Qoǵam • 07 Qarasha, 2019

Basty maqsat – suranysqa saı maman daıarlaý

14 retkórsetildi

Elordada Eńbek jáne halyqty áleýmettik qorǵaý mınıstri Birjan Nurymbetovtiń tóraǵalyǵymen Kásiptik standarttardy ázirleý jónindegi basqarýshy komıtettiń otyrysy ótti. Otyrysta «Aqparattyq tehnologııalar», «Baılanys», «Innovasııalyq qyzmet» jáne «Energetıka» salalary úshin kásibı standarttardy daıyndaý barysy talqylandy.

«Eger bizdiń elimizde ekonomıkanyń suranysyna saı mamandar daıarlaý kerek desek, onda tıisinshe ulttyq biliktilik júıesin qalyptastyrǵan jón. Ulttyq biliktilik júıesi negizinen úsh bólimnen turady. Birinshisi, jumys berýshiniń, ıaǵnı erteń sol mamandy jumysqa qabyldaýshynyń jas mamannyń bilimine, daǵdysyna degen talap. Sol talapty kásiptik standart dep ataıdy. Kásiptik standartty ázirlegennen keıin oǵan bizdiń bilim berý standarttary men baǵdarlamalary beıimdelýi, ne bolmasa soǵan qatysty ázirlenýi kerek. Sol kezde bilim berý oshaqtary ekonomıkanyń suranysyna saı mamandardy daıarlaıdy. Ulttyq biliktilik júıesiniń kelesi bir bóligi – alǵan bilimdi táýelsiz baǵalaý. Mysaly, bizde ýnıversıtet, ınstıtýt, kolledj bolsyn, stýdentterdi daıarlaıdy da dıplomyn qolyna beredi. Sol dıplomy bilimin rastaıtyn qujat sanalady. Biraq dúnıe júzindegi barlyq damyǵan elderde tálimgerdiń dıplomyna qaramaı, onyń bilimin rastaıtyn táýelsiz biliktilik ortalyqtary jumys isteıdi. Olar stýdentterdiń biliktiligin rastap, sol sertıfıkaty arqyly jumys berýshiler qalaǵan mamandaryn qabyldaı alady. Onyń quny men baǵasy joǵary. Sondyqtan biz osyndaı júıeni qalyptastyrýdamyz. Dúnıejúzilik banktiń zertteýi boıynsha búkil ekonomıkamyzdy qamtý úshin 550 kásiptik standart qajet. Osy joba arqyly byltyr sonyń 70 kásiptik standartyn ázirlegenbiz. Qalǵan 480 standartty jyldyń sońyna deıin ázirleýimiz kerek», dedi Birjan Nurymbetov.

Bul rette «elimizdegi Joǵary oqý oryndary kásiporynǵa saı keletin maman daıarlaı almaı jatyr ma?» degen jýrnalıstiń suraǵyna mınıstrdiń ja­ýaby bylaı boldy:

«Bizde eńbek naryǵynda suranysqa daıarlanǵan mamandarymyz saı kelmeıdi. Zańger nemese ekonomıst kóp. Sol negizgi másele bolyp otyr. Qazir eńbek naryǵynyń suranysy ózgeshe. Osy rette kóptegen zertteý jasalyp jatyr. Eńbek naryǵynyń suranysy joǵary bilimdi mamandarǵa emes, orta, arnaıy kásibı bilimi bar mamandarǵa 75 paıyz muqtaj deýge bolady. Ár adam óz balasyn joǵary bilim alsyn, zańger, ekonomıst bolsa eken deıdi. Biraq eńbek naryǵyn da esten shyǵarmaýymyz kerek. Ulttyq biliktilik júıesin qalyptastyrýdaǵy negizgi mindetterimizdiń biri – osy máseleni sheshý. Ár salanyń óziniń eńbek erekshelikteri bar. Biraq barlyǵynyń talaby bir. Qazirgi talap sol saladaǵy mamandar qandaı bolýy kerek degen qaǵıdalardy kásiptik standartqa engizý», dedi mınıstr.

Sondaı-aq atalǵan sharaǵa Mádenıet jáne sport, Sıfrlyq damý, ınnovasııa jáne aeroǵarysh ónerkásibi, Energetıka vıse-mınıstrleri, túrli saladaǵy kásiptik standarttardy ázirleýshiler, «Atameken» UKP jáne «Ernst & Young» konsaltıngtik kompanııasynyń ókilderi qatysty. Salalyq biliktilik sheńberi men «Týrızm» salasyndaǵy kásiptik standarttardy damytý týraly Mádenıet jáne sport vıse-mınıstri О́rken Bısaqaev, Aqparattyq tehnologııalar, Baılanys jáne Innovasııalyq qyzmet salalary boıynsha Sıfrlyq damý, ınnovasııalar jáne aeroǵarysh ónerkásibi vıse-mınıstri Ashat Orazbek, Energetıka salasy boıynsha Energetıka vıse-mınıstri Suńǵat Esimhanov tıisti aqparattardy ortaǵa saldy. 

Jıyn sońynda Birjan Nurymbetov ortalyq memlekettik organdarǵa sala­lyq komıssııalardaǵy kásiptik standart­tardyń úılesimin qamtamasyz etýdi jáne olardy bekitilgen kestege sáı­kes «Atameken» UKP-ǵa joldaýdy, so­nymen qatar ázirleýshilerdiń esker­týlerin ýaqtyly ázirleýdi, bıyl 15 qara­shaǵa deıin «Ernst & Young» sarapta­masyn alýdy aıaqtaýdy tapsyrdy. Ázir­leýshilerge kestege sáıkes saraptama nátıjeleri boıynsha alynǵan esker­tý­lerdi joıý jáne bekitilgen KS pen bas­qa da kásiptik standarttardy eske­re otyryp, ázirlenip jatqan kásip­tik standarttardaǵy kásipterdiń qaıta­lanýyn boldyrmaýdy tapsyrdy. 

 

Sońǵy jańalyqtar

Altaıda 60 kóshe jóndeldi

Aımaqtar • Búgin, 06:54

Úmitińdi úzbe, úlesker...

Qoǵam • Búgin, 06:51

Ulylar murasy – urpaqqa ónege

Aımaqtar • Búgin, 06:42

«Atyńnan aınalaıyn, Áýlıe ata»

Rýhanııat • Búgin, 06:40

Paralımpıadalyq nysandy aralady

Úkimet • Búgin, 06:24

El ardaǵy – elý esim

Qoǵam • Búgin, 06:20

On aıdaǵy ornyqty damý

Ekonomıka • Búgin, 06:17

Strategııalyq yqpaldastyq artady

Parlament • Búgin, 06:09

Mıssııa basshysymen kezdesti

Úkimet • Búgin, 06:08

Kúlki kerýeni № 14

Rýhanııat • Keshe

176 keli qyzylbalyqpen ustaldy

Aımaqtar • Keshe

6 myń shaqyrym jol aqyly bolady

Ekonomıka • Keshe

Arnaıy ekonomıkalyq aımaq

Ekonomıka • Keshe

Qaharmanǵa qurmet

Rýhanııat • Keshe

Maqsaty bıik «Mámile»

Aımaqtar • Keshe

JITS-ke qarsy is-sharalar ótedi

Medısına • Keshe

Talanttar tálimgeri

Rýhanııat • Keshe

Aqyn jáne onyń mýzasy

Rýhanııat • Keshe

Aýadan qarmaǵan aıyppul

Aımaqtar • Keshe

Uqsas jańalyqtar