Aımaqtar • 06 Qarasha, 2019

BQO-da terrorızmnen saqtanbaǵan 13 basshyǵa aıyppul salyndy

25 retkórsetildi

Batys Qazaqstan oblysynda túrli nysandardyń terrorızm qaýpine daıyndyǵy, oǵan qarsy is-qımyl algorıtmi tekserilip jatyr. Saqtyq jáne aldyn alý sharalaryn aqsatqan keıbir basshylarǵa shara qoldanylǵan.

- Batys Qazaqstan oblystyq Polısııa departamentiniń ekstremızmge qarsy is-qımyl basqarmasy terrorıstik turǵyda osal obektilerdiń terrorızmge qarsy qorǵalýyn qamtamasyz etý maqsatynda olardyń basshylary men ıelerine turaqty túrde túsindirý jumystaryn júrgizip keledi, - deıdi BQO PD baspasóz qyzmetiniń jetekshisi Bolatbek Belgibekov.

Túrli ǵımarattardy terrorızmnen qorǵaý erejeleri qatań saqtalýy tıis. Bul - zaman talaby. Sondyqtan tıisti organdar túrli nysandardyń qaýipsizdik uıymdary basshylarymen, ıelerimen jáne ókilderimen kezdesip, túsindirý jumysyn júrgizedi. Terrorıstik qaýip tóngen jaǵdaıda olardyń jasaýǵa tıisti áreketteri týraly eskertý taratylady.

- Sońǵy kezderi tekserý barysynda terrorıstik turǵyda osal dep tanylǵan 30 obektide zań buzýshylyq anyqtalyp, olardy joıý týraly 30 jazbasha ókim shyǵaryldy. Terrorıstik turǵydan osal obektiniń terrorızmge qarsy qorǵalýyn qamtamasyz etý jáne qaýipsizdiginiń tıisti deńgeıin saqtaý jónindegi mindetterdi tolyq oryndamaǵany úshin 13 basshy ákimshilik jaýapkershilikke tartyldy. Aıyppuldyń jalpy somasy 5 mıllıon teńgeden astam, - deıdi BQO PD ekstremızmge qarsy kúres basqarmasynyń bastyǵy Ashat Hasanǵalıev.

Osy baǵyttaǵy túsindirý jumystary jaqynda Oral qalalyq keshki orta mektepte de ótti. Munda ata-anasyz qalǵan jáne turmysy tómen otbasylardyń 200-ge jýyq balasy oqıdy. Batys Qazaqstan oblystyq Polısııa departamentiniń ekstremızmge qarsy is-qımyl basqarmasy qyzmetkeri Artem Gýsev mektep muǵalimderi men qyzmetkerlerine terrorıstik qaýip tóngen jaǵdaıda jasaıtyn áreketin túsindirdi.

- Terrorızmge ushyraǵan nysannyń ár qyzmetkeri terrorıstik qaýip tóngen jaǵdaıda ne isteıtinin bilýi kerek. Mysaly, kúdikti zat tabylǵan kezde oǵan qol tıgizýge, ony jyljytýǵa, kez-kelgen nársemen jabýǵa, jaqyn jerde uıaly telefondy qoldanýǵa jáne basqa áreketterge qatań tyıym salynady. Ol úshin tıisti qyzmetke habarlańyz, - deıdi polısııa maıory A.Gýsev.

 

Batys Qazaqstan

Sońǵy jańalyqtar

Túlkibasta «Ana men bala» monýmenti ashyldy

Rýhanııat • Búgin, 16:41

Termınge saýattylyq kerek

Qoǵam • Búgin, 15:33

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Uqsas jańalyqtar