoǵam • 06 Qarasha, 2019

Áleýmettik saqtandyrýdyń áleýeti aıqyndaldy

21 retkórsetildi

Elordada Eńbek jáne halyqty áleýmettik qorǵaý mınıstrligi men Memlekettik áleýmettik saqtandyrý qory «Halyqty áleýmettik qorǵaýdy jańǵyrtý jaǵdaıyndaǵy mindetti áleýmettik saqtandyrý» atty respýblıkalyq semınar ótkizdi.

Oǵan qazaqstandyq sarap­shy­lar men áleýmettik qyz­met­kerler, Reseı, Grýzııa, Ázer­baı­jan, Qyrǵyzstan jáne Tájik­stan elderiniń atalǵan sala maman­dary qatysty. Sondaı-aq Prezıdent Ákimshiliginiń ókil­de­ri, Parlament depýtattary, Biryńǵaı jınaqtaýshy zeınetaqy qory, Áleýmettik medısınalyq saqtandyrý qory men memlekettik annýıtettik kompanııanyń jáne Astana halyqaralyq qarjy orta­ly­ǵynyń ókilderi arnaıy at basyn burdy.

– Bul dıalog alańy sarap­shy­lar­ǵa áleýmettik qaýipsizdikke qatysty ózekti máselelerdi talqylaýǵa múmkindik beredi. Sondyqtan semınardyń basty maqsaty – halyqty áleýmettik qorǵaý salasynda talǵamdy tájirıbe almasý dep sanaımyn. О́zekti taqyryptar tóńireginde jasalǵan baıandamalar elimizdegi áleýmettik qamsyzdandyrý ıns­tı­týttarynyń tájirıbesine ser­pin beredi dep senemin, – dedi Eńbek jáne halyqty áleýmettik qorǵaý vıse-mınıstri Aqmádı Sarbasov.

Prezıdent Qasym-Jomart Toqaevtyń «Syndarly qoǵamdyq dıalog – Qazaqstannyń turaq­ty­lyǵy men órkendeýiniń negizi» atty Qazaqstan halqyna Jol­daýyndaǵy mańyzdy baǵyt­tar­dyń biri de osy áleýmettik jańǵyrýdyń jańa kezeńi. Iаǵnı jańǵyrýdyń jańa kezeńi jańa bastamalar men tyń baǵyttardy murat etpek. Bul rette, semınar jumysynan kútiletin nátıjeler týrasynda Memlekettik áleý­met­tik saqtandyrý qorynyń áleý­metpen qarym-qatynas depar­ta­men­tiniń dırektory Gúlbaǵıla Bolatbekova:

– Elimizde 2011 jyldan bastap qazannyń sońǵy demalysy áleýmettik sala qyzmetkerleriniń kásibı merekesi retinde beki­til­gen. Sondyqtan bul semı­nar­dyń qarashanyń basynda uıymdastyrylýy zańdy. Jalpy jahandaný dáýirinde áleýmettik salanyń alar orny aıshyqty der edim. Sebebi halyqtyń ál-aýqatyn jaqsartý máselesi qaı memlekettiń bolsyn kún tártibinen túsken emes. Sol sebepti búgingi semınarda pikirtalas, tájirıbe almasý arqyly mindetti áleýmettik saqtandyrýdy damytý joldaryn jan-jaqty talqylaıtyn bolamyz. Shet memleketterden kelgen sarapshylar Qazaq­s­tan­daǵy áleýmettik salaǵa zor qyzyǵýshylyq tanytyp otyr, – dedi.

Keńes Odaǵy ydyraǵan tus­ta táýelsiz elimiz óziniń dara áleýmettik salasyn qalyp­tas­­tyrdy. Sondaǵy daralyq – kóp­deńgeılikte. Iаǵnı memleket, jumys berýshi jáne jumys­ker arasyndaǵy jekelegen jaýapkershilik aıqyndaldy. Otandyq áleýmettik salanyń ozyq úlgi­si týrasynda halyqaralyq áleý­­­­­mettik qamsyzdandyrý qa­ýym­­­dastyǵynyń Eýrazııa aıma­ǵyn­­­­daǵy úılestirýshisi Dmıtrıı Ka­rasev:

– Búginde Qazaqstan halyq­ara­lyq qaýymdastyqta zor bedelge ıe. Buǵan sebep – áleý­met­tik saqtandyrý júıesiniń turaqty jolǵa qoıylǵandyǵy der edim. Sebebi keı memleketterde áleýmettik saqtandyrý turǵyndar sanynyń nebári 10-20%-yn qamtyǵan. Al sizderdiń elderińizde áleý­met­tik saqtandyrý salasy maman­da­rynyń nazarynan tys qalǵan azamattar kemde-kem. Bul – úlken jetistik, – dedi.

Semınar jumysy aıasynda uıymdastyrylǵan eki paneldi sessııanyń alǵashqysy áleýmettik saqtandyrýdy damytý tásilderin engizýge negizdelse, keıingisinde qatysýshylar atalǵan sala­nyń qarjylyq aǵymyn shoǵyr­landyrý máselesine toqtaldy. Shet memleketterden kelgen qonaqtar tájirıbesimen bólisip, ortaǵa oramdy oı tastady.

 

Raýan QABIDOLDA

 

Sońǵy jańalyqtar

Túlkibasta «Ana men bala» monýmenti ashyldy

Rýhanııat • Búgin, 16:41

Termınge saýattylyq kerek

Qoǵam • Búgin, 15:33

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Uqsas jańalyqtar