Úkimet • 06 Qarasha, 2019

«Bıznestiń jol kartasy – 2025» baǵdarlamasyna 421 mlrd tg bólinedi

14 retkórsetildi

Asqar Mamınniń tóraǵalyǵymen ótken Úkimet otyrysynda «Bıznestiń jol kartasy – 2020» memlekettik baǵdarlamasyn iske asyrý barysy jáne bıznesti qoldaýdyń 2025 jylǵa deıingi jańa tásilderi qaraldy. Bul týraly primeminister.kz habarlady. 

Atalǵan baǵytta atqarylyp jatqan jumystar jáne baǵdarlamanyń aldaǵy bes jyldyq kezeńge arnalǵan jobasy týraly QR Ulttyq ekonomıka mınıstri R. Dálenov, bıznes júrgizý negizderine oqytý jáne kásipkerlerge aqyl-keńes berý týraly «Atameken» UKP basqarma tóraǵasy A. Myrzahmetov baıandady.

«Elbasy N. Nazarbaevtyń aıtýynsha, myqty bıznes – ekonomıkanyń turaqtylyǵyn qamtamasyz etýdiń mańyzdy faktorlarynyń biri. Osy jyldyń mamyr aıynda Memleket basshysy Q. Toqaev Ulttyq ınvestorlar keńesiniń otyrysynda ShOB-tyń rólin kúsheıtý jáne onyń el ekonomıkasyndaǵy úlesin 2025 jylǵa qaraı kem degende 35%-ǵa jetkizý mindetin qoıdy. 2050 jyly biz 50% kórsetkishke jetýimiz kerek. Atalǵan kórsetkishterge qol jetkizý úshin aýqymdy jumystar júrgizilip jatyr, sonyń ishinde zańnamaǵa ózgerister engizilýde», — dedi A. Mamın.

Úkimet basshysy «Bıznestiń jol kartasy – 2020» memlekettik baǵdarlamasy óziniń tıimdiligin dáleldegenin atap ótti. 2010 jyldan bastap ony iske asyrýdyń nátıjesinde 342 myńnan astam jumys orny saqtalyp, 94 myńnan astam jańa jumys orny quryldy. Shaǵyn jáne orta bıznestiń elimizdiń JIО́-degi úlesi 2015 jylǵy 24,9%-dan 2018 jyly 28,4%-ǵa deıin ósti. ShOB ónimderiniń kólemi 10 trln teńgege 13,3-ten 23,4 trln teńgege deıin ósti. Sýbektilerdiń sany 300 myńnan astamǵa 900 myńnan 1,3 mln-ǵa deıin ósti. Bıyl Qazaqstan Dúnıejúzilik banktiń «Doing Business» bıznes júrgizý jeńildigi reıtınginde 28 orynnan 25 orynǵa kóterildi.

2015 jyldan bastap Memlekettik baǵdarlamany júzege asyrýǵa 282 mlrd teńge bólindi, jańa «Bıznestiń jol kartasy – 2025» baǵdarlamasy aıasynda bir jarym ese kóp qarajat – 421 mlrd tg qarastyrylǵan.

Aldaǵy bes jyldyq kezeńde bıznestiń yńǵaılaspa mindettemelerin engizý kózdelgen (jumys oryndaryn saqtaý/ulǵaıtý, tólenetin salyqtar men baǵdarlamaǵa qatysýshylardyń kiristeriniń ósýi), franshızalardy satyp alýǵa jáne qaıta qarjylandyrýǵa nesıe berý maqsattaryn keńeıtý kózdelgen. Memlekettik granttyń mólsheri 3 mln-nan 5 mln teńgege deıin, aınalym qarajattaryn nesıelendirý 60-tan 180/360 mln teńgege deıin ulǵaıtylady. Baǵdarlamaǵa ekinshi deńgeıli banktermen qatar, Mıkroqarjy uıymdary da qatysýshy retinde qosylady.

Premer-Mınıstr Ulttyq ekonomıka mınıstrligine osy jyldyń qarasha aıynyń sońyna deıin «Bıznestiń jol kartasy – 2025» baǵdarlamasynyń qabyldanýyn qamtamasyz etýdi, 2019 jyldyń sońyna deıin qajetti normatıvtik quqyqtyq aktilerdiń qabyldanýyn qamtamasyz etýdi, «Atameken» UKP jáne «Damý» AQ-men birlesip, kásipkerler arasynda jańa Baǵdarlamanyń tásilderi men múmkindikteri týraly aqparattyq-túsindirý jumystaryn júrgizýdi tapsyrdy.

Sońǵy jańalyqtar

Túlkibasta «Ana men bala» monýmenti ashyldy

Rýhanııat • Búgin, 16:41

Termınge saýattylyq kerek

Qoǵam • Búgin, 15:33

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Uqsas jańalyqtar