Qazaqstan • 07 Qarasha, 2019

«Qazaqstan jándikteriniń tańǵajaıyp álemi» baıqaýy qorytyndylandy

80 retkórsetildi

«Ǵylym ordasy» Tabıǵat mýzeıiniń uıymdastyrýmen ótken «Qazaqstan jándikteriniń tańǵajaıyp álemi» balalar shyǵarmashylyǵy baıqaýy máresine jetti. Baıqaý qorjynyna kelip túsken júz elýden astam jumystyń árqaısynyń ózindik ereksheligi bar. Olardyń arasynan úzdik jumystardy irikteý, árıne, qazylar alqasyna ońaıǵa túspegeni anyq. 

«Rýhanı janǵyrý» baǵdarlamasyn júzege asyrý maqsatynda uıymdastyrylyp otyrǵan baıqaýdy quttyqtaý sózimen ashqan «Ǵylym ordasy» bas dırektorynyń orynbasary Nurlan Seıdin balalarǵa aldaǵy ýaqytta da týǵan jerdi taný sharalaryna shaqyrdy. Ulttyq qundylyqtardy baǵalaý, elimizdiń tabıǵı baılyǵyn saqtaýǵa baýlýdy maqsat etetin baıqaýǵa Almaty jáne Almaty oblystary mektepteriniń oqýshylary qatysqan.

Tabıǵat mýzeıiniń meńgerýshisi Gúljan Shaızatqyzynyń aıtýynsha, osy mazmundaǵy baıqaýlar balalar qııalyn ushtap, tabıǵatty zertteýge, aıalaýǵa, qorshaǵan ortaǵa beıjaı qaramaýǵa baýlıdy. Sondaı-aq tabıǵat murajaıyndaǵy ekspozısııalar kelýshilerdi ertedegi janýarlar álimimen ǵana emes, Qazaqstannyń qazirgi zamanǵy tabıǵatymen tanysýǵa da múmkindik beredi.

Qazylar alqasy barlyq jumysty muqııat baǵalady. Izdenisterin aq qaǵaz betine túsirgen balalardyń qııalynda shek joq dersiz. Qaryndashty da, japsyrma quraldaryn da paıdalanǵan jumystarda jándikterdiń tabıǵattaǵy tirshiligi sheber kórsetilgen. Al qumyrsqalardyń birneshe túrin úıde ósiretin 9-synyp oqýshysy Inokentıı Treskýnovtyń jándikterdi baptaýdaǵy tájirıbesi balalardy erekshe qyzyqtyrdy.  

Baıqaý qorytyndysyna oraı eń úzdik jumystarǵa arnaıy dıplomdar berilse, ózge qatysýshylar da sertıfıkattarmen marapattalyp, kitaptar syıǵa tartyldy. Balalar shyǵarmashylyǵyn uıymdastyrǵan mektep ustazdaryna da Alǵys hattar berildi. Jeńimpazdarǵa  «Qazaqastannyń qyzyl kitaby betterinen», «Qazaqstannyń qaýipti janýarlary» kitaptary syıǵa tartylyp, tanymdyq baǵytta jándikter týraly fılmder kórsetildi.

 

ALMATY

Sońǵy jańalyqtar

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Jańǵyrǵan Jambyl óńiri

Aımaqtar • Keshe

Baǵa QR kodtar arqyly beriledi

Medısına • Keshe

Rýhanı ráýishtegi tartý

Aımaqtar • Keshe

Turar taǵdyrynyń taǵylymy mol

Rýhanııat • Keshe

Orynbor jáne qazaq zııalylary

Rýhanııat • Keshe

El erteńi – jalyndy jastar

Prezıdent • Keshe

Uqsas jańalyqtar