Qoǵam tynyshtyǵyn kúzetken áýlet

Túngi jortýylǵa shyǵyp, kisi tonaýmen aınalysyp júrgen qylmyskerdi quryqtaǵan mılısııa serjanty Nurǵalı Bazar­qulov basshylarynan marapat alǵan-dy. Iá, búginde zeınetker Nurǵalı Sapaquly sol 1986 jylǵy oqıǵadan keıin qa­rý qoldanatyndaı jaǵ­daı­dyń bol­maǵanyna qýanady. Ishki ister salasynda 27 jyl qyz­met etip, aýdandyq polısııa bólimi bas­ty­ǵynyń kadr jáne tárbıe jó­nindegi orynbasary laýazymyna deıin kóterilip, zeınetkerlikke maıor sheninde shyqqan N.Bazar­qulov attan túsken joq. Iаǵnı, Keles aýdan­­dyq ishki ister organy arda­ger­ler keńesiniń tóraǵasy, aýdan­­daǵy qoǵamdyq keńestiń múshesi. El tynyshtyǵyn qor­ǵaýda jaýapkershilikti sezinip, qıyndyqqa moıymaý, anttan taı­maý ákeden daryǵan qasıet Bazar­qulovtar áýletinde urpaq­tan urpaqqa jalǵasyp keledi.

Uly Otan soǵysynyń arda­geri, Ishki ister mınıstrli­giniń qurmetti ardageri, Saryǵash aýda­­­nynyń Qurmetti azamaty, «Qyzyl Juldyz», «Otan» or­den­deriniń ıegeri Sapaq Bazar­qulov salǵan sara jol úzil­gen joq. Búginde zeınetke shyq­qany, qyzmet etip júrgeni bar Bazar­qulov áýletinen 17 adam óz ómirin ishki ister salasymen baılanystyrypty. Ishki ister organdarynda eki-úsh jáne odan da kóp urpaq býyny qyzmet etken otbasylarda patrıotızm, abyroı jáne qyzmet boryshy qarapaıym sóz bolyp qalmaıtynyn aıtýshylar kóp. Iаǵnı, dál sondaı áý­letterde qyzmetke qurmet, bo­ryshqa senimdilik, mamandyqqa degen adaldyq balalyq shaqtan beriledi. Osyndaı joǵary adam­gershilik qundylyqtar, bas­qalar úshin ózin qurban ete alý atadan ákege, ákeden balaǵa be­rilse, kelesi urpaq ta osy ma­mandyqty tańdary anyq. Sapaq Bazarqulovtyń úlken uly men kenjesi de bala kezinen alda qı­ynshylyqtar men synaqtardan ótý kerektigin bile otyra, áke jolyn jalǵastyrypty. «Mılısııa otbasynda dúnıege keldik. Ákemiz 1941 jyly soǵysqa deıin ásker qataryna alynǵan. Ýkraınada alǵashqy áskerı daıarlyqtan ótip júrgende soǵys bastalypty. Maıdanǵa alǵashqylardyń qatarynda attanǵan. 1944 jyly Karpat taýynda jaraqattanyp, mamyr aıynda elge oralǵan. Aýdandyq atqarý komıtetinde nusqaýshy boldy, Saıramdaǵy zoovettehnıkýmdy bitirdi. Sóı­tip 1948 jyly partııanyń nus­qaýymen ishki ister salasynda qyzmet ete bastaǵan. Al 1973 jyly mılısııa maıory she­ninde zeınetkerlikke shyqty. «Ýchastkovyı» bolǵan ákemiz úne­mi at ústinde júretin, úıde sı­rek kóretinbiz. Keıinirek qyzmettik «Ýral» motosıklin mindi. Qıyn kezeńderde qyzmet etti. Mılısııa mamandyǵynyń qıyndyǵyn ul­darym kórmesin dedi me, áı­teýir bizdi úgittegen joq. Basqa ma­mandyqty meń­gergenimizdi qa­lady. О́mirden 95 jasynda ót­­ken ákemizdi maqtan etemiz, onyń elge minsiz qyzmetin ur­pa­­ǵyna úlgi etip, nasıhattap júr­miz. Úlken uly Myrzaǵalı da osy mamandyqty tańdap, ter­geýshi boldy, aýdandarda túr­li qyzmetterdi atqardy qazir otstavkide, ishki ister organ­da­ry­nyń qurmetti ardageri. Ol aǵam­nyń eki uly polısııada eńbek etýde. Ápkemniń 4 uly osy salada. Taǵy bir aǵamnyń 3 uly da osy salany tańdap, minsiz qyzmet atqarýda. Jalpy, ákemizden bas­tap, nemereleri men jıenderdi qosqanda 17-miz osy ishki ister salasyn tańdappyz. Onyń ishinde Ulttyq qaýipsizdik komıtetinde qyzmet etip júrgender de bar», – deıdi Nurǵalı Sapaquly.

Qyzmettik jolyn Shymkent­tegi Abaı aýdanynda qatardaǵy mılısıonerden bastaǵan N.Ba­zarqulov Almatydaǵy ar­naıy mılısııa mektebin, keıinirek joǵary mılısııa mektebin ter­geýshi mamandyǵy boıynsha bi­tirgen. Uzaq jyldar Keles aýda­nynda jaýapty qyzmetterdi at­qaryp, 2013 jyly zeınetke shyqqan. Mınıstrliktiń Al­ǵys hattarynyń, «Qazaqstan polı­sııasyna 25 jyl» merekelik me­daliniń, «Ishki ister organ­da­ryndaǵy minsiz qyzmeti úshin» medaliniń ıegeri, úsh ul, úsh qyz tárbıelegen ónegeli áke búginde urpaǵyn maqtan tutady. Tuńǵyshy Serjan áke jolyn qýyp, Semeıde odan keıin Almatydaǵy joǵary mılısııa mektebin bitirgen. Odan keıingi qyzy Aıakóz de joǵary mılısııa mektebin bitirip, búginde polısııa kapıtany, Kóliktegi polısııa departamentiniń ÁPB ıns­pektory bolyp elordada eńbek etýde. Taǵy bir uly Bógenbaı polısııa kapıtany, Keles aýdandyq polısııa bóliminde anyqtama bóliminiń basshysy. Al kenje uly Al­matyda áskerı-desanttyq brı­gadada kelisimshart boıynsha qyzmet etýde.

«Uldarym, qyzym bul maman­dyqty ózderi tańdady. Ishki is­ter salasynda jumystyń qıyn ekenin bilgendikten de, olardy úgittegen emespin, óz erikterine saldym. Bizdiń qyzmette ýaqyt­pen sanasý degen uǵym joq. Tipti mereke kúnderi de halyqtyń otba­symen alańsyz demalýy úshin jaǵdaı jasaýymyzǵa tý­ra keledi. Bul – biz tańdaǵan ma­­mandyq, polısııaǵa beker kelip­pin, serjant kezde shyǵyp ketý kerek edi degen pendelik oılardyń bolǵany da jasyryn emes. Qıyndyǵyna shydadyq, namysqa tyrystyq, adal da minsiz qyzmet etýdi qaladyq. «Eń qıyn mamandyq – adam bolyp qalý», degen bir oıshyldyń sózi bar ǵoı, sol aıtqandaı adamı qasıetten aýytqymaýdy maqsat tuttyq. Qyzmettik tájirıbemizdi, ómirden alǵan sabaqtarymyzdy jastarmen bólisýdemiz. Búginde Keles AIIB-niń basshysy polı­sııa polkovnıgi Sh.Ońǵarov basqaryp otyrǵan ujymda óz qyzmetin minsiz atqa­ryp júrgen polıseı­ler kóp. Kóp nárse basshyǵa da baılanys­ty ǵoı, bul oraıda Shyrynbek Sýsynuly aǵa býyn ardagerlermen tyǵyz baılanys ornatyp, urpaq­tar sabaq­tastyǵyn saqtaý baǵytynda óne­geli bastamalardy júzege asyrýda», – deıdi Nurǵalı Bazar­qulov.

Eldegi turaqtylyq pen qoǵam tynyshtyǵyn kúzetken Bazar­qulovtar áýletinde polıseıler qatary arta túserine senim mol. О́ıtkeni ishki ister organdary qyzmetkerleri qoǵamdyq qaýip­sizdikti kúzete júrip, izin jalǵar, isin jalǵastyrar kadr daıarlap jatyr deýge bolady. Polısııa qyzmetkeriniń basty mindeti – qoǵamdyq tártipti qorǵaý jáne qoǵam qaýipsizdigin qamtamasyz etý bolsa, Bazarqulovtar sol qo­ǵam tynyshtyǵyn saqtaýdy po­lı­sııalyq paryzymyz dep esep­teıdi.

Túrkistan oblysy