06 Qarasha, 2019

 «Astana Klýbynyń» spıkerler qatarynda reseılik saıasatkerler men sarapshylar bar

24 retkórsetildi

Mereıtoılyq forým sarapshylary quramyna Reseı strategııalyq zertteýler ınstıtýtynyń dırektory Mıhaıl Fradkov, RF Memlekettik Dýmasynyń Komıtet tóraǵasy, BRIKS zertteý jónindegi ulttyq komıtettiń basqarma tóraǵasy Vıacheslav Nıkonov, EADB janyndaǵy Eýrazııalyq turaqtandyrý jáne damý qorynyń bas ekonomısi Evgenıı Vınokýrov, "О́rkenıetter dıalogy" zertteý ınstıtýty baqylaý keńesiniń tóraǵasy Vladımır Iаkýnın men Reseı saıası zertteýler ortalyǵy keńesiniń tóraǵasy Evgenıı Býjınskıı kirdi.

RF sarapshylary Klýbtyń besjyldyq jumystarynyń dástúrli qatysýshylary ekendigin atap ótken lázim.

Jalpy aıtqanda, bıyl Nur-Sultan qalasynda halyqaralyq deńgeıdegi 50-den astam sarapshylar men saıasatkerler jáne dıplomattar bas qosady. Qazaqstan men Reseıdi qosqanda AQSh, Ispanııa, Italııa, Japonııa, Serbııa, Avstrııa, Grýzııa, Norvegııa, Qytaı, Qyrǵyzstan, Úndistan, Belgııa, Aýǵanstan, Shvesııa, Ońtústik Koreıa men Ulybrıtanııa elderinen meımandar keledi.

Esterińizge sala keteıik, aımaqtaǵy qaýipsizdik pen geosaıasat máselelerin talqylaýǵa arnalǵan aýqymdy alańnyń besinshi jylsaıynǵy otyrysy 2019 jyldyń 11-12-shi qarasha kúnderi "Nazarbaev ortalyǵynda" ótedi. Klýb otyrysynyń basty taqyryby: «Úlken Eýrazııa: jahandyq yntymaqtastyqtyń jańa qurylymy jolynda».

Klýbtyń saraptamalyq talqylaýyna AQSh, Qytaı jáne Reseı arasyndaǵy shıelenistiń ýshyǵýy, saýda proteksıonızmi men popýlıstik kóńil-kúıdiń ornyǵýy, sondaı-aq Iran men Soltústik Koreıa tóńireginde jańa kelispeýshilikterdiń boı kórsetýi syndy ózekti máseleler arqaý bolmaq.

Ásirese, Eýrazııada yntymaqtastyqtyń bolashaq qurylymyn qalyptastyrý taqyrybyna úlken kóńil bólinip, jahandyq qaýipsizdiktiń syn-tegeýrinderine (zymyran-ıadrolyq saladaǵy baqylaýsyz jarys máselesi) qarsy turý joldaryn izdestirýge nazar aýdarylady.

Shara aıasynda Álemdik ekonomıka jáne saıasat ınstıtýty Astana klýbynyń qoldaýymen jahannyń jetekshi sarapshylarynyń strategııalyq boljamdaryn baǵamdaǵan «Eýrazııa 2020 úshin 10 basty syn-qater» reıtıngisiniń kezekti shyǵarylymy tanystyrylady.

Qazaqstannyń Tuńǵysh Prezıdentiniń tóraǵalyǵymen ótetin, is-sharanyń negizgi ózegi sanalatyn Klýbtyń plenarlyq otyrysynda «Úlken Eýrazııany qurý: seriktestiktiń jańa úlgisi» taqyryby qaýzalady.

Klýb jumysyn uıymdastyrýshylar - Qazaqstan Respýblıkasy Tuńǵysh Prezıdenti-Elbasy Qory men Álemdik ekonomıka jáne saıasat ınstıtýty.

Astana Club otyrysy Qazaqstan Respýblıkasy Tuńǵysh Prezıdenti-Elbasy Qorynyń qarjylyq qoldaýymen ótkiziledi.

«Astana klýbynyń» jumysyna dástúr boıynsha Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaev qatysady.

Besinshi basqosýdaǵy otyrystardyń bir bóligi «Chatham house» erejesine saı uıymdastyrylady. Iаǵnı talqy jabyq sıpatta ótkiziledi jáne álem men Eýrazııanyń eń ózekti ári kókeıkesti máseleleri ashyq kóteriledi.

Osy jyldar ishinde Klýb otyrystaryna álemniń 40 elinen 200-den astam spıker qatysty.

Sońǵy jańalyqtar

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Jańǵyrǵan Jambyl óńiri

Aımaqtar • Keshe

Baǵa QR kodtar arqyly beriledi

Medısına • Keshe

Rýhanı ráýishtegi tartý

Aımaqtar • Keshe

Turar taǵdyrynyń taǵylymy mol

Rýhanııat • Keshe

Orynbor jáne qazaq zııalylary

Rýhanııat • Keshe

El erteńi – jalyndy jastar

Prezıdent • Keshe

Uqsas jańalyqtar