Qoǵam • 06 Qarasha, 2019

Bıyl 2000-ǵa jýyq esirtki qylmysy tirkelgen

48 retkórsetildi

Osy jyldyń 10 aıynda barlyǵy 1878 esirtki qylmysy tirkelip, onyń ishinde 1118 esirtki ótkizý deregi jáne 323 asa iri kólemde esirtki saqtaý isi anyqtalǵan. Jalpy 19,4 t esirtki zattary, onyń ishinde 19 kg geroın, 370 kg gashısh jáne 9 kg sıntetıkalyq esirtki tárkilenip alynǵan. Osyǵan oraı Ishki ister mınıstrliginde ótken brıfıngte «Kóknár-2019» aldyn alý sharalary men sıntetıkalyq esirtkimen kúres nátıjesi jarııa etildi.

Onda Ishki ister mınıstrliginiń Esirtki qylmysyna qarsy is-qı­myl departamentiniń bastyǵy Tilegen Matkenov elimizdegi esirt­ki jaǵdaıy týraly málim etti. Onyń aıtýynsha, 31 qazanda jyl saıyn maýsymnan qazanǵa deıin elde qarasora pisetin kezeńde ótkiziletin res­pýblıkalyq operasııasy aıaq­talǵan.

«Kóknar-2019» ótkizý keze­ńinde 3000-ǵa jýyq esirtki quqyq buzýshylyǵy tirkelgen. Sonyń ishinde 900-ge jýyq esirtki qyl­mysy belgili bolsa, onyń ishinde 411 – ótkizýmen baılanysty, asa iri mólsherde esirtki saqtaý – 156, kontrabanda – 84, uıymdasqan qylmystyq toptar qurý – 5 jáne 187 esirtki ósirý isi anyqtalǵan. Zańsyz aınalymnan 17,5 tonnadan astam túrli esirtki, onyń ishinde shamamen 8 kg geroın, 220 kılodan asa gashısh jáne 4,7 tonna marıhýana tárkilendi.

 Máselen, Qostanaı oblysynda osy aımaq­ta esirtki satatyn uıymdasqan qylmys­tyq top quryqtaldy. Qylmystyq top 10 adamnan turyp, onda árkimniń óz atqaratyn rólderi bolǵan. Olardy ustaý jáne izdestirý is-sharalaryn júrgizý kezinde ótkizýge daıyndalǵan 400 gramm geroın, 3,5 mıllıon teńge jáne 6,5 myń AQSh dollary, altyn bu­ıymdar tárkilenipti. Sol sııaqty «Atameken» shekara beketinen О́zbekstan aýmaǵynan Qazaqstan Respýblıkasyna ótip kele jatqanda Tájikstan aza­­matynyń basqarýyndaǵy «Nek­sııa» markaly avtokólik toq­tatylady. Kólik quralyn tekserý kezinde salmaǵy 2 kg geroın tabylǵan. Al Jambyl oblysynda Shý aýdanyndaǵy Aqtóbe aýylynan 30 shaqyrym jerde ishinde salmaǵy 275 kg bolatyn 24 qap «keptirilgen marıhýana» tıelgen kólik ustaldy.

Sońǵy birneshe jylda uıym­dasqan qyl­mystyq toptardyń joǵary konsen­trasııalanǵan «úndi qarasorasyn» ósirý áre­ketteri Qyzylorda oblysynda jáne oǵan jaqyn aýdandarda turaqty túrde tirkelip, joly kesilýde. Qyzylorda oblysynyń Aral qalasynan 300 shaqyrym jer­de en dalada qara sora egistik alqaby anyqtalyp, jalpy sal­maǵy 1,3 tonna bolatyn 2,5 myńǵa jýyq qarasora butalary tabylyp, tárkilendi. Quramynda esirtki bar ósimdikterdi ósirgeni úshin Qyzylorda oblysynyń tur­ǵyndary ustalyp, olardan jalpy salmaǵy 1 tonna bolatyn 2 myńnan astam qara sora butasy tárkilengen. Aral qalasynan 300 shaqyrym jerde Aral aýdany PB qyzmetkerleri 3000 buta mólsherinde qara sora alqabyn tapty. Sol jerde qarýdy paıdalanyp oqıǵa ornynan qashyp ketýge tyrysqan 6 adam ustaldy. Oqıǵa ornynan polıseıler 2 myltyq tárkiledi. Qazirgi ýaqytta osyǵan baılanysty tergeý sharalary júrgizilýde. Barlyǵy, ıaǵnı Qyzylorda, Jambyl, Almaty, Aqtóbe jáne Qaraǵandy ob­lystarynyń aýmaǵynda 200 gektardan asatyn 24 qara sora alqaby tabylypty. Onda salmaǵy 7 tonnadan asatyn 30 myńnan astam jabaıy ósetin qara sora butalary tárkilenip, joıylǵan.

Almaty qalasynda bir kólikti tekserý kezinde 502 gramm sıntetıkalyq esirtki salynǵan eki polıetılen paket tabylyp, tárkilendi. Shyǵys Qazaqstan oblysynda jedel izdestirý sharalary barysynda oblys ortalyǵynyń buryn sottalǵan turǵyny ustalyp, onyń pá­terin tintý kezinde sal­maǵy 400 gramnan asatyn «skorost» retinde tanylǵan 216 polımerli esirtki býmasy shyqty. Soltústik Qazaqstan oblysynda sıntetıkalyq esirtkilerdi ázirlegen jasyryn zerthana anyqtalǵan. Osy esirtki ázirlegen kúdiktiniń úıin tintý barysynda (konsentrat bolyp tabylatyn) 20 paket «jalbyz», 15 paket «túımedaq», 17 bótelke etıl spırti («dámdeýishterdi» óndi­rýge arnalǵan komponent), aq untaqty zat – kon­sen­trat, 5 lıtrlik 2 polımerli bótel­ke já­ne sıntetıkalyq kannabınoıdy bar ıýnıka (sońǵy sıntetıkalyq «dámdeýish» preparatyn daıyndaý úshin konteıner retinde paıdalanylǵan), elektrondy tarazylar jáne 19 gramm dámdeýish dep atalatyn tutynýdyń túpkilikti ónimin óndirýge arnalǵan zat tabylyp, tárkilendi.

Petropavl qalasynda jedel qyzmetkerler men aqparattyq kommýnıkasııalyq júıeler sala­syndaǵy mamandardyń ju­my­synyń nátıjesinde elektrondyq kommýnıkasııa­lar júıesi – messendjerler men elektrondy tólem júıeleri arqyly esirt­ki ót­kizýmen aınalysqan qyl­mystyq top us­tal­dy. Osy top­taǵy esirtki bıznesindegi «eń­bek» jolyn ınternet-dúkendegi kýrer-ty­ǵýshy retinde bastaǵan adamnnan salmaǵy 6 gramm kannabıstiń sıntetıkalyq tektes zaty «spaıs», salmaǵy 70 gramm (qara naryqtaǵy baǵasy 1 400 000 teńge bolatyn, 700-den astam bir rettik ólshemdi quraıtyn) «sol» degen ataýy bar zat tabyldy. Esirtki qoldanýǵa arnalǵan metall jáne shynydan jasalǵan tútiksheler, býyp-túıýge arnalǵan materıaldar shyqty. Petropavlda 9 jasyryn oryn tabyldy. Ondaǵy tyǵylǵan esirtkiler de tárkilendi.

Atalǵan faktini ashý barysynyda sınte­tıkalyq esirtkilerdi izdestirý úshin qyzmettik ıtter paı­dalanylǵan. Osyndaı ıtter elimizdiń bar­lyq óńirlerinde úıretiledi. Osylaısha, «Kók­nár-2019» barysynda jańa psı­hoaktıvti zattardyń zańsyz aınalymymen baılanysty 240 esirtki qylmysy tirkelip, onyń ishinde 70 esirtki qylmysy, 64 satý, 6 saqtaý, 170 teris qylyq anyqtaldy. Zańsyz aınalymnan 2 kg 190 gramm ártúrli jańa psı­hobelsendi zattar alyndy.

Sońǵy jańalyqtar

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Jańǵyrǵan Jambyl óńiri

Aımaqtar • Keshe

Baǵa QR kodtar arqyly beriledi

Medısına • Keshe

Rýhanı ráýishtegi tartý

Aımaqtar • Keshe

Turar taǵdyrynyń taǵylymy mol

Rýhanııat • Keshe

Orynbor jáne qazaq zııalylary

Rýhanııat • Keshe

El erteńi – jalyndy jastar

Prezıdent • Keshe

Uqsas jańalyqtar