100 • 07 Qarasha, 2019

Gazettiń toıy Kókshege ortaq

34 retkórsetildi

Kórikti Kókshe óńirinde respýblıkalyq «Egemen Qazaqstan» gazetiniń 100 jyldyq mereıtoıy keńinen atalyp ótýde. Oblys aýdandarynda oqyrmandarmen jyly júzdi kezdesýler ótkizilip, aǵa gazettiń ótken tarıhyn qamtyǵan shapaǵatty sholýlar jasalyp, búgingi bederli beınesine súısinister aıtylýda. 

Osyndaı mazmuny tolymdy, áseri aıta qalarlyq kezdesý Selıno­grad aýdanynyń ortalyǵy – Aqmol­da ótkizildi. «Egemenniń» ótken tarıhyn qamtıtyn kórme uıymdas­tyrylypty. Osy gazette qyzmet etken qalamgerlerdiń ár jyldary jaryq kórgen jınaqtary da menmundalap tur. Jergilikti ónerpazdar Arqanyń tórt alyby – Balýan Sholaq, Aqan seri, Birjan sal, Úkili Ybyraı ánderin shyrqady. Ánmen ajarlanǵan kezdesýge «Egemen Qazaqstan» gazeti­niń jaýapty hatshysy Samat Musa, «Egemen Qazaqstannyń» ardageri Baqbergen Amalbek qatysty.

– Aǵa gazet qazir el táýel­siz­digin bekem­dep, irgesin beki­týge aıryqsha atsalysyp otyr, – de­di aýdan ákimi Málǵajdar Tát­ke­ev oqyrmandarmen kezdesýdi ash­qan sózinde. – Nazar salyp qara­sańyz­dar, basylymdaǵy ár materıal­dan eldikti kóksegen oıdy ańǵarar edińizder. Maǵan, ásirese, jurtshy­lyq­ty jaqsy isterge baǵyttaıtyn, jaq­sylyqty nasıhattaıtyn, el­dik­­ke uıytqy bolatyn salmaqty sózi unaıdy. Aǵa gazet dep emes, Alash­tyń qamyn oılaǵan aqsaqal keıpindegi, aýzy ýáli, sózi bátýaly ata gazet dep aıtar edim. Shynynda da, aqyl­man atanyń jasyna jetip otyr ǵoı. Ǵumyrly bolsyn.

Júzdesýge kelgen jýrnalıster qaýy­my júz jyldyq jylnamadan este­likter aıtysty. Basylymǵa ár jyldary basshy bolǵan ıgi jaq­sylardyń shyǵarmashylyq qyz­meti men ult úshin eńbek etken qııapat jumystary kóldeneń tar­tyl­dy. Bul týraly tarıh páni­niń muǵalimi Serik Qanafın, Se­lı­nograd aýdandyq ákimdiginiń qyz­metkeri Dıdar Oralbek óz lebiz­de­rin bildirdi.

Ba­sylym betinde memlekettik, ulttyq mańyzy bar máselelerdiń oryndy ári ótkir kóterilýi de gazet­ oqyr­mandarynyń kóńilinen shyǵyp otyrǵandyǵyn ańǵarýǵa bola­dy. Osy oraıda kezdesý barysynda keleli má­se­le­ler kóterildi. Taratyp aıt­saq, taqyryp aıasy bylaısha óris­­te­mek.

– Qazaq tiliniń qýatyn, kórkem­di­gin biz osy gazetten úırene­miz. Keı­de kóp qoldanyla bermeıtin arhaızm sózder de kezdesip jatady. Keı­bireýler durys uqpaǵanymen, qazaqtyń bar sózi óz boıaýymen jazylǵany durys. Áıtpese tilimiz jutań, jadaǵaı qalypta qalady. Ti­li­mizdi tiriltip otyr­ǵan osy ba­sy­­lym, – dedi gazet oqyrmany Serik Qanafın.

Shortandy aýdanynda da «Egemenniń» toıy gazet oqyrmandaryn bir serpiltip tastaǵan áserli keshke aınaldy. Jınalǵan qaýym merekege arnaıy uıymdastyrylǵan «Egemen Qazaqstan» taqyrybyndaǵy kór­me­ni tamashalady. Júzdesý barysynda oqyrmandar aǵa gazet kóterip otyrǵan qadaý-qadaý taqy­ryptar tóńireginde ózde­riniń kóki­rek­te­rin­de júrgen nárli sózderin tilge tıek etti.

– Bizdiń aýdanda attóbelindeı ǵana jergilikti ult ókilderi bar, – dedi aýdandyq ishki saıasat bó­liminiń basshysy Sáýle Qa­seno­va. – Gazet bizge rýhanı azyq bo­lyp otyr. Men, ásirese, tul­ǵa­­lar taqyrybymen beriletin Alash­tyń jaqsy-jaısańdarynyń óne­geli ómiri men ultqa sińirgen eńbegi jaıly súısinip oqımyn. Ga­zetti turaqty oqyǵan adam kóp jaıǵa qanyq bolatyndyǵy aıdan anyq.

Osyndaı kezdesý qııandaǵy Jar­­qaıyń aýdanynda da ótkizildi. Jýr­­­nalıstermen júzdesýge aýdan­da­­ǵy zııaly qaýym, aǵa gazettiń tu­raq­ty oqyrmandary jınaldy.

– Aǵynan jarylyp aq sóı­leı­tin aǵa gazettiń toıy biz úshin de qýanysh,–dedi aýdan ákimi Murat Bal­pan. – Bul toı jalǵyz gazettiń ǵana toıy emes, bar­lyq oqyr­mandar úshin aq túıeniń qarny jarylǵan uly­ toı. О́zimiz kún saıyn gazetti qalt jibermeımiz. Ba­sy­­lymnyń búgingi beınesi kóp kóńilinen shy­ǵýda. Bezendirilýi de kórkem. Qa­zir­­gi naryq zamanynda gazet
taýar esebinde. Eger onda oqyrlyq materıal bolmasa, oqyrmannyń qolyna kórkemdelip, bezendirilip tımese, jazylymy da olqy bolar edi.

Kezdesý barysynda ustazdar qaýymy «Egemen Qazaqstan» ga­ze­tiniń bilim salasyn tereńnen qaýzap jazyp jatqandyǵyn, onyń ózderiniń kúndelikti sharýasyna septigin tıgizetindigin aıtyp, rızashylyq lebizderin bildirdi. Zamana tynysyn tamyrshydaı tap basyp otyrǵan ustazdardyń aıtýy­na qaraǵanda, bul kúnde bel alyp turǵan áleýmettik jelilerdiń qaısybirinde jarııalanǵan dúnıe­ler­­diń kóbi adam senbeıtin jaılar. Aqıqat sóz, adal sóz arly gazette. Arly gazet – júz jyldyq tarıhy bar «Egemen Qazaqstan» gazeti.

Kókshelik oqyrmandar kópshilik súıip oqıtyn basylymnyń baǵasy salmaqty sózinde ekendigin sanalarymen túısinip otyr. Jaqsylyqqa jaqyn turatyn jurtshylyq júz jyldyq toı el úshin sińiriler eńbektiń taǵy bir jarqyn bastaýy, asqaq belesi desedi. «Belesten beleske beli talmaı jete bersin, el gazeti – «Egemen»!» dep aq tilekterin joldap qaldy.

 

Aqmola oblysy

 

 

Sońǵy jańalyqtar

Altyn Adam Afınada

Qazaqstan • Búgin, 18:40

Almaty kógaldandyrýdy kúzden bastaıdy

Aımaqtar • Búgin, 17:21

Arys qalasynda 100 otbasy baspanaly boldy

Aımaqtar • Búgin, 17:18

Jer jamylǵysy sortańǵa aınalyp barady

Ekologııa • Búgin, 17:12

Almatyda janarmaı beketi órtendi

Aımaqtar • Búgin, 16:29

Mańǵystaýda qylmysy kóp sala anyqtaldy

Aımaqtar • Búgin, 15:50

Elordada halyqaralyq bıznes-forým ótti

Qazaqstan • Búgin, 15:17

Bıýdjet qarjysy boıynsha kezdesý boldy

Qazaqstan • Búgin, 10:54

Tartymdylyq tereńdeı túspek

Aımaqtar • Búgin, 09:37

Jańyltpash jaýaptar kimge qajet?

Aımaqtar • Búgin, 09:17

Jaıylymǵa baǵylmaǵan jylqy da qaýipti

Aımaqtar • Búgin, 09:12

Qorǵanys-ónerkásip kesheni

Qoǵam • Búgin, 07:59

Úzdikter marapattaldy

Fýtbol • Búgin, 07:57

Jastar jarady

Sport • Búgin, 07:51

Jerlesterimiz joǵarylady

Kásipqoı boks • Búgin, 07:50

Maskúnemderdi marapattaıtyn medal

Aımaqtar • Búgin, 07:44

Jańa kezeń jáne ulttyq dúnıetanym

Aımaqtar • Búgin, 07:34

Front-keńse ashyldy

Aımaqtar • Búgin, 07:31

Qorshaýdan qutylǵan qala

Qoǵam • Búgin, 07:28

Qazaqstandyq BAQ hám din taqyryby

Qoǵam • Búgin, 07:26

Tehnıkalyq baıqaý talapqa saı ma?

Qoǵam • Búgin, 07:19

Qarapaıym edi-aý Qalekeń

100 • Búgin, 07:14

Sózi de, izi de qalǵan qalamger

100 • Búgin, 07:03

Anaǵa taǵzym etińder!

Rýhanııat • Búgin, 06:57

Úmitińdi úzbe, úlesker...

Qoǵam • Búgin, 06:51

Ulylar murasy – urpaqqa ónege

Aımaqtar • Búgin, 06:42

«Atyńnan aınalaıyn, Áýlıe ata»

Rýhanııat • Búgin, 06:40

Paralımpıadalyq nysandy aralady

Úkimet • Búgin, 06:24

El ardaǵy – elý esim

Qoǵam • Búgin, 06:20

On aıdaǵy ornyqty damý

Ekonomıka • Búgin, 06:17

Strategııalyq yqpaldastyq artady

Parlament • Búgin, 06:09

Mıssııa basshysymen kezdesti

Úkimet • Búgin, 06:08

Uqsas jańalyqtar