Otyrysqa memlekettik sáýlet-qurylys baqylaý basqarmasynyń, IIDM Qurylys jáne TKSh isteri komıtetiniń tehnıkalyq retteý jáne normalaý basqarmasynyń ókilderi, Ulttyq jobalaýshylar qaýymdastyǵynyń atqarýshy dırektory, Memsaraptama mamandary, QazQSǴZI sarapshylary jáne jobalaý jáne qurylys kompanııalarynyń ókilderi qatysty.
Is-sharanyń sheńberinde, QazQSǴZI damý jáne sıfrlandyrý jónindegi basqarýshy dırektory Aleksandr Shahnovıch Qazaqstan Respýblıkasynyń qurylys salasyna aqparattyq modeldeý tehnologııalaryn (VIM-tehnologııalaryn) engizý boıynsha 2017-2019 jyldardaǵy Is-sharalar josparyn júzege asyrýdyń qorytyndylaryn usyndy.
Otyrysta 4 normatıvtik-tehnıkalyq qujattardyń aǵymdaǵy redaksııalary qarastyryldy.
«Memsaraptama» RMK avtomattandyrý jáne VIM-tehnologııalary sektorynyń basshysy Salamat Serıkhalıev úshólshemdi elektrondy modelden jáne elektrondy qujattardan turatyn aqparattyq modeldiń saraptamasyn júrgizý boıynsha qanatqaqty jobany iske asyrý barysy týraly aıtyp berdi. Aıryqsha nazar QSAMT-da oryndalǵan pılottyq jobany qarastyrý kezinde paıda bolǵan qıyndyqtarǵa aýdaryldy.
Kásibı pikirtalas barysynda, saraptaý uıymy qurylys satysynda aqparattyq modelderge qoıylatyn talaptardy qalyptastyrý úderisine qyzyǵýshylyq bildirdi. Sarapshylardy elektrondy qujat aınalymyn júrgizý qajettiligi týraly másele qyzyqtyrdy, qurylys salasynyń biryńǵaı sıfrlyq portalyn paıdalanýǵa, qurylys-montajdaý jumystarynyń úderisterin uıymdastyrýǵa, sondaı-aq VIM qoldaný salasyndaǵy sheteldik áriptesterdiń jetistikterine erekshe kóńil bólindi.
Otyrysta sonymen birge tehnologııalyq kúrdeli obektilerdi jobalaý kezinde QSAMT paıdalaný týraly mindetti talaptardyń qoldanysqa engizilý kúnin qaıta qaraý týraly másele kóterildi. Jumys tobynyń qatysýshylary mundaı sheshim QR jobalaý uıymdarynyń QSAMT qoldanýǵa daıarlyǵy týraly zertteýlerdiń qorytyndylary boıynsha qabyldanýy múmkin degen oıǵa keldi.
«Qazaqstan Respýblıkasynyń ónerkásiptik jáne azamattyq qurylysyna aqparattyq modeldeý tehnologııalaryn engizý tujyrymdamasyna» sáıkes, 2020 jyldan bastap QSAMT paıdalaný memlekettik ınvestısııalardy paıdalana otyryp salynǵan tehnologııalyq kúrdeli obektiler úshin mindetti bolatynyn eske salamyz. Mysaly, aýrýhanalar men 600-den astam oqýshyǵa arnalǵan mektepter tehnologııalyq kúrdeli obektilerge jatqyzylady.
