Qoǵam • 06 Qarasha, 2019

Ozyq ıdeıalar – ortaq ıgilik

13 retkórsetildi

Qyzylorda oblystyq Qazaqstan halqy Assambleıasynyń uıymdastyrýymen eki kúnge josparlanǵan «Rýhanı jańǵyrý» baǵdarlamasy aıasyndaǵy keshendi sharalar Syrdarııa aýdanynda jalǵasyn tapty.

«Qazaqtaný» respýblıkalyq ǵylymı-aǵartýshylyq jobasy aıasyndaǵy alǵash­qy leksııany «Syr dıdary» gazetiniń bas redaktory, oblystyq QHA janyndaǵy ǵylymı saraptamalyq top múshesi Sáken Aldashbaev bastady. Ol leksııa barysynda «Rýhanı qazynany jastardyń boıyna darytý» – qazaq halqynyń rýhanı qundylyqtary, el tarıhynda bolǵan eleýli oqıǵalar men jetistikke jetken tulǵalar týraly, olardyń oń tájirıbesi men jastardy tárbıeleýdegi amaldary jaıynda aıtyp ótti.

Kelesi baıandamany «О́rleý» pedagogı­kalyq qyzmetkerlerdiń biliktiligin arttyrý ınstıtýtynyń bólim basshysy, fılosofııa ǵylymdarynyń doktory, professor, oblystyq QHA janyndaǵy ǵylymı saraptamalyq top múshesi Baımyrza Qojamberlıev oqydy. Ol rýha­nı qundylyqtardyń qoǵamdyq ómir­degi qatynastarǵa áseri – qazaq halqy­nyń qurylýy, mádenı jáne tarıhı qundy­lyqtary men qoǵam retinde damý satylary týraly, jastarǵa tárbıe berý, urpaqtar sabaqtastyǵyn jalǵastyrý jaıly sóz qozǵady.

Semınarda keleli oılar aıtylyp, aýdan turǵyndary tarapynan suraqtar qo­ıy­lyp, tushymdy jaýaptar berildi.

Baqytty otbasy bolýdyń qaǵıdat­tary aıtyldy

Analar keńesiniń músheleri Syrda­rııa aýdanynyń áıelderine arnap semınar ótkizdi. Oblystyq ishki saıasat bas­qarmasynyń «Tilderdi oqytý ortalyǵy» KMM dırektory, oblystyq QHA janyn­daǵy Analar keńesiniń tóraıymy Nursáýle Musaeva, «Qyzylorda oblysy ákimi apparatynyń «Qoǵamdyq kelisim» KMM-niń qyzmetkeri Rahıma Ahmetova baqytty otbasy bolýdyń qaǵıdattary, ajyrasýdyń aldyn alý, otbasyndaǵy urpaq tárbıesi, jasós­pirimder arasyndaǵy qylmys pen quqyqbuzýshylyq syndy máseleler tóńireginde áńgime qozǵady.

Sonymen birge jastardyń qoǵam tirligi úshin materıaldyq óndiris salasynda eńbek etýge daıar bolýyn, bilimge, óner­ge yntasyn únemi jetildirýge ju­mys isteýi, qoǵamdaǵy ómirsheń ózge­ris­terge, ıdeıalyq-saıası, áleýmettik-mádenı jumystarǵa aralasýy týraly aıtyp ótti. Bul máselelerdi Analar keńesiniń múm­kindikterimen úılestirý tabysty tárbıeniń taǵy bir negizi ekendigine toqtala ketti.

Analar tarapynan utymdy usynys-pikirler aıtylyp, ómirlik tájirıbeler ortaǵa salyndy.

Tıimdi trenıng

Syrdarııada ótken jastar trenıngine 30 aýyl jasy belsendi túrde qatysty. Tre­nıngti Qyzylorda oblysy ákimi appa­ra­ty Qoǵamdyq kelisim» KMM-niń qyzmetkeri Qanat Botjanov júrgizdi.

Jastar ortasynda jaǵymdy psıholo­gııa­lyq klımatty qalyptastyrý, tıimdi ózara qarym-qatynas qurý joldaryn baǵamdady. Uıymshyldyq arqyly bıik shyńdar men jeńisterge jetý joldaryn zerdeledi. Aldaǵy maqsattaryn aıqyndaı otyryp, ujymdyq jumystyń ereksheligimen tanysty.

Qyzyqty ári paıdaly trenıngten jastar kóterińki kóńil kúımen qaıtty.

Keshendi shara etnomádenı birlestik­ter janyndaǵy shyǵarmashylyq ujym­dar­dyń konsertimen qorytyndy­landy. Aýyl turǵyndaryna arnalǵan kon­sert­tik baǵdarlamada ásem án de, ádemi bı de oryndaldy. Shyǵarmashylyq ujymnyń ónerine kórermenderdiń qoshemeti tolassyz boldy.

 

 

Sońǵy jańalyqtar

Dárigerlerge sertıfıkattar tabystaldy

Aımaqtar • Búgin, 09:52

Qaraǵandyda resýrstyq ortalyq ashyldy

Aımaqtar • Búgin, 09:45

Túrkistanda isker áıelder forýmy ótti

Aımaqtar • Búgin, 09:20

Ǵylym men bıznesti ushtastyrǵan jıyn

Ekonomıka • Búgin, 09:05

Qonaev týrnıri máresine jetti

Kúres • Búgin, 07:49

Aqynǵa arnalǵan kún

Rýhanııat • Búgin, 07:46

Qalany damytý qujaty daıyn

Aımaqtar • Búgin, 07:43

Innovasııa men shyǵarmashylyq úılesimi

Rýhanııat • Búgin, 07:31

Baspanamen qamtıtyn basty qujat

Baǵdarlamalar • Búgin, 07:23

Bolmysy bútin Baǵaev

Rýhanııat • Búgin, 07:19

Bıznes jáne áleýmettik jaýapkershilik

Ekonomıka • Búgin, 07:13

Er Edige jáne eldik múdde

Rýhanııat • Búgin, 07:11

Temekiniń taýqymeti

Medısına • Búgin, 07:05

Aqtóbe ınvestısııa tartýdan alda tur

Ekonomıka • Búgin, 07:04

Arzan jolaqy Almatyǵa aýyr tıip tur

Ekonomıka • Búgin, 07:01

Jetimniń basynan sıpa, júregiń jumsarady

Rýhanııat • Búgin, 06:58

Taýar aınalymyna tosqaýyl bolmaýy tıis

Ekonomıka • Búgin, 06:54

Eń qysqa áńgime. Oljas Sándibek

Eń qysqa áńgime • Keshe

Eń qysqa áńgime. Talǵat Eshenuly

Eń qysqa áńgime • Keshe

Eń qysqa áńgime. Nurdáýlet Qabasov

Eń qysqa áńgime • Keshe

Eń qysqa áńgime. Ǵanıbet Ǵalymbekuly

Eń qysqa áńgime • Keshe

Eń qysqa áńgime. Ermek Begzada

Eń qysqa áńgime • Keshe

Eń qysqa áńgime. Nurnazar Túrikben

Eń qysqa áńgime • Keshe

Uqsas jańalyqtar