Kezdesý sporttaǵy dopıng máselelerine arnalǵan V Búkilálemdik Dopıngke qarsy konferensııa aıasynda ótti. Qazaqstandyq tarap dopıngpen qarsy erejelerdi buzǵany úshin jaýapkershilikti qatańdatý, Ulttyq dopıngke qarsy uıymnyń mártebesin arttyrý suraqtaryn qamtıtyn zań jobasy týraly keńinen aıtyp berdi. О́z kezeginde, Nıggle myrza Qazaqstan Úkimetiniń atalǵan baǵytta qolǵa alyp jatqan reformalaryn joǵary baǵalap, bolashaqta dopıngpen kúres máselesinde yntymaqtastyqtyń nyǵaıatynyna senim bildirdi.
Esterińizge salaıyq, dene shynyqtyrý jáne sportqa qatysty zań jobasy Májilistiń ekinshi oqylymynda maquldanyp, SQR Parlamenti Senatynyń qaraýyna jiberilgen bolatyn.
О́z kezeginde, Kazýhıro Haıashı dopıng-synamalardyń saqtalýy júıesiniń reformalanyp jatqanyn aıta ketti.
«Olımpıada oıyndaryna deıin alynǵan dopıng synamalar bolashaqta 10 jyl saqtalatyn bolady. Bul dopıng-synamalardy saqtaý men olardy qaıtadan saraptamadan ótkizýdiń jahandyq baǵdarlamasy bolmaq»,-dedi Haıashı.
Sonymen qatar, qos tarap dopıngke qarsy kodeks pen halyqaralyq dopıngke qarsy standarttardyń qaıta qaralý prosesin talqylady. Jańa halyqaralyq standartqa súıensek, qandaı da bir eldiń dopıngke qarsy agenttigi halyqaralyq kodekske saı kelmeıtin bolsa, sol eldiń sportshysy jarystan shettetiledi, onyń qatarynda Olımpıada oıyndary da bar.
Esterińizge sala keteıik, 2017 jyldyń jeltoqsanynda WADA uıymy dopıngke qarsy kodeks pen halyqaralyq dopıngke qarsy standarttardy qaıta qaraý prosesin bastaǵan bolatyn. Sodan beri 2000 túzetýler óńdelip, ózgeriske ushyraǵan qujatty álemdik zańgerler saraptaýdan ótkizgen bolatyn. 2017 jyldan beri qaralyp kele jatqan ózgerister Polshadaǵa konferensııanyń da basty taqyryptarynyń biri boldy.
Eske salsaq, 5 qarashada Polshanyń Katovıse qalasynda sporttaǵy dopıng máselelerine arnalǵan V Búkilálemdik Dopıngke qarsy konferensııa bastalǵan edi. Atalǵan jıynǵa búkil álemnen 1000-nan astam delegat qatysyp jatyr. Kún tártibinde – dopıngpen kúres máselesi. Sondaı-aq konferensııa barysynda Polshanyń sport jáne týrızm mınıstri Vıtold Banka Búkilálemdik Dopıngke qarsy Agenttik uıymynyń (WADA) basshysy bolyp taǵaıyndalady.
