Júrgizýshi «meıiz, jerjańǵaq, kúrish jarmasy» atty taýarlarǵa ilespe qujattaryn usyndy. Taýarǵa berilgen qujattarǵa sáıkes júkti jóneltýshi Shymkent qalasynan jeke kásipker, alýshy – Máskeý qalasynda jeke tulǵa.
Atalǵan avtokólikti tekserý kezinde jalpy salmaǵy 516 kg, somasy 156 mln teńge bolatyn 43 qorap qara bekire ýyldyryǵy tabyldy.
Jalpy osy zań buzýshylyqtar úshin QR QK 339-babyna sáıkes qylmystyq jaýapkershilik kózdelgen, ol úsh myń aılyq eseptik kórsetkishke deıingi mólsherde aıyppul salýǵa (7,6 mln teńge) ne sol mólsherde túzeý jumystaryna, ne segiz júz saǵatqa deıingi merzimge qoǵamdyq jumystarǵa tartýǵa, ne úsh jylǵa deıingi merzimge bas bostandyǵyn shekteýge, ne sol merzimge bas bostandyǵynan aıyrýǵa jazalanady.
Atalǵan fakti boıynsha materıaldar Aqtóbe oblysy boıynsha Ishki ister departamentine tapsyrý úshin daıyndalýda.
