Jas ǵalym atalǵan jobany júzege asyrýǵa eki 2 mıllıon teńge utyp alǵan. Oqýshynyń bıznes-bastamasyna «Atameken» ulttyq kásipkerler palatasy «Bıznestiń jol kartasy-2020» baǵdarlamasy aıasynda qoldaý bildirgen. «Bizdiń elge qurǵaq sút sarysýy Reseı men Belarýs memleketterinen ımporttalady. Al ony ózimiz óndire bastasaq, qosymsha shyǵyndardan arylatyn edik. Qurǵaq sarysý 150-den astam ónim túrlerin shyǵarýda qoldanylady. Olardyń qatarynda kosmetıkalyq jáne farmasevtıkalyq quraldar, shujyq jáne kondıterlik ónimder, balmuzdaqtyń túrleri bar», deıdi jas ónertapqysh.
Dana Qurmanbek óz ıdeıasyn jaqyn arada iske asyrýdy josparlap otyr. Búgingi tańda bıznes-josparyna saı ınvestısııa da daıyn eken. Oqýshy óziniń bıznes-josparyn Nazarbaev zııatkerlik mektebi ekonomıka pániniń muǵalim-moderatory ári jetekshisi Álııa Jýsanbaevanyń basshylyǵymen muqııat quryp, eseptegen. Al Álııa Jýsanbaeva sút ónimderiniń qaldyqtaryn qaıta óńdeý arqyly qurǵaq sarysýdy óndirý jobasyn júzege asyrýdy Taraz qalasyndaǵy Nazarbaev zııatkerlik mektebiniń bazasynda júzege asyrǵanyn, bolashaqta bul eńbek óńirdiń jáne eldiń ekonomıkasyna paıda ákeledi degen úmitte ekenin jetkizdi.
Jambyl oblysy
