Qoǵam • 07 Qarasha, 2019

Azamattardyń talap-tilekteri tyńdaldy

19 retkórsetildi

Keshe Nur Otan partııasynyń Respýblıkalyq qoǵamdyq qabyldaý bólmesinde «Egemen Qazaqstan» respýblıkalyq gazeti» AQ Basqarma tóraǵasy, Nur Otan partııa­sy Saıası keńesi bıýrosynyń múshesi Darhan Qydyráli azamattardy qabyldady. Qabyldaýǵa kelgen azamattar ózderin tolǵandyrǵan máselelerimen bólisti.

Respýblıkalyq qoǵamdyq qabyldaý bólmesine kelgen ardager jýrnalıster Oraz Júnis pen Túgel Mádenov termınder men ataý sózderge qatysty máseleni kóterdi. Olardyń aı­týynsha, qoldanystaǵy qap­tama, zertteme, orama syndy keıbir ataý sózder men termınder qazaq tiliniń zańdylyǵyna qaıshy. Oraz Júnis birneshe jyl JOO-da qazaq tilinen sabaq bergenin, til máselesi óte názik másele ekenin aıtty. Ardager jýrnalısterdiń óz usy­nystary da joq emes. Darhan Qydyráli azamattardyń ti­legi Respýblıkalyq termı­no­logııalyq komıssııaǵa tapsyrylatynyn, Nur Otan partııasy Saıa­sı keńesi bıýrosy baqylaýda ustaıtynyn jet­kizdi.

Odan keıin aýdan ákim­di­ginde hatshy, mektep dırek­tory bolyp qyzmet etken Qa­dylbek Jaǵyparov alpysqa tarta án shyǵarǵanyn, óleń­der jazǵanyn aıta kele, án­derin notaǵa túsi­rip berý múmkindikteri týraly sóz qozǵady. «Alpysqa jýyq án jazdym. Onyń árqaı­sy­syn notaǵa túsirý úshin qomaq­ty qarjy kerek. Osy oraıda ánderimdi notaǵa túsirip berýge múmkindik jasasańyz degen tilegim bar. Olardy jaqynda jaryq kóretin kitabyma qossam, balalaryma mura bolyp qalsa degen armanym bar», dedi. Zeınetkerdiń tilegi Nur-Sultan qalalyq fılarmonııasyna joldanatyn boldy.

Qytaıdan oralǵan qan­da­symyz Qaırat Qasymbek baǵ­darlamalardy qazaq tiline aýdarýmen aınalysady eken. Ol búgingi qabyldaýǵa IT tehnologııalary arqyly qazaq tilin túrkitildes halyqtardyń ortaq tiline aınaldyrý usynysymen kelgen. Onyń aıtýynsha, arnaıy dybystyq aýdarmashy-baǵdarlamalar arqyly qara­paıym qoldanýshyǵa yńǵaı­ly ári tilimizdiń órisin keńeı­tetin múmkindik bar. Darhan Qydyráli Memleket basshy­sy­nyń qazaq tili tek memlekettik til emes, elimizdegi ózge ult­tar­dyń da qoldanatyn tili ekenin aıta kelip, azamattyń máselesi til komıtetine joldanatynyn málimdedi. 

Nur Otan partııasy Saıası keńesi bıýrosynyń múshesi Darhan Qydyráli azamattardyń qazaq tili, mádenıeti, rýhanııatyna qatysty máselelermen qabyldaýǵa kelýi halyqtyń Nur Otan partııasyn aryz-tilek­terine sheshim tabatyn oryn retinde kóretinin dáleldeıdi deıdi. Búgin tyńdalǵan tilek-talaptar tıisti mekemelerge joldanatynyn, jaýapsyz qal­maıtynyn aıtty.

Sońǵy jańalyqtar

Túlkibasta «Ana men bala» monýmenti ashyldy

Rýhanııat • Búgin, 16:41

Termınge saýattylyq kerek

Qoǵam • Búgin, 15:33

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Uqsas jańalyqtar