Memorandýmnyń maqsaty - «Bolashaq» halyqaralyq stıpendııasymen qosa shetelde kadrlardy daıarlaý, qaıta daıarlaý jáne biliktiligin arttyrýdyń halyqaralyq baǵdarlamalary aıasynda sybaılas jemqorlyqty jalpyǵa birdeı qabyldamaýdy qalyptastyrý, sonymen qatar sybaılas jemqorlyq quqyq buzýshylyqtar jasaýǵa yqpal etetin sebepter men jaǵdaılardy anyqtaý.
Kezdesý barysynda Agenttik Tóraǵasy mamandar irikteý kezinde sheteldik oqý oryndarynyń túlekterine, «Bolashaq» baǵdarlamasynyń stıpendıattaryna, magıstr jáne PhD doktory dárejesin ıelengenderge basymdyq beriletinin jáne Sybaılas jemqorlyqqa qarsy qyzmettiń 11 qyzmetkeri Eýropa men AQSh-tyń jetekshi joǵary oqý oryndarynyń túlekteri ekenin atap ótti.
Alık Shpekbaev «Bolashaq» halyqaralyq stıpendııasy arqyly túrli salalardyń, atap aıtqanda quqyq qorǵaý organdarynyń mamandaryn daıarlaý, qaıta daıarlaý jáne biliktiligin arttyrý júıesiniń mańyzdy róline basa nazar aýdardy.
Sonymen qosa, taraptar Agenttiktiń ortalyq apparaty men terrıtorııalyq bólimsheleri qyzmetkerleriniń jetekshi sheteldik joǵary oqý oryndarynyń, sondaı-aq tanymal álemdik ǵylymı-zertteý ortalyqtarynyń, kompanııalar men salalyq uıymdardyń bazasynda qysqa merzimdi taǵylymdamadan ótý máselesin talqylady.
Kezdesý sońynda Aınur Karbozova Alık Shpekbaevqa Halyqaralyq baǵdarlamalar ortalyǵynyń bastamasyn qoldaǵany úshin alǵys aıtyp, aldaǵy yntymaqtastyqqa daıyn ekendigin bildirdi.
«Halyqaralyq baǵdarlamalar ortalyǵy» AQ Prezıdenti Memorandýmǵa qol qoıý Sybaılas jemqorlyqqa qarsy qyzmet qyzmetkerleriniń biliktiligin úzdik álemdik tájırıbege sáıkes arttyrýǵa tyń serpin beretinin atap ótti.
Atalǵan maqsattarǵa qol jetkizý úshin taraptar Agenttik pen Halyqaralyq baǵdarlamalar ortalyǵy kúshin jumyldyra otyryp, sybaılas jemqorlyqqa qarsy saıasatty iske asyrýda jáne onyń kez-kelgen kórinisterine jol bermeýde ózara árekettesýdi arttyrýǵa kelisti.
