Qoǵam • 07 Qarasha, 2019

Dala dıdary

67 retkórsetildi

Álı Baqtygereevtiń qoltańbasynda dala dástúri, urpaq sabaqtastyǵy, ult tarıhy dara mánge ıe. Keskindemeniń plastıkalyq-obrazdyq júıesin jáne alýan túrli kom­po­zısııalyq sheshimderdi jiti meńgergen sheber bul taqyrypqa kelgende erekshe shabyttana túsetindeı. Onyń týyn­dylary stılıstıkalyq mádenıetke, erekshe kóńil kúıge, mahabbat men meıirim shýaǵyna toly.

Qylqalam sheberi dala ha­lyqtarynyń dástúrine, máde­nıeti men turmysyna asqan sezimtaldyqpen den qoıǵan. Kez kelgen týyndyger ańǵara bermeıtin jeke qubylystarǵa jan-jaqty kóz­qaraspen umtylysy sýret­shini ulttyq ta­qyryptyń etnoromantıkalyq bıik satysyna jeteleıdi. Tanym men taǵylym, ult tarı­hynyń boıa­masyz beınesi, dá­ýir shyndyǵy sýretshiniń shy­ǵarmashylyq kredosy dersiz.

Ol sýretshi retinde de, pedagog retinde de qazaq zamanaýı keskindeme mektebiniń damýyna zor úles qosty. Us­taz­dyqpen ótken 25 jyl ishin­de O.Tańsyqbaev atyn­daǵy Almaty sándik-qol­dan­baly óner kolledjiniń qa­byr­ǵa­synda eren júırik sýret­shilerdiń tutas bir shoǵyryn shyńdap shyǵardy. Shákirtteri qazirgi tańda «Baqtygereevtiń mektebi» sýret ónerinde ózine tán órnegin qalyptastyrǵan, ulttyq minezge baı mektep ekenin dáleldep keledi.

Á.Qasteev atyndaǵy óner mýzeıindegi «Alaý» dep atalǵan kórmeniń ekspozısııasyndaǵy Baq­tygereev shyǵarma­shy­ly­ǵy­nyń ártúrli kezeńin qam­tyǵan 80-ge jýyq keskin­demelik kartına kórermenniń oıy men kóńilin tereńge tartady. Bul turǵyda daryn­dy qylqalam sheberiniń «Kósh», «Batyr», «Kúnniń ba­týy», «Áýez», «О́mir», «Kesh» sekil­di áserli de áýezdi shyǵar­ma­laryn aıryqsha ataı ketken jón. Kórmede sonymen qatar sýretshiniń halyqaralyq jáne respýblıkalyq konkýrs­tarda top jaryp júrgen shákirt­teriniń týyndylary da top­tas­tyrylypty. Bul óz keze­ginde degdar ónerdiń tereń dińinen nár alyp, ónegeli ómi­­rin ustazdyq jolmen ush­tastyrǵan týyndygerdiń izde­nis izderi keńge qanat jaı­ǵanyn áıgileıdi.

«Onyń shyǵarmashylyq álemi ulttyq dástúr baı­ly­ǵymen tyǵyz baılanysty. Ol adam janynyń jylýyn dál, anyq beretin tehnıkalardy artyq kóredi. Kórkemdik stıli men qoltańbasy, taqy­ryptary men sıýjetteri erekshe. «Alaý» toptyq kórme ekendigine qaramastan, ekspo­zısııanyń basty bóligin Á. Baqtygereevtiń týyndylary quraıtyndyqtan, kórmeni beıneleý óneri sheberiniń ózindik birinshi jeke kórmesi dep aı­týǵa bolady», – deıdi kórme je­tekshisi Erkejan Omarova.

 

ALMATY

 

Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar