Úkimet • 06 Qarasha, 2019

2020 jyly aýyl ınfraqurylymyn jańǵyrtýǵa 80 mlrd teńge baǵyttalady – R. Sklıar

27 retkórsetildi

A. Mamınniń tóraǵalyǵymen ótken Úkimet otyrysynda Premer-Mınıstrdiń orynbasary R. Sklıar «Aýyl – El besigi» jobasynyń iske asyrylýy týraly baıandady. Bul týraly primeminister.kz habarlady. 

R. Sklıardiń habarlaýynsha, qazirgi ýaqytta 6 443 aýylda 7,7 mln adam turady (el halqynyń 42%).

«Búgingi kúni aýyldyq jerlerde birqatar sheshilmegen máseleler bar. Aýyldyń jartysynan astamynda kóshelerdi jóndeý qajet. Injenerlik jeliler tozǵan. Kóptegen aýyldarda, bilim berý jáne densaýlyq saqtaý obektileri jóndeýdi qajet etedi. Osyǵan baılanysty aýyldy damytý úshin keshendi tásil qoldanýdy usynamyz», - dedi R. Sklıar.

Osy maqsatta birinshi kezekte qoldanystaǵy memlekettik baǵdarlamalar men «Aýyl – El besigi» jobasy esebinen aýyl ınfraqurylymyn jańǵyrtý júrgiziletin bolady, sonymen birge Agroónerkásiptik keshendi damytý, «Bıznestiń jol kartasy-2020», «Eńbek» jáne basqa da qoldanystaǵy baǵdarlama sheńberinde kásipkerlikti qoldaý júzege asyrylady.

Qazirgi ýaqytta damý áleýeti bar 3 477 aýyl iriktep alyndy, onyń ishinde – 1 150 tirekti jáne 200 shekara mańyndaǵy aýyldar engizilgen 2 327 spýtnıktik aýyldar. Atalǵan aýyldarda 6,6 mln adam nemese aýyl halqynyń 85%-y turady, olardy damytý basymdy túrde bolady.

Halyq sany ósýiniń, mal sharýashylyǵy men ósimdik sharýashylyǵynyń jalpy qosylǵan qunnyń, halyqtyń jumyspen qamtylýynyń jyl saıynǵy ósý dınamıkasy bar osyndaı aýyldar iri eldi mekenderge jaqyn ornalasqan.

«Bul aýyldardaǵy máselelerdi keshendi sheshý úshin aıtarlyqtaı qarajat qajet. Aldyn ala esepteýler boıynsha 900 mlrd teńge qajet, bul rette respýblıkalyq bıýdjetten 70% nemese 630 mlrd teńge, al qalǵan 30% nemese 270 mlrd teńge – jergilikti bıýdjetten bólý usynylady. Atalǵan qarajattardy 2027 jylǵa deıin bólý usynylady», - dedi R. Sklıar.

2019 jyly shamamen 700 myń adam turatyn 53 aýylda 30 mlrd teńge somaǵa 452 ınfraqurylymdyq joba iske asyrylýda. 

Bular áleýmettik (mektepter, aýrýhanalar, mádenıet jáne sport nysandary) jáne ınjenerlik ınfraqurylymdardy (joldar, sý, elektr, jylýmen qamtamasyz etý jáne t.b.) jóndeý jáne qaıta jańartý jónindegi jobalar bolyp tabylady. Qarajattar josparly túrde ıgerilýde.

«Sondaı-aq Tuńǵysh Prezıdent - Elbasynyń «Rýhanı jańǵyrý» baǵdarlamasy aıasynda týǵan aýyldardy abattandyrý boıynsha iri kásipkerlerdiń «kishi otanyna» qamqorlyqpen qaraý men mesenattyq jasaýdyń jarqyn kórinisiniń mysaldary bar», - dedi R. Sklıar.

Infraqurylymdy jańǵyrtý boıynsha ústimizdegi jyly oń nátıjelerge qol jetkizildi.

«Bul jumystyń bastamasy ǵana. Bastalǵan jumystardy biz 2020 jyly jalǵastyramyz. Elimizdiń barlyq óńirlerinde aýyl ınfraqurylymyn keń aýqymdy jańǵyrtý bastalady. Kózdelgen 30 mlrd teńgege 2020  jyly qosymsha 50 mlrd teńge bólinetin bolady», - dedi Premer-Mınıstrdiń orynbasary.

Jalpy bólinetin qarajatqa 250 aýylda 1641 jobany iske asyrý josparlanýda. Aýyl halqyn jumyspen qamtýdy qamtamasyz etý jáne iske asyrylyp jatqan jobalarǵa jańa daǵdy alý maqsatynda, aýyl jastary tartylatyn bolady. Júrgizilip jatqan ınfraqurylymdy jańǵyrtý aýyl ekonomıkasyn damytýǵa jańa serpin beredi.

Usynylǵan sharalardy tıimdi iske asyrý úshin respýblıkalyq Jol kartasynyń jobasy ázirlendi. Tirek jáne spýtnıktik aýyldardy jyldar boıynsha, 2027 jylǵa deıin damytý kestesin jasaý josparlanǵan. «Aýyl – El besigi» jáne basqa da memlekettik baǵdarlamalar sheńberinde árbir aýyldy qarjylandyrý kólemi men kózderin anyqtaý qajet. Aýyl ekonomıkasyn damytý kartasyn ázirlep, tıisti jobalyq qujattamany daıyndaý kerek.

«2027 jylǵa qaraı barlyǵy AО́K damytý, «BJK-2020», «Eńbek», jergilikti mańyzy bar avtojoldardy salý jáne jóndeý baǵdarlamalarymen birge qarjylandyrý 2 trln teńgeden asatany bolady», - dedi R. Sklıar. 

«Aýyl – El besigi» jobasyn iske asyrý 7 jyl ishinde 7 mln aýyl turǵyndarynyń ómir súrý sapasyn jaqsartýǵa múmkindik beredi. 7 myń km astam kentishilik kósheler salynyp, jóndeýden ótkiziledi. Barlyq aýyl halqy sapaly aýyz sýmen qamtylatyn bolady. Áleýmettik nysandardy jańǵyrtý boıynsha keń aýqymdy jumystar júrgiziledi.

Jalpy, barlyq sharalar kesheni aýyldardy odan ári serpindi damytýdy qamtamasyz etedi, bul óz kezeginde el ekonomıkasyna oń áserin tıgizedi.

Sońǵy jańalyqtar

21 jyl boıy qujatsyz júrgen

Aımaqtar • Keshe

VII PR forýmy Almatyda ótti

Aımaqtar • Keshe

Bas basylymnyń baıtaq belesi

Aımaqtar • Keshe

Qaıta oralǵan qumarshyq

Aımaqtar • Keshe

Termeshiler tereńnen terbedi

Ádebıet • Keshe

Haziretter qazynasy

Rýhanııat • Keshe

«Speshranda» saqtalǵan...

Rýhanııat • Keshe

Zań kerek!

Ekologııa • Keshe

El qurmeti erekshe

100 • Keshe

It júgirtip, qus saldy

Aımaqtar • Keshe

Senim hám serpin

Rýhanııat • Keshe

Uqsas jańalyqtar