«Men – jas anamyn. Kópbalaly otbasylarǵa arnalǵan «Baqytty otbasy» ortalyǵynda «Bıznes bastaý» baǵdarlamasynda oqyp jáne óz bıznesimdi bastaý múmkindigin aldym. Qazir SMM kýrsynda bilim alyp jatyrmyn. Kóptegen osyndaı kópbalaly analarǵa, ásirese, biz sııaqty jas analarǵa osy «Bıznes bastaý» baǵdarlamasy jarqyn bolashaqqa qol jetkizý múmkindigin syılady», – dedi kóp balaly ana Aınur Temirova
Joba trenıngi barysynda kýrstyń árbir qatysýshysy jattyqtyrýshynyń kómegimen kózdegen isterin ıdeıadan daıyn bıznes-josparǵa deıin damytýyna múmkindikteri bar. Bitirýshiler kýrsty támamdaǵan soń 505 myń teńge jáne 3 mıllıon teńge kóleminde memlekettik granttardy alý úshin baqtaryn synaı alady.
«Búginde osy joba boıynsha 154 adam oqýdy támamdady. Onyń ishinde 36 kópbalaly ana da bar. Bul baǵdarlamalar arqyly biz turǵyndardyń jumysqa ornalasýyna, óz jobalaryn iske asyrýlaryna kómektesemiz. Mınıstrliktiń tapsyrmasy boıynsha «Meniń kásibim» atty 10 jobany iske asyrdyq. Ásirese, taǵam ázirleý nemese vızaj sekildi jeke isterin ashýy úshin qarjy qajettiligi týyndaǵanda biz olardy oqytamyz. Bul jobada kóp balaly analarǵa shaǵyn nesıe berý de qarastyrylǵan», – dedi Almaty qalasy Jetisý aýdanynyń ákimi Maqsat Qıqymov.
ALMATY
