Qoǵam • 07 Qarasha, 2019

iKOMEK 109 – SMS arqyly jańa servıs iske qosyldy

581 ret

kórsetildi

1 mın

oqý úshin

iKOMEK 109 elorda turǵyndaryn SMS-habarlandyrý boıynsha jańa servısti iske qosty. Nur-Sultan qalasy ákimdiginiń iKOMEK 109 «Qalalyq monıtorıng jáne jedel áreket etý ortalyǵynyń» PR-qyzmetiniń habarlaýynsha, atalǵan ortalyq elorda turǵyndarymen jáne qonaqtarymen keri baılanys servısin jaqsartý maqsatynda Biryńǵaı baılanys ortalyǵyna 109 qysqa nómiri arqyly berilgen ótinishter boıynsha SMS-habarlandyrý qyzmetin iske qosady.

Egemen Qazaqstan

iKOMEK 109 – SMS arqyly jańa servıs iske qosyldy

Bul SMS-habarlandyrýlar turǵyndardy ótinishterdiń oryndalý dárejesi týraly ýaqytyly habardar etýge múmkindik beredi. О́tinishtiń atqarylý dárejesin egjeı-tegjeıli qaraý úshin qalanyń iKOMEK.city portalyna ótý qajet. О́tinish sheshimimen tanysqannan keıin turǵynǵa pikir qaldyryp, oryndalǵan jumystar sapasyn baǵalaý usynylady.

Sonymen qatar árbir ótinishke kirý kody keledi, ol ýaqyt óte kele ótinishtiń oryndalý dárejesin qaıta qaraýǵa múmkindik beredi. Bul úshin portal arqyly ótinishtiń SD men kirý kodyn engizip, atqarylý dárejesin tekserý qajet. Osy jańashyldyq 109 qysqa nómirine uıaly telefonnan qońyraý shalý arqyly ótinish berýdi jón kóretin turǵyndarǵa ótinish boıynsha sheshimmen onlaın rejimde tanysýǵa múmkindik usynady.

Esterińizge sala keteıik, ótinishti balama kózder (WhatsApp jáne Telegram chat-bottary, iKOMEK 109 mobıldi qosymshasy nemese elorda ákimdiginiń saıty) arqyly bergen jaǵdaıda ótinishtiń oryndalý dárejesi týraly habarlandyrýlardy turǵyndar avtomatty túrde alady.