Sport • 06 Qarasha, 2019

Voleıbol: Ardagerlerdi eske aldy

68 retkórsetildi

«Syrbar» Syrtqy barlaý qyzmetiniń qol­daýy­men «QR UQK Syrtqy barlaý ardagerleri» qoǵamdyq birlestigi Almaty qalasynda voleıboldan jarys uıymdastyrdy. Aıtýly shara osy salada eńbek etip, sporttyq saıystarda eleýli tabystarǵa qol jetkizgen ardager barlaýshylardy eske túsirýge arnaldy.  

Egemen el­diń erteńi – búgingi jas urpaq. Sondyqtan jas jetkinshek­terdi eńbekke baýlý, rýhanı-adamgershilik qasıetterge tárbıeleý – aǵa býynǵa júk­telgen mindetterdiń biri. Uzaq jyldar boıy syrtqy barlaý qyzmetiniń ardagerleri jas urpaqtyń sa­laýatty ómir súrýin qalyptastyrý baǵytynda kó­p­tegen ıgi ister atqarýda.

Jarystyń saltanatty ashylý rásiminde «QR UQK ar­da­gerleri» qoǵamdyq bir­lestigi Almaty fılıalynyń tóraǵasy Ábdimálik Raıymqulov pen «QR UQK Syrtqy barlaý ar­da­gerleri» qoǵamdyq bir­lestigi tóraǵasynyń orynbasary Berdihan Sársenbaev quttyqtaý sóz sóıledi. Al básekeler UQK-niń Syrtqy barlaý qyz­me­ti­ men Shekara qyzmeti, UQK Almaty qalasy boıynsha departamenti, UQK Akademııa­sy­ men UQK Arnaıy aqparattyq qyzme­ti komandalary arasynda ótti.

Syrtqy barlaý ardagerleriniń voleıbol komandasy TMD aýmaǵyndaǵy ja­rystarda san márte atoı salǵan. Bul ujymǵa uzaq jyldar boıy «Qazaq­stan Res­pýb­lıkasy UQK Syrtqy bar­laý ardagerleri» qoǵamdyq birlestik tóra­ǵa­synyń orynbasary mindetin atqarǵan, el­den tys jerlerde arnaıy operasııalardy oryn­dap, eki márte Qyzyl Juldyz, Aýǵanstannyń «Bi­rinshi dárejeli Jul­dy­zy» jáne «Ba­tyldyǵy úshin» ordenderi jáne kóp­te­gen jaýyn­ger­lik medaldarmen mara­pattalǵan polkovnık Ábdiǵapar Mır­manov jetekshilik etti. Aıtýly azamat 2017 jyly kóktemde qaıtys bol­dy. Qazir jyl saıyn sportshy ardagerlerimizdi eske alyp osyndaı týrnırlerdi ótkizý dástúrge aınalyrdyq. Sondaı-aq, osy salada uzaq jyldar boıy qyzmet et­ken marqum – polkovnıkter Turlybek Nııazqulov pen Anatolıı Pýshkarev dál osy komanda sapynda oınaǵan. «QR UQK ar­da­gerleri» qoǵamdyq birlestiginiń Almaty fılıalyn basqarǵan marqum Marat Shabanbaev ta sporttyń osy túrin ábden meńgergen, – dedi óz sózinde Berdihan Sársenbaev.

Asa shıelenisti ótken jarysta jeńimpaz atanǵan UQK Shekara qyzmeti aka­de­mııa­synyń komandasy aýyspaly kýbokqa ıe bol­dy. Ekinshi oryndy Syrtqy barlaý ardagerleri jeńip alsa, júldeli úshinshi oryndy shekarashy ardagerler ıelendi. Júlde alǵan komandalarǵa aqshalaı syılyqtar tabystaldy. Jarysqa qatysqan barlyq oıynshylarǵa «Syrbar» Syrtqy barlaý qyzmetiniń sım­vo­lı­kalary bar vympelder men kádesyılar ta­ratyldy.

 

ALMATY

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar