Qoǵam • 07 Qarasha, 2019

Túrkistan: Kásipkerlerdiń kómegimen salynǵan sporttyq nysandar qatary kóbeıe túsýde  

32 retkórsetildi

Túrkistan oblysy Tólebı aýdanynyń ortalyǵy Leńgir qalasynda bir mezette 200-den astam adam jattyǵa alatyn zamanaýı úlgidegi sporttyq-saýyqtyrý kesheni paıdalanýǵa berildi.

Memlekettik-jekeshelik áriptestik negizinde salynǵan jobanyń quny - 434,6 mln teńge. Negizgi qurylysyn «Aslaı» JShS-i júrgizgen keshende 1400-den astam jasóspirimniń sporttyń fýtbol, voleıbol, basketbol, kúres, boks, sambo, karate, badmınton, ústel tennısi, dzıýdo, grek-rım syndy túrlerimen aınalysýyna múmkindik jasalǵan. «Sporttyq-saýyqtyrý keshenine jasóspirimder men eńkeıgen qartqa deıin kelip jattyǵýyna bolady. Iаǵnı, eresekterge arnalǵan arnaıy jattyǵý zaly da bar. Sporttyq nysan ishi arnaıy quraldarmen jabdyqtalyp, kelýshilerge jaǵdaı jasalǵan», – deıdi «Aslaı» JShS dırektory Abzal Taǵaıuly.

Tólebı aýdanyna issaparmen barǵan oblys ákimi О́mirzaq Shókeev sport kesheniniń ashylý saltanatyna qatysty. Jasóspirimder arasynda basketboldan oblystyq týrnırdiń qatysýshylaryna sáttilik tilegen oblys ákimi óńirde sportty damytý maqsatynda kóptegen nysan boı kóterip jatqanyn atap ótti.

«Mysaly, Túrkistanda úlken fýtbol stadıony, Oqýshylar saraıy, 50 metrlik basseın, voleıbol, basketbol, gandbol zaldary salynyp jatyr. Sonymen qatar barlyq aýdanda osy sekildi sport ortalyqtary, zamanaýı saýyqtyrý keshenderi ashylýda. Bul sporttyq keshenniń jasóspirimderdiń jetilip, ósýinde mańyzy óte zor. Barlyq jaǵdaı jasalǵan keshende shynyqqan jastarymyz sporttyq básekelerde jeńimpaz atanyp, baıraǵymyzdy bıiktetedi dep oılaımyz», – dedi О́mirzaq Shókeev.

Oblystyq Adamı áleýetti damytý basqarmasy men Dene shynyqtyrý jáne sport basqarmasy uıymdastyrǵan týrnırge barlyq aýdannan komandalar qatysty. Aıta ketelik, aýdan ákimi Baýyrjan Omarbekovtiń uıymdastyrýmen júzege asyp jatqan úılesimdi tirlikterdiń nátıjesinde turǵyndardyń sportpen turaqty túrde aınalysýyn qamtý maqsatyndaǵy nysandar qatary kóbeıe túsýde. Búginde 364 sporttyq nysanda 35 myńnan astam adam sportpen aınalysýda. Odan bólek, kúni keshe Birinshi Mamyr aýyldyq okrýgi Beınetkesh aýylynda jeke kásipker Baǵıla Áshirbaevanyń demeýshiligimen «Baıterek» jabyq shaǵyn fýtbol alańshasy ashyldy. Sondaı-aq Qasqasý aýylynan jeke kásipker M.Qozybaqovtyń demeýshiligimen quny 150 mln teńgelik sporttyq saýyqtyrý kesheniniń qurylysy júrgizilýde.

 

Túrkistan oblysy

Sońǵy jańalyqtar

Atyraýlyqtar taǵy da úzdikter qatarynda

Aımaqtar • Búgin, 19:19

Táýelsizdik – tuǵyrym

Aımaqtar • Búgin, 17:01

Arhıv ǵımaratyna eskertkish taqta ornatyldy

Rýhanııat • Búgin, 16:43

Jas otbasylar baspanaly boldy

Aımaqtar • Búgin, 16:16

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Uqsas jańalyqtar