Úkimet • 06 Qarasha, 2019

Halyqtyń muń-muqtajyn tyńdady

75 retkórsetildi

«Azamattardyń barlyq syndarly ótinish-tilekterin jedel ári tıimdi qarastyratyn «Halyq únine qulaq asatyn memleket» tujyrymdamasyn iske asyrý – bárimizge ortaq mindet». Halyqqa Joldaýynda osylaı degen Memleket basshysy Qasym-Jomart Toqaev bul Úkimet pen halyq arasyndaǵy dıalogty qamtamasyz etýdi kózdeıtinin basa aıtqan bolatyn. Tujyrymdamanyń iske asýy úshin mınıstrler de atqa qonǵan-dy. Ásirese halyqtyń ál-aýqatyn arttyrý mańyzdy maqsat ekeni anyq.

Eńbek jáne halyqty áleýmettik qorǵaý mınıstri Birjan Nurymbetov Shyǵys Qazaqstan, Atyraý, Túrkistan, Batys Qazaqstan jáne Qaraǵandy oblys­tary men Almaty, Shymkent shaharlaryn aralap, halyqtyń kókeıindegi suraqtarǵa jaýap berdi. Atalǵan jumys apta basynda elordada jalǵasyn tapty. Nur Otan partııasynyń qoǵamdyq qabyldaý bólmesinde 5 saǵattan asa ýaqyt azamattardy jeke qabyldaǵan mınıstr olardyń járdemaqy, baspana, tegin dári-dármek alý, múgedek balaǵa kútim jasaýshy analardyń zeınet jasyn qysqartý, shıpajaı men ońaltý ortalyqtarynda em-dom alý, AÁK-pen alǵan járdemaqylaryn keri qaıtaryp alýmen kelispeýshilik sııaqty ótinishterin qarady.

Mysaly, 19 jastaǵy týǵannan múgedek balasy bar Roza Abdýllına shaǵyn nesıe alyp, kásippen aınalysyp, turmysyn túzegisi keletinin baıandady. Qysqa jip kúrmeýge kelsin be?! Páter ıeleriniń kooperatıvinde (KSK) 60 myń teńge alyp aýla tazalaıtyn 54 jastaǵy áıel astanaǵa kelgen 8 jyldan beri páter jaldap turady eken. Páteraqysyn tóleı almaı qınalǵan kezde nesıe alýǵa da májbúr bolǵan. Ákimdikke úı kezeginde turǵan jalǵyz basty ana bir kún buryn kezeginiń joǵalyp ketkenine ań-tań. II toptaǵy múgedekti asyrap otyrǵan áıeldiń ótinishin tyńdaǵan mınıstr oǵan shaǵyn nesıe berý jaǵyn qarastyrýdy nemese jalaqysy joǵary jumysqa ornalastyrýdy Nur-Sultan qalasynyń Halyqty jumyspen qamtý ortalyǵy dırektorynyń orynbasary Nurlan Isekeevke tapsyrdy. Sondaı-aq páter kezeginen túsip qalýynyń sebebin bilý úshin qala ákimine hat jazyp, tikeleı ózi baqylaýǵa alatynyn aıtty.

 Mınıstrdiń aldyna arnaıy usynyspen kelgender de boldy. «Miras-A» qaıyrymdylyq qorynyń prezıdenti Júzbaı Serik Nur-Sultan qalasynda arnaıy Zaǵıptar úıin salǵysy keledi. О́z jobasyn mınıstrge tanystyrǵan ol elimizdegi zaǵıp jandardyń tap bolyp otyrǵan qıyndyqtary týraly baıandady. «О́zim I toptaǵy múgedek bolǵannan keıin mundaı jandardyń jaǵdaıyna basa mán beremin. Kóz janarynan aıyrylǵan adamdardyń qıyndyqqa tóze almaı, keıde óz-ózine qol jumsap jatatyn kezderi de bolady. Olardy sabyrǵa shaqyryp, «kózimde kishkene sańylaý ashylsa, Zaǵıptar úıin salýǵa áreket jasaımyn» dep ýáde berdim. Sol áreketimizdiń ońynan sheshilgeli turǵan jaıy bar. Maqsatymyz – jer alyp, ǵımarat salý. Qazaqstannyń jer-jerinde kóz janarynan aıyrylyp, jalǵyz qalǵan jandar sol jerde tursa deımin», deıdi J.Serik.

Mundaı isti bastap otyrǵan belsendi azamatqa alǵysyn bildirip, jobany qoldaıtynyn jetkizgen Birjan Nurymbetov elimizde zaǵıp jandar jolyǵatyn kedergilerdiń az emes ekenin aıtty. «Elimizde múmkindigi shekteýli jandarǵa birshama jaǵdaı jasalyp jatyr. Járdemaqy tólenip, basqa da jeńildikter qolǵa alynýda. Mysaly, jeti baǵyttan turatyn 2025 jylǵa deıingi Ulttyq jospardyń qabyldanǵanyn bilesizder. Eń bastysy, múmkindigi shekteýli jandarǵa qoljetimdi ortany qalyptastyrý kerek. Qazir biz bir múmkindigi shekteýli janǵa jumys taýyp berip jatsaq, ǵımaratqa kiretin jaǵdaı qarastyrylmaǵan bolyp jatady. Bul jerde jumys berýshiniń de jaýapkershiligi bar», dedi ol.

Mınıstrdiń aıtýynsha, osyǵan deıin áleýmettik sala qyzmetkerleri múgedek jandardyń kez kelgen ǵımaratqa ońaı kirýine tekserý júrgizip, nátıjesinde birshama jumys berýshige aıyppul salynǵan. «Áıtse de, másele aıyppul salýmen sheshilmeıdi. Eń aldymen, qoǵamnyń pikirin ózgertý kerek. Kez kelgen qurylysty bastaǵan kezde arbada otyrǵan, zaǵıp jandardyń bary eskerilýi tıis. Baǵdarsham men jaıaý júrginshiler jolynda da olarǵa tıisti jaǵdaı jasalýy qajet. Josparǵa sáıkes, sonyń bárin retke keltirý máselesi boıynsha jumys júrgizemiz. 2019 jylǵa osy baǵytta 18 mlrd teńge qarajat bólindi. Sondyqtan bul problemanyń baryn bilemin», dedi B.Nurymbetov.

Qabyldaýda óńirdegi azamattar beınebaılanys arqyly tildesýge múmkindik aldy. Aqtaý qalasynan baılanysqa shyqqan Aıgúl Nurqýatqyzy jergilikti organnyń ózine AÁK berýden bas tartý týraly sheshimimen kelispeıtinin jetkizdi. 5 balany jalǵyz asyrap otyrǵan ana úlken ulynyń oqýǵa túsip, basqa qalada turyp jatqanyn, osyǵan baılanysty onyń otbasyna berilip kelgen AÁK toqtatylǵanyn baıandady. Bul sheshimniń durys emestigin kesip aıtqan mınıstr jergilikti jaýapty qyzmetkerlerge A.Nurqýatqyzynyń otbasyna berilip kelgen AÁK-ti qalpyna keltirilýi kerek ekenin tapsyrdy. Sebebi balalarynyń bireýi ózge qalada turyp jatqanymen, ol stýdent, eshqandaı tabys taýyp jatqan joq.

Sondaı-aq mınıstr Májiliske jańa zań jobasynyń usynylǵanyn jáne jańa jyldan bastap AÁK tóleý júıesi retke keltiriletinin taǵy bir ret atap ótti. Qabyldaýda bolǵan barlyq turǵynnyń ótinishteri men talap-tilekteri boıynsha Eńbek jáne halyqty áleýmettik qorǵaý mınıstri óz ókilettiligi sheginde tıisti quzyrly mekemeler men qyzmetkerlerge tapsyrmalar berdi jáne barlyq ótinishterdiń óziniń baqylaýynda bolatynyn aıtty.

 

Sońǵy jańalyqtar

Dárigerlerge sertıfıkattar tabystaldy

Aımaqtar • Búgin, 09:52

Qaraǵandyda resýrstyq ortalyq ashyldy

Aımaqtar • Búgin, 09:45

Túrkistanda isker áıelder forýmy ótti

Aımaqtar • Búgin, 09:20

Ǵylym men bıznesti ushtastyrǵan jıyn

Ekonomıka • Búgin, 09:05

Qonaev týrnıri máresine jetti

Kúres • Búgin, 07:49

Aqynǵa arnalǵan kún

Rýhanııat • Búgin, 07:46

Qalany damytý qujaty daıyn

Aımaqtar • Búgin, 07:43

Innovasııa men shyǵarmashylyq úılesimi

Rýhanııat • Búgin, 07:31

Baspanamen qamtıtyn basty qujat

Baǵdarlamalar • Búgin, 07:23

Bolmysy bútin Baǵaev

Rýhanııat • Búgin, 07:19

Bıznes jáne áleýmettik jaýapkershilik

Ekonomıka • Búgin, 07:13

Er Edige jáne eldik múdde

Rýhanııat • Búgin, 07:11

Temekiniń taýqymeti

Medısına • Búgin, 07:05

Aqtóbe ınvestısııa tartýdan alda tur

Ekonomıka • Búgin, 07:04

Arzan jolaqy Almatyǵa aýyr tıip tur

Ekonomıka • Búgin, 07:01

Jetimniń basynan sıpa, júregiń jumsarady

Rýhanııat • Búgin, 06:58

Taýar aınalymyna tosqaýyl bolmaýy tıis

Ekonomıka • Búgin, 06:54

Eń qysqa áńgime. Oljas Sándibek

Eń qysqa áńgime • Keshe

Eń qysqa áńgime. Talǵat Eshenuly

Eń qysqa áńgime • Keshe

Eń qysqa áńgime. Nurdáýlet Qabasov

Eń qysqa áńgime • Keshe

Eń qysqa áńgime. Ǵanıbet Ǵalymbekuly

Eń qysqa áńgime • Keshe

Eń qysqa áńgime. Ermek Begzada

Eń qysqa áńgime • Keshe

Eń qysqa áńgime. Nurnazar Túrikben

Eń qysqa áńgime • Keshe

Uqsas jańalyqtar