Aımaqtar • 06 Qarasha, 2019

Úsh eldiń elshisi Batys Qazaqstanǵa keldi

109 retkórsetildi

Nıderland koroldigi, Ulybrıtanııa jáne Amerıka Qurama Shtattary memleketteriniń Qazaqstandaǵy Tótenshe jáne ókiletti elshileri Batys Qazaqstan oblysyna kelip, óńir basshysynyń orynbasary Serik Egizbaevpen kezdesti. Mártebeli meımandar saparyn Qarashyǵanaq munaıgazkondetsat kenishin ıgerýshi alıans músheleriniń biri «Shell» konserniniń tóraǵasy Olıve Lazar uıymdastyrǵan.

Sýretti túsirgen Meıirbek TÁJQURANOV

Oblys ákimdiginde ótken kezdesý kezinde Serik Egizbaev qonaqtarǵa Batys Qazaqstan oblysynyń áleýmettik-ekonomıkalyq damý barysy týraly qysqasha baıandap, alda josparlanǵan áriptestik baılanystar týraly sóz etti. 

- Shell kompanııasy Qazaqstanda, sonyń ishinde Batys Qazaqstan oblysynda 25 jyldan artyq ýaqyttan beri jumys istep keledi. Qarashyǵanaq kenishin ıgerýshi operatorlarynyń biri bolǵandyqtan, óńir basshylary men bizdiń aramyzda óte jaqsy qarym-qatynas qalyptasty. Biz osy óńirdiń ekonomıkalyq-áleýmettik sektorynyń damýyna múddeli áriptes boldyq jáne solaı qala beremiz. Osyndaı jyly da isker qarym-qatynasymyz úshin óńir basshylaryna alǵys bildiremiz. Nazarbaev zııatkerlik mektepterinde kún qýatyn paıdalaný jobasyn bastaǵanbyz, jaqynda mundaı stansa Oral qalasynda da iske qosyldy. Bizdiń osy jolǵy saparymyzdyń maqsaty – alda bolatyn yqtımal áriptestik jobalaryn aqyldasý, jergilikti bıznes qaýymdastyǵymen kezdesý. Sondaı-aq mártebeli meımandardy Qarashyǵanaq kenishindegi óndiris oryndarymen tanystyramyz, - dedi Shell konserniniń tóraǵasy Olıve Lazar.

AQSh-tyń Qazaqstandaǵy Tótenshe jáne ókiletti elshisi Ýılıam Mozer óz sózinde osyndaı saparlardyń óte paıdaly bolatynyn aıtady. «Bizdiń elderimiz arasyndaǵy ekonomıkalyq áriptestik jyl saıyn artyp keledi. Amerıkan bıznesi Qazaqstanǵa ınvestısııa salýǵa árdaıym yqylasty. Tek ekonomıka salasynda ǵana emes, óner men mádenıet taqyrybynda da ortaq jobalarymyz kóp. Osy saparymda óńirdiń erekshelikterin kózimmen kórip, ınvestısııa múmkindigin odan ári arttyramyz dep oılaımyn», deıdi Ýılıam Mozer.

Ulybrıtanııanyń Qazaqstan Respýblıkasyndaǵy Tótenshe jáne ókiletti elshisi Maıkl Gıfford óz eliniń Qazaqstan munaı-gaz, saýda sektorynda eń basty áriptes ekendigin aıta kelip, eki memleket arasyndaǵy taýar aınalymy 2,7 mlrd fýnt-sterlıngten asqanyn jetkizdi. Sońǵy úsh jyl ishinde ǵana eki eldiń 31 kompanııasy arasynda áriptestik ornaǵan.

«Biz barlyq salada jergilikti mazmunnyń kóbeıýine kóńil bólemiz. О́tken aıda Londonda Ulybrıtanııa men Qazaqtan arasyndaǵy saýda salasyn odan ári damytý týraly jıyn ótti. Bizdiń memleketter arasynda munaı-gaz, saýda, qarjy jáne bilim salalaryna basymdyq berilgen. Sońǵy 25 jylda «Bolashaq» baǵdarlamasymen shetelde bilim alǵan qazaqstandyqtardyń teń jarymy Ulybrıtanııany tańdaǵan eken. Osynyń ózi bizdiń memleketter arasyndaǵy tyǵyz qarym-qatynasty kórsetedi. Batys Qazaqstan oblysyna tuńǵysh saparymda óńirdiń ekonomıkalyq-áleýmettik áleýetimen jaqynyraq tanysyp, iskerlik jáne mádinı baılanysty odan ári tereńdetýge asyqpyn», deıdi óz sózinde Maıkl Gıfford.

Nıderland koroldiginiń elimizdegi Tótenshe jáne ókiletti elshisi Andre Karstens te astanada ǵana emes, óńirlerde ótetin osyndaı kezdesýlerdiń ekijaqty qarym-qatynasty kúsheıtýge kóp septigi tıetinin jasyrmady.

- Gollandııa jer kólemi jóninde shaǵyn bolǵanymen, Qazaqstanǵa eń kóp ınvestısııa salǵan memleket, biz muny maqtan tutamyz. О́zderińiz bilesiz, bizde qorshaǵan ortany qorǵaý máselesi jaqsy jolǵa qoıylǵan. Mysaly, paıdalanylǵan sýdyń 90%-dan astamy qaıta óńdeýge túsedi, - deıdi Andre Karstens.

Budan bólek, aldaǵy ýaqytta gollandııalyq ınvestısııanyń kómegimen Batys Qazaqstan oblysynda úlken joba – jylyjaı kesheni qurylysy bastalmaq. Elshiniń aıtýynsha, bul joǵary tehnologııanyń besinshi býynyna jatatyn ozyq keshen bolady. Aýmaǵy 50 gektardan asatyn jylyjaıda jylyna 40 myń tonnadan asatyn ónim alynbaq. Keshende baý-baqsha jáne gúl alqaptary sýdy óte únemdi paıdalanady. «Jylyjaıdyń ónimi tek Qazaqstanǵa emes, jaqyn shetelderge de eksporttalady», deıdi elshi myrza.

Batys Qazaqstan oblysy ákiminiń orynbasary Serik Egizbaev álemniń damyǵan elderiniń elshilerin Aq Jaıyq óńiriniń týrıstik áleýetin paıdalanýǵa, kórkem múıisterin tamashalaýǵa shaqyrdy.

 

Batys Qazaqstan

Sońǵy jańalyqtar

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Jańǵyrǵan Jambyl óńiri

Aımaqtar • Keshe

Baǵa QR kodtar arqyly beriledi

Medısına • Keshe

Rýhanı ráýishtegi tartý

Aımaqtar • Keshe

Turar taǵdyrynyń taǵylymy mol

Rýhanııat • Keshe

Orynbor jáne qazaq zııalylary

Rýhanııat • Keshe

El erteńi – jalyndy jastar

Prezıdent • Keshe

Uqsas jańalyqtar