Aımaqtar • 06 Qarasha, 2019

SQO-da urlanǵan 300 jylqy ıelerine qaıtaryldy

39 retkórsetildi

Soltústik Qazaqstan oblysy IID baspasóz qyzmetiniń habaryna qaraǵanda jyl basynan beri óńirde 80-nen artyq mal urlyǵy tirkelgen. Joǵalǵan maldyń kópshiligi jaıylymnan qýylyp ketkender. Oblysta «Bótenniń múlkin urlaýǵa qarsy is-qımyl jónindegi 2019-2020 jyldarǵa vedomstvolyq baǵdarlamany iske asyrý aıasynda Polısııa departamenti mal urlyǵyn ashý jáne onyń aldyn alý boıynsha keshendi is-sharalardy júzege asyrýda.

«Mal kóbine jaıylymda qaraýsyz qalǵanda urlanady. Mal ıeleri birden polısııaǵa habarlamaı, alǵashqy kúnderi ózderi izdep tappaq bolady. Bul tártip saqshylarynyń jumysyn qıyndatady. Mal urlyǵyn «izin sýytpaı» ashý múmkindiginen aıyrady», - deıdi PD Krımınaldyq polısııa basqarmasynyń bastyǵy Petr Klımov.

Polısııa qyzmetkerleriniń izdeý sharalarynyń nátıjesinde Aqjar aýdanynda qazan aıynda urlanǵan 300 jylqy tabylyp, ıelerine qaıtarylǵan. Osy aýdannan urlanǵan taǵy da 49 jylqy izdestirilýde, osyǵan qaraǵanda bul aýdanda uıymdasqan jylqy urlaýshylar toby bar sııaqty. Jambyl aýdanynda da baǵylmaı, erkin jaıylymda júrgen 46 tuıaq jylqy joǵalǵan.

Barymtashylar kóbine qaraýsyz júrgen maldy qýyp ketetini belgili bolyp otyr. Urlanǵan barlyq tuıaqtyń 18 ǵana qoradan, al qalǵany jaıylymnan urlanypty. Osyǵan oraı, polıseıler mal ıelerinen maldaryna abaı bolýǵa, jergilikti ákimdikter jáne baqtashylarmen úsh jaqty shart jasaýǵa, sonymen qatar tańbalaý men nómirleý sııaqty tıimdi profılaktıkalyq sharalar qabyldaýǵa shaqyrady. Sondaı-aq mal qorasyn tehnıkalyq jaǵynan kúsheıtilýin qamtamasyz etý qajet ekendigi eskertilgen.

Sondaı-aq SQO polıseıleri «Brakoner» jedel sharalarynyń barysynda bir aıda ǵana zańsyz jınalǵan 5,5 tonna artemııa shaıandaryn tárkiledi. Qazir memleketke keltirilgen shyǵyn kólemi anyqtalýda. Osy operasııanyń barysynda 18 qylmystyq is qozǵaldy.

 

Soltústik Qazaqstan oblysy

 

 

Sońǵy jańalyqtar

21 jyl boıy qujatsyz júrgen

Aımaqtar • Keshe

VII PR forýmy Almatyda ótti

Aımaqtar • Keshe

Bas basylymnyń baıtaq belesi

Aımaqtar • Keshe

Qaıta oralǵan qumarshyq

Aımaqtar • Keshe

Termeshiler tereńnen terbedi

Ádebıet • Keshe

Haziretter qazynasy

Rýhanııat • Keshe

«Speshranda» saqtalǵan...

Rýhanııat • Keshe

Zań kerek!

Ekologııa • Keshe

El qurmeti erekshe

100 • Keshe

It júgirtip, qus saldy

Aımaqtar • Keshe

Senim hám serpin

Rýhanııat • Keshe

Uqsas jańalyqtar