«Fransııa - Qazaqstannyń Eýropadaǵy negizgi seriktesteriniń biri. Bizdiń elderimizdiń arasyndaǵy ınvestısııalyq jáne saýda-ekonomıkalyq yntymaqtastyq belsendi damýda. Fransýz kompanııalary energetıka, aýyl sharýashylyǵy, mashına jasaý jáne Qazaqstan ekonomıkasynyń basqa da sektorlarynda keńinen tartylǵan», — dedi A.Mamın.
Bıyl 9 aıda Qazaqstan men Fransııa arasyndaǵy taýar aınalymy 6%-dan astamǵa, $3,4 mlrd-qa deıin ósti. Qazaqstan ekonomıkasyna tikeleı fransýz ınvestısııalarynyń aǵymy osy jyldyń birinshi jartysynda 24%-ǵa $537 mln-ǵa deıin artty.
Qazaqstanda túrli salalarda fransýz kapıtalynyń qatysýymen 230-ǵa jýyq kásiporyn jumys isteıdi, onyń ishinde Total, Orano, Alstrom jáne basqalary tárizdi iri transulttyq korporasııalar bar. Táýelsizdik jyldary Fransııa kompanııalary Qazaqstanǵa $16,4 mlrd-tan astam ınvestısııa saldy.
Úkimet basshysy men fransýz kompanııasynyń ókilderi eki eldiń bıznes qurylymdary arasyndaǵy ózara tıimdi yntymaqtastyqty nyǵaıtý jáne Qazaqstanda birlesken jańa ınvestısııalyq jobalardy iske asyrý máselelerin talqylady.
Kezdesýge Syrtqy ister mınıstri M. Tileýberdi, Energetıka mınıstri Q. Bozymbaev, Aýyl sharýashylyǵy mınıstri S. Omarov, Ekologııa, geologııa jáne tabıǵı resýrstar mınıstri M. Myrzaǵalıev, Indýstrııa jáne ınfraqurylymdyq damý birinshi vıse-mınıstri Q. О́skenbaev, Qarjy vıse-mınıstri R. Beketaev qatysty.
